Mateo 5:11 - O Debleskro Drom 2021 (Sinte)

¹¹ Tumer patsenn ap mande. Doleske praassenn le tumen, lenn tumen palla, un rakrenn chochene tchilatche laba pral tumende. Te krenn le kowa, awenn bachtele!

O Debleskro Lab 2024 (Sinte-Manouche)

¹¹ T'mer patsenn ap mande. Doleske praasenn le t'men, lenn t'men palla, oun rakrenn rhorhene čilače laba pral t'mende. Te krenn le kova, avenn barhtele!

Mateo 5:11 ပူးပေါင်းရင်းမြစ်များ

Debleskri gili 35:11

Chochene wenna, un anenn doosh ap mande. Jon putchenn mandar, hoi me gar djinau.

Debleskri gili 44:22

palle djinals tu kowa. Tu dikeh, hoi pash hakeneste an o dji khatemen hi, un hoi kek wawar djinell.

Jesaja 25:8

O merepen lell lo krik hako tsireske. O baro Dewel, maro rai, khossell palle hakeneske i swa tele. Un koi ladj, hoi ap peskre menshende tchiddo hi an hake themma, lell lo lendar krik. Kowa penas o baro Dewel.

Jesaja 51:7

Shunenn, hoi penau, tumer, kai prindjrenn o tchatchepen, tumer menshe, kai kamenn miro drom te djal. Ma darenn glan ko praassepen, koleha i menshe tumen praassenn! Ma darenn glan lengro baro mui!

Jesaja 66:5

Shunenn, hoi o baro Dewel penell, tumer, kai glan leskro lab darenna. Tumer rikrenn pash mande, doleske choirenn pen tumare phrala pral tumende, un tchiwenn tumen pale, un praassenn tumen un penenn: Mu sikrell o baro Dewel peskro barepen un peskri soor, te dikas mer, har job tumen bachteles krell! Kolla hunte ladjenn pen palle.

Jeremia 37:14

Kote penas o Jeremia: Kowa hi gar tchatcho, me kamau gar pash i Babilonarja wergel te nashell. O Jirija kamas gar ap o Jeremia te shunell, un tapras les un anas les pash i pralstune murshende.

Mateo 10:18

Tumer patsenn ap mande. Doleske anenn le tumen glan i pralstunende un glan i bare rajende, te rakrenn jon i phagi win pral tumende. Kowa well ap tumende, te rakrenn tumer mandar glan lende un glan kolende, kai o Debles gar prindjrenna.

Mateo 10:22

Tumer patsenn ap mande. Doleske wenn i menshe chojedo ap tumende. Kowa, kai atchell soreles tardo an o patsepen, jaake rah, har job djiwella, kowa lell o Debleskro djipen.

Mateo 10:25

Jek, kai djal an o sikepaskro kheer, koleske hi doha, te djinell lo jaake bud har peskro sikepaskro. Un i budepaskro, koleske hi doha, te haiwell lo jaake bud har peskro rai. Un te penenn le ap o rajeste pral o kheer: Beng! palle kharenn le ninna kolen jaake, kai an leskro kheer djiwenna. Doleske ma darenn lendar!

Mateo 10:39

Koon kamell peskro djipen te rikrell, kowa nashrell les. Koon peskro djipen mange nashrella, kowa lell les pale.

Mateo 19:29

Un hakeno, kai mukas peskro kheer, peskre phralen, peskre phenjen, peskro dades, peskri dat, peskre tchawen un peskro kotar them, te djal lo mantsa, kowa lell sheel kope pale, hoi job mukas. Un o Dewel dell les o djipen, hoi gar pre-herella.

Mateo 24:9

Palle taprenn le tumen, denn tumen dawa, un marenn tumen. Un i menshe an i tsele themma wenna chojedo ap tumende doleske, kai patsenn tumer ap mande.

Mateo 27:39

Un kolla, kai kote pashel wan, sikran i gushteha ap o Jesuseste, un praassan les.

Markus 13:13

Tumer patsenn ap mande. Doleske wenn i tsele menshe chojedo ap tumende. Kowa, kai atchell soreles tardo an o patsepen, jaake rah, har job djiwella, kowa lell o Debleskro djipen.

Markus 13:9

Denn jak ap tumende! Tumer wenn glan i tchatchepangre anlo, un chan dawa an i biboldengre kangria. Tumer patsenn ap mande. Doleske anenn le tumen glan i pralstune un glan i bare rajende, te rakrenn jon i phagi win pral tumende. Te han glan lende tardo, palle nai rakrenn tumer mandar, te shunenn jon pral mande o tchatchepen.

Markus 4:17

un bistrenn les ninna pale sik. Jon mukenn les gar an pengro dji soreles te well. Te well i pharo tsiro ap lende, un te wenn le mange palla lino, palle witsrenn le pengro patsepen ap i rig.

Markus 8:35

Koon kamell peskro djipen te rikrell, kowa nashrell les. Koon ap miro drom mantsa djala un i menshenge miro lab penella, un well doleske mulo dino, kowa lell o djipen pale.

Louka 21:12

Glan ko tsiro, kai kowa lauter wella, lenn jon tumen palla, un taprenn tumen. Jon anenn tumen glan i tchatchepangre an i biboldengre kangria un witsrenn tumen an o stilepen. Tumer patsenn ap mande. Doleske anenn le tumen glan i bare rajende un glan i pralstunende, te rakrenn jon i phagi win pral tumende.

Louka 21:17

Hakeno hi chojedo ap tumende doleske, kai patsenn tumer ap mande.

Louka 6:22

Bachtele han tumer, te wenn i menshe chojedo ap tumende, un tchiwenn tumen pale, un praassenn tumen, un rakrenn tchilatches pral tumende, un kowa lauter krenn le doleske, te patsenn tumer ap o Menshengro Tchaweste!

Louka 9:24

Koon kamell peskro djipen te rikrell, kowa nashrell les. Koon peskro djipen mange nashrella, lell les mandar pale.

Johanni 15:21

Tumer han miro. Doleske hi jon tchilatcho ap tumende. Jon prindjrenn koles gar, kai bitchras man.

Johanni 9:28

Koi tchingran jon ap leste un penan: “Tiro sikepaskro hi lo. Maro sikepaskro hi o Mose.

Bičepangre 9:16

Me kamau leste te sikrell, kai hunte lell job bud duka mange ap peste.”

Remarja 8:36

An o Debleskro lab hi tchinlo: Mer ham tiro. Doleske kamenn le men hako tsiro te marell. Jon dikenn ap mende, har te wams bakre, hoi wenn maredo.

1. Korintarja 4:10

Mer rakrah o Jesus Kristestar. Un doleske ham dinele glan i menshengre jaka. Tumer patsenn ap o Jesus Kristeste, un doleske han gosewe. Mer ham gar sorele, un tumer han sorele. Men sharenn le gar. Tumen sharenn le.

2. Korintarja 4:11

Hako tsiro ham mer glan o merepen tardo. Te merah, merah o Jesuseske, te well ninna o djipen diklo, hoi o Jesus men della, ninna te meras.

Filiparja 1:29

O Dewel hi tumenge latcho, un das tumen o patsepen ap o Jesus Kristeste, un gar o patsepen kokres. Na-a, dran o patsepen ap leste, hunte lenn tumer ninna duka ap tumende.

1. Petro 2:23

Te tchingran le ap leste, tchingras job gar pale. Te dan le les, das lo len gar trad. Na-a, job tchiwas pes an o Debleskre wasta. Un o Dewel hi o tchatchepaskro rai, kai djal pal o tchatchepen.

1. Petro 4:14

Te praassenn le tumen doleske, kai patsenn tumer ap o Jesus Kristeste, nai wenn tumer bachtelo. Palle nai djinenn: O Debleskro railo Ducho hi ap tumende tchiddo.

Debleskro tsiro 2:3

Tumer dan tumaro patsepen gar pre, un lan i pharo djipen mange ap tumende, un tumer wan gar khino an tumari budi mange.