Mateo 4:25 - O Debleskro Drom 2021 (Sinte)

²⁵ Un bud menshe djan leske palla. Jon wan dran o them Galilea, un dran ko them, kai i deesh forja tchiddo hi. Jon wan ninna dran o them Judea, un dran o foro Jerusalem, un dran o them, hoi ap i wawar rig o panjestar Jordan tchiddo hi.

O Debleskro Lab 2024 (Sinte-Manouche)

²⁵ Oun boud menshe djan leske palla. Yon van dran o them Galilea, oun dran ko them, kay i deesh forya čiddo hi. Yon van ninna dran o them Youdea, oun dran o foro Yerusalem, oun dran o them, hoy ap i vavar rig o panyestar Yordan čiddo hi.

Mateo 4:25 ပူးပေါင်းရင်းမြစ်များ

Mateo 12:15

Un o Jesus haiwas kowa, un djas peske. Un bud menshe djan leske palla. Un job kras hakenes lendar sasto.

Mateo 19:2

Un bud menshe djan leske palla. Un job kras i nasselen kote sasto.

Mateo 4:15

Tumer menshe an i themma Sebulon un Naftali, tumer, kai djiwenna pash o baro pani, an o them wergel o pani Jordan, tumer djiwenn kote, kai kolla djiwenna, kai prindjrenn o Debles gar.

Mateo 5:1

Un har job kol tsele menshen dikas, djas lo ap i berga pre, un beshas pes tele. Un leskre mala wan pash leste, te shunenn les le.

Mateo 8:1

Un o Jesus djas i berga tele, un bud menshe djan leske palla.

Markus 5:20

Un kau mursh djas peske, un djas an ko them trujel, kai i deesh forja tchiddo hi, un penas i menshenge, hawo baro koowa o Jesus ap leste kras. Un hakeno kras bare jaka.

Markus 6:2

Ap o Debleskro diwes djas lo an i biboldengri kangri un sikras i menshende o Debleskro drom. Un bud menshe, kai shunan les, kran bare jaka pral kowa, hoi job penas. Jon penan: “Koon penas leske kowa lauter? Koon das les sawo goswepen? Kai well leskri bari soor, te nai krell lo sawo baro koowa?”

Markus 7:31

Un o Jesus djas win dran o them pash o foro Tirus, un djas an o them pash o foro Sidon, un dureder pash o baro pani an o them Galilea. Un job was mashkral an ko them, kai hi kol deesh forja tchiddo.

Louka 6:17

Pal kowa djas o Jesus lentsa i berga tele. Un jon wan ap i buchlo kotar them. Koi his bud kolendar khetne, kai leske palla djan, un ap leste shunan. Ninna bud wawar menshe his kote. Un kolla wan dran o tselo them Judea un dran o foro Jerusalem, ninna dran o them, kai i forja Tirus un Sidon tchiddo hi.

Louka 6:19

I tsele menshe kaman les an te taprell. I bari soor was dran leste, un kras lauteren sasto.