Mateo 4:2 - O Debleskro Drom 2021 (Sinte)

² Un star-deesh (40) diwessa un ratsja chas o Jesus tchi. Un palle was les i bari bok.

O Debleskro Lab 2024 (Sinte-Manouche)

² Oun star-deesh (40) divessa oun ratsya rhas o Yezous či. Oun palle vas les i bari bok.

Mateo 4:2 ပူးပေါင်းရင်းမြစ်များ

1. Rajengro liil 19:8

Kote stas lo pre un chas un pijas, un djas an kai chapaskri soor star-deesh diwessa un star-deesh ratsja, bis te was lo ap o Debleskri berga, o Horeb.

2. Mose 24:18

O Mose djas mashkral dren an koi wolka, un djas dureder pre ap i berga, un atchas star-deesh diwessa un star-deesh ratsja pral ap koi berga.

2. Mose 34:28

Star-desha diwessa un ratsja atchas o Mose ap i berga pash o baro Debleste. An kowa tsiro chas lo tchi un pijas lo tchi. Job tchinas kol deesh laba ap kol dui barra, – kol laba, kai penenna, hoi o Dewel peskre menshendar kamella.

Mateo 21:18

Un o wawar diwes taissarlake, djas job an o foro pale. Ap o drom las lo bok.

Mateo 25:35

Man his bok. Un tumer dan man te chal. Man his trush. Un tumer dan man te pijell. Me homs kek tumendar. Un tumer lan man an tumare khera.

Mateo 25:42

Man his bok. Tumer dan man tchi te chal. Man his trush. Tumer dan man tchi te pijell.

Markus 11:12

Un o wawar diwes, har o Jesus dran o gab Betani djas, las lo bok.

Louka 4:2

Kote atchas lo star-deesh diwessa. Un o beng was pash leste, te anell lo les o Debleskro dromestar tele. An kol diwessa chas o Jesus tchi. Un har kol diwessa trujel his, his les bok.

Johanni 4:6

Koi his o Jakobeskro pani. O Jesus was khino ap ko dur drom un beshas pes pash ko pani. His deesh-te-dujenge.

5. Mose 18:18

I Debleskro rakepaskro har tu jek hal, kai well lendar, koles bitchrau me lenge. Un me kamau leske mire laba an leskro mui te tchiwell. Un job rakrell ap lende halauter, hoi me leske penau.

5. Mose 9:18

Un me witsrom man tele glan o baro Debleste, un homs tchiddo glan leste har koi ersto kopo 40 (star-deesh) diwessa un ratsja. Maro chom kek, un pani pijom gar. Un mangom les tumenge, te dikell lo gar ap tumari bari doosh, hoi tumer ap tumende lan, har sawo djungelo koowa kran, un les jaake chojedo kran.

5. Mose 9:25

Un har kamas o baro Dewel tumen te marell, homs tchiddo glan leste 40 (star-deesh) diwessa un 40 (star-deesh) ratsja.

5. Mose 9:9

Me homs pre ap i berga, te lap lestar kol barra, an koleste job i deesh laba tchinas, hoi hunte rikrenn, te wenn leskre menshe. Kote atchom me 40 (star-deesh) diwessa un ratsja. Maro chom me kek, un pani pijom me witar gar.