Mateo 4:18 - O Debleskro Drom 2021 (Sinte)

¹⁸ Un har job pash o baro pani an o them Galilea djas, dikas lo kote dui phralen: O Simon, kai kharella ninna Petro, un leskro phrales, o Andreas. Kolla his matchepangre, un witsran pengre matchengre gone an o pani, te taprenn le matchen.

O Debleskro Lab 2024 (Sinte-Manouche)

¹⁸ Oun har yob pash o baro pani an o them Galilea djas, dikas lo kote douy phralen: O Simon, kay kharella ninna Petro, oun leskro phrales, o Andreas. Kolla his mačepangre, oun vitsran pengre mačengre gone an o pani, te taprenn le mačen.

Mateo 4:18 ပူးပေါင်းရင်းမြစ်များ

2. Mose 3:1

O Moseskri romjakro dad his o Jetro, ko rashai an o them Midian. Koles his bakre un busja. Un o Mose das jak ap lende, un anas len pral o tato mulo them, un was pash o Debleskri berga, hoi kharella Horeb.

2. Mose 3:10

Kanna dja pash o Farao! Me bitchrau tut, te less mire menshen, i Israelitarja, win dran o them Egiptia.”

Ezekiel 47:10

Un pash leste hi matchengre tardo. An o tselo them mank En-Gedi un En-Eglajim tchiwenn le pengre matchengre gone win, te wenn le truk. Hako matcho, hoi dell, hi an leste, jaake bud har an o Mashkralstuno Baro Pani.

4. Mose 34:11

Un dureder tele fun Shefam bis Ribla. Kowa hi ap kai rig o forestar Ajin, kai o kham pre djal. Pal kowa djal tele kol tikne berge pash o pani Kinneret, kote, kai o kham pre djal,

Mateo 10:2

Kolla hi i laba kol deesh-te-dujendar, kolen o Jesus pash i menshende bitchras: O glanstuno his o Simon, kai kharas ninna Petro, un leskro phraal Andreas, un o Jakobo un leskro phraal Johanni, – kolengro dad his o Zebedeo,

Mateo 15:29

Un o Jesus djas peske, un was pash o baro pani an o them Galilea. Un kote djas lo ap i berga, un beshas pes kote tele.

Mateo 16:18

Doleske penau tuke: Tiro lab hi kanna Petro. Kowa, hoi tu kate penal, hi har i sorelo bar, ap koleste tchiwau miro kheer. Un miro kheer hi kolla, kai patsenn ap mande. Un kek nashte lell len dran mire wasta win, ninna kek merepen.

Mateo 4:19

Un job penas ap lende: “Awenn mantsa! Me krau tumendar menshen, kai anenn wawaren pash mande.”

Markus 7:31

Un o Jesus djas win dran o them pash o foro Tirus, un djas an o them pash o foro Sidon, un dureder pash o baro pani an o them Galilea. Un job was mashkral an ko them, kai hi kol deesh forja tchiddo.

Louka 6:14

Un kolla his: O Simon, – koleste das job ninna o lab Petro, un leskro phraal Andreas, o Jakobo, un o Johanni, o Filipo, o Bartolomeo,

Johanni 21:1

Pal kowa mukas pes o Jesus glan peskre malende pale te dikell, har jon pash o baro pani Tiberias his. Un kowa was jaake:

Johanni 6:1

Pal i tsiro djas o Jesus ap i wawar rig o baro panjestar Galilea. Ko pani kharella ninna Tiberias.

Johanni 6:8

Jek leskre malendar, o Andreas, ko phraal o Simon Petrestar, penas ap o Jesuseste:

5. Mose 3:17

Ap i rig, kai o kham tele djal, djal o them bis pash o lengsto pani Jordan, un kote fun o pani Kinneret bis pash o Londo Baro Pani, un bis tella pash i berga Pisga, kote kai o kham pre djal.