Mateo 4:15 - O Debleskro Drom 2021 (Sinte)

¹⁵ Tumer menshe an i themma Sebulon un Naftali, tumer, kai djiwenna pash o baro pani, an o them wergel o pani Jordan, tumer djiwenn kote, kai kolla djiwenna, kai prindjrenn o Debles gar.

O Debleskro Lab 2024 (Sinte-Manouche)

¹⁵ T'mer menshe an i themma Zabulon oun Naftali, t'mer, kay djivenna pash o baro pani, an o them vergel o pani Yordan, t'mer djivenn kote, kay kolla djivenna, kay prindjrenn o Debles gar.

Mateo 4:15 ပူးပေါင်းရင်းမြစ်များ

1. Rajengro liil 9:11

Un o Hiram, ko rai pral o foro Tirus, das o Salomeste ko tselo zedertikro kasht un zipresstikro kasht un jaake bud sonakai, har o Salomo lestar kamas. Har kol dui khera kerdo his, das o Salomo o Hirameste biish forja an o them Galilea.

2. Rajengro liil 15:29

An ko tsiro, har o Pekach ko baro rai pral o them Israel his, was o Tiglat-Pileser, ko baro rai pral o them Assur, un peras an o them Israel dren un las peske kol forja Ijon, Abel-Bet-Maacha, Janoach, Kedesh, Hazor, Gilead un dran o them Galilea ko tselo them Naftali. Un mukas kol menshen, kai kote djiwenn, krik te anell an o them Assur.

Jesaja 9:1

Kol menshe, kai djiwenn an i kali rat, dikenn i bari momeli. Kolenge, kai djiwenn an i tamlo them, djal o kham pre.

Mateo 4:13

Kote atchas lo gar an o foro Nazaret. Job djas dureder un djiwas an o foro Kapernaum, hoi pash o baro pani Genezaret tchiddo hi. Kowa hi an i themma Sebulon un Naftali tchiddo.

Mateo 4:14

Jaake was kowa tchatcho, hoi o Debleskro rakepaskro, o Jesaja, glan i rah tsiro penas:

Mateo 4:25

Un bud menshe djan leske palla. Jon wan dran o them Galilea, un dran ko them, kai i deesh forja tchiddo hi. Jon wan ninna dran o them Judea, un dran o foro Jerusalem, un dran o them, hoi ap i wawar rig o panjestar Jordan tchiddo hi.

Louka 24:27

Palle penas o Jesus lenge, hoi o Mose un i tsele Debleskre rakepangre pral leste tchinan.

Josua 20:7

Un i mursha dran Israel rodan kal forja win, te wenn le naashepangre forja: o foro Kedesh an o them Galilea ap i berga Naftali; o foro Sichem an o them Efrajim; un o foro Kirjat-Arba, hoi hi kanna Hebron, ap i berge Juda.

Josua 21:32

Un an o them Naftali lan le triin forja, Kedesh an o them Galilea, kai ninna i foro hi, kai kolla nai nashenn, kai jekes temerl dan, un koi phub trul o foro, kai i vieche nai chan; Hammot-Dor un koi phub trul o foro, kai i vieche nai chan; Kartan un koi phub trul o foro, kai i vieche nai chan.