Mateo 3:7 - O Debleskro Drom 2021 (Sinte)

⁷ Ninna bud Farisarja un Sadduzarja wan pash leste, te mukenn le pen lestar te taufrell. Har job kolen dikas, penas lo ap lende: “Tumer tchilatche sapa! Tumer nai nashenn gar krik glan o Debleskri choli, hoi wella pral i menshende.

O Debleskro Lab 2024 (Sinte-Manouche)

⁷ Ninna boud Farisarya oun Sadducarya van pash leste, te moukenn le pen lestar te taufrell. Har yob kolen dikas, penas lo ap lende: “T'mer čilače sapa! T'mer nay nashenn gar krik glan o Debleskri rholi, hoy vella pral i menshende.

Mateo 3:7 ပူးပေါင်းရင်းမြစ်များ

1. Mose 3:15

Tu un koi romni, tumen hi choli jek ap o wawareste. Ninna tire tchawen hi choli ap lakre tchawende. Un lakre tchawen hi choli ap tire tchawende. Jek lakre tchawendar stakrell tiro shero khetne. Un tu dandreh les an leskri heri.”

Gosewe laba 28:4

Kolla, kai mukan o Debleskro drom, sharenn i tchilatchen. Kolla, kai djan ap o Debleskro drom, kurenn pen lentsa.

Jesaja 59:5

jaake har tikne tchilatche sapa, kai dran lengre jare wenn, un har koi netsa, hoi i spinna krell. Kowa, kai kol sapengre jare chala, hunte merell. Te stakrell lo i jaro khetne, well i sap win.

Jeremia 51:6

Nashenn sik dran o foro Babilon, nashenn tumaro djipaske! te djan gar halauter tele an koi doosh, hoi kau foro ap peste anas! Kowa hi o baro Debleskro tsiro, kai dell lo i Babilonarjen ko tchilatchepen pale, hoi kolla kran.

Jeremia 6:10

Koneha rakrap me? Koneske penap tutar? Koon shunella koi pre? Lengre kanda hi pandlo. Jon nai shunenn gar, hoi tu lenge kameh te penell, un san pral tire laba, un choirenn pen pral lende.

Mateo 12:24

Har i Farisarja kowa shunan, penan le: “O pralstuno beng das les i soor. Dran kowa nai tradell job i bengen win.”

Mateo 12:34

Tumer han sapa! Tumer han tchilatcho un nai rakrenn gar latcho koowa. I mensho penell kowa, hoi an leskro dji dren hi.

Mateo 15:12

Pal kowa wan peskre mala pash leste un penan ap leste: “Djineh tu, kai i Farisarja choiran pen, har jon tire laba shunan?”

Mateo 16:1

Un i Farisarja un i Sadduzarja wan pash o Jesuseste. Jon kaman te taprenn le les leskre labentsa un penan ap leste: “Kre menge i baro koowa, hoi sikrell mende, te well tiri soor o Deblestar!”

Mateo 16:6

Un o Jesus penas ap lende: “Denn jak! O shutlo jarro hi gar mishto, hoi well i Farisarendar un i Sadduzarendar!”

Mateo 22:15

Un pal kowa wan i Farisarja khetne, un rakran mank pende, har jon nai taprenn o Jesuses an leskre laba.

Mateo 22:23

Ap ko diwes wan i Sadduzarja pash leste. Jon hi kolla, kai penenna: O Dewel krell i mulen gar djido.

Mateo 22:34

O Jesus rakras jaake, te nashte penan leske i Sadduzarja tchi buder. Har i Farisarja kowa shunan, wan le khetne.

Mateo 23:33

Tumer han sapa. Awa, tchilatche sapa han tumer. O Dewel witsrell tumen an o bengeskri jag. Un tumer nashte nashenn gar glan koleste krik.

Mateo 5:20

Un me penau tumenge: Tumer nai djiwenn gar o Debleha khetne an o bolepen, te krenn tumer gar, hoi o Dewel kamella. Un tumer hunte krenn kowa feteder, har i biboldengre tchatchepangre un i Farisarja kowa krenna.

Markus 12:13

I Farisarja kran pen khetne kolentsa, kai shunenn ap o Herodes, un bitchran murshen pash o Jesuseste, te taprenn le les an peskro rakepen.

Markus 12:18

Palle wan i Sadduzarja pash leste. Jon hi kolla, kai penenna: I mule wenna buder gar djido. Kolla putchan lestar:

Markus 8:15

Un o Jesus penas soreles ap lende: “Denn jak! O shutlo jarro hi gar mishto, hoi well i Farisarendar un o Herodestar!”

Louka 16:14

Kol Farisarja shunan kowa lauter. Jon his pal i lowe, un jon san pral o Jesuseste.

Louka 18:11

Ko Farisari tchiwas pes tardo un penas: Mo Dewel, me parkrau man pash tute, te hom gar jaake har kal wawar menshe: tchorepangre, chochene, un har kolla, kai chochenn pengri romjat i wawar djuwjah, un gar jaake har kowa, kai koi wergel tardo hi: Ko pale-tchiddo.

Louka 7:30

Kol Farisarja un kol biboldengre tchatchepangre, kran o Debleskro lab penge tchitcheske. Jon mukan pen gar o Johannestar te taufrell.”

Johanni 1:24

Kolla, kai wan pash o Johanneste, his i Farisarendar bitchedo.

Johanni 8:44

Tumaro dad hi o beng. Un tumer krenna, hoi tumaro dad ninna kamella. Job hi jek, kai marell i menshen hako tsiro. Un job hi gar an o tchatchepen tardo. O tchatchepen hi gar an leste. Te rakrell job o chochepen, well kowa dran leste. Job hi i chocheno, un anas o chochepen ap kai phub.

Johanni 9:40

Kowa shunan i Farisarja, kai his kote pashel tardo. Kolla putchan lestar: “Ham mer ninna korelo?”

Bičepangre 15:5

His Farisarja koi, kai ap o Jesuseste patslo wan. Kolla penan ap i phralende: “Kolla, kai kek bibolde hi, hunte wenn ap o mass tchinlo, un lenge hunte well penlo, te rikrenn le pen ap o Moseskre laba.”

Bičepangre 20:31

Doleske denn jak! Un rikrenn tumare jaka pre! Triin bersha homs me pash tumende, un rowom hako diwes un haki rat ap tumende, te krenn tchi, hoi gar mishto hi an o Debleskre jaka. Ma bistrenn kowa!

Bičepangre 26:5

Jaake rah prindjrenn le man. Un jon te kamenn, palle nai penenn le tuke, kai homs i Farisari, un rikrom man o tselo djijeha ap i phurengre laba un ap o Moseskre laba.

Bičepangre 5:17

Ko baro rashai un kol Sadduzarja, kai pash leste his, kolla silweran ap o Jesuseskre bitchepangre,

Remarja 1:18

O Debleskri choli well dran o bolepen tele ap kol tsele menshende, kai kamenn lestar tchi te djinell un krenn o tchilatchepen. Un lengro tchilatchepen rikrell o tchatchepen tele.

Remarja 5:9

Leskro rateha kras lo men tchatcho glan o Debleste. Doleske nai djinah soreles: O Debleskri choli well buder gar ap mende. O Jesus Kristo kras lauter mishto.

1. Tessalonikarja 1:10

Tumer dikenn ap ko diwes, kai well o Debleskro tchawo dran o bolepen pale. Kowa hi o Jesus, koles kras o Dewel i mulendar djido. Job lell men dran o Debleskri choli win, hoi pral i menshende wella.

Hebrearja 11:7

Ninna o Noah patsas, hoi o Dewel penas, har job leha rakras, un leste sikras, hoi pral i tsele menshende wella. Ninna te dikas o Noah kowa gomme gar, shunas lo ap o Debleste, un kras i baro panjeskro kheer. Jaake hunte meras job peskre menshentsa gar. Har o Noah ko panjeskro kheer kras, was diklo, te patsas job, hoi o Dewel penas. Ninna was diklo, i wawar menshe patsan gar, hoi o Dewel penas. Doleske hunte meran le. Ap o Noah penas o Dewel: Tu patsal man. Tu hal kanna an o tchatchepen tardo glan mande.

Hebrearja 6:18

Ko lab, hoi das o Dewel un das peskro wast pre, nai well an kek tsiro krik lino. O Dewel chochella gar. Un mer, kai wam pash leste, te lell lo men dran o tchilatchepen win, men hi kanna leskro sorelo lab, te dell lo men o djipen, hoi gar pre-herella, jaake har job penas.

1. Johanni 3:10

Hakeno, kai gar kowa krella, hoi hi tchatcho glan o Debleskre jaka, kowa hi gar o Deblestar. Witar gar hi kowa o Deblestar, kai peskro phrales gar o djijestar kamella. Ap kowa dikell hakeno, koon o Debleskre tchawe hi, un koon o bengeskre tchawe hi.