Mateo 3:11 - O Debleskro Drom 2021 (Sinte)

¹¹ Me tchiwau tumen an o pani. Kowa sikrella, kai tumer mukan tumaro tchilatcho drom, un djan kanna ap o Debleskro drom. Pal mande well jek, kowa hi sorleder har me. Un me hom gar moldo, te hidjrap leskre kircha leske. Kowa tchiwell o Debleskro Ducho ap tumende. Kowa hi har i jag.

O Debleskro Lab 2024 (Sinte-Manouche)

¹¹ Me čivau t'men an o pani. Kova sikrella, kay t'mer moukan t'maro čilačo drom, oun djan kanna ap o Debleskro drom. Pal mande vell yek, kova hi zorleder har me. Oun me hom gar moldo, te hidjrap leskre kirrha leske. Kova čivell o Debleskro Dourho ap t'mende. Kova hi har i yag.

Mateo 3:11 ပူးပေါင်းရင်းမြစ်များ

Jesaja 4:4

Kowa wella, te thowell o Dewel i tchik tele i menshendar, kai djiwenn an Zion, un lell koi phari doosh krik dran Jerusalem. Te krell lo kowa, hi kowa har i jag, hoi chatchell ko tselo djungelo koowa krik.

Jesaja 44:3

Me tchorau pani ap o them, koles trush hi, un lengste panja nashenn an o truk them. Miro ducho tchorau ap kolende, kai tutar wenna, un miro latchepen ap tire tchawende.

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

Mateo 3:6

Un jon penan glan i menshende hawo tchilatcho koowa jon kran, un mukan pen lestar an o pani Jordan te taufrell.

Markus 1:4

Kowa his o Johanni, kowa, kai taufras i menshen. Job his an o mulo them, un penas i menshenge: “Mukenn tumaro tchilatcho drom! Djan ap o Debleskro drom! Un mukenn tumen te taufrell! Un o Dewel lell tumari doosh tumendar krik!”

Louka 1:17

Un job hi pherdo Debleskri soor jaake har o Elija, un job krell i drom pre o Debleske. Un job krella, te lenn i dada pale i dji pengre tchawenge. Un kolla, kai shunan gar ap o Debleste, kolen anell job pale ap o tchatcho drom. Un jaake krell lo, te hi i menshen djia, kai pre hi lengro Debleske.”

Louka 3:16

Koi penas o Johanni ap lauterende: “Me tchiwau tumen an o pani. Jek wella, kowa hi sorleder har me. Me hom gar moldo, te krap leskre kircha pre. Job tchiwell o Debleskro Ducho ap tumende, un krell tumen djudjo, har i jag o saster djudjo krella.

Louka 3:3

Un o Johanni djas an o them pash o pani Jordan trujel, un penas i menshenge: “Mukenn tumaro tchilatcho drom! Un djan ap o Debleskro drom! Un mukenn tumen te taufrell! Un o Dewel lell tumari doosh tumendar krik.”

Johanni 1:15

O Johanni rakras lestar, un das gole: “Job hi kowa, kolestar penom: Kowa, kai pal mande wella, hi pral mande. Job his glan mande koi.”

Johanni 1:30

Kawa hi ko mursh, kai penom lestar: Pal mande wella i mursh, ko his pral mande. Job his koi, har me gar koi homs.

Bičepangre 1:5

Har o Johanni taufras tumen, tchiwas lo tumen an o pani. O Dewel tchiwell o Debleskro Ducho ap tumende. Un o tsiro well sik, kai kowa wella.”

Bičepangre 19:4

Koi penas lenge o Paulo: “O Johanni taufras kolen, kai kaman te sikrell, kai mukan le pengro phuro djipen. Un job penas i menshenge, te hunte patsenn le ap koleste, kai pal leste wella. Un kowa hi o Jesus.”

Bičepangre 8:36

Koi wan le pash o pani, un ko pralstuno penas: “Koi hi pani. Hi mange tchomone an o drom tchiddo, te mukap man te taufrell?”

Bičepangre 8:38

Un job penas, te atchell ko wurdin tardo. Un kol dui, o Filipo un o pralstuno, djan khetne an o pani, un o Filipo taufras les.

1. Korintarja 12:13

Kolla, kai ap o Jesus Kristeste patsenna hi bibolde un kolla, kai kek bibolde hi, hi raja un budepangre. Kolla lauter lan o Debleskro Ducho. Ko Ducho anas len lauteren khetne.

Efesarja 3:8

Ninna te hom me o tikneder kol tsele patslendar, das lo man koi shukar budi, te djap pash kolende, kai hi kek bibolde, te penap lenge, hawo baro brawlepen o Jesus Kristes lenge hi,

Tito 3:5

un anas men pash peste. Hams gar moldo, te kras job kowa. Ninna te kram gar latcho un tchatcho koowa, his o Debles i baro dji menge. Doleske thowas lo mari doosh mendar tele, un mer wam leskre tchawe. Kau newo djipen das men o Debleskro Ducho.

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.