Mateo 3:10 - O Debleskro Drom 2021 (Sinte)

¹⁰ Tumer han har ruka, kai wenna tele dino. I tower hi koi tchiddo, te well ko tselo ruk tele dino. Hako ruk, hoi hidjrella kek latcho koowa, well tele dino, un an i jag witsedo.

O Debleskro Lab 2024 (Sinte-Manouche)

¹⁰ T'mer han har rouka, kay venna tele dino. I tover hi koy čiddo, te vell ko tselo rouk tele dino. Hako rouk, hoy hidjrella kek lačo koova, vell tele dino, oun an i yag vitsedo.

Mateo 3:10 ပူးပေါင်းရင်းမြစ်များ

2. Samuel 23:7

Te kameh len te taprell, hunte well tut saster un i lengsto kasht an o wast, un hunte chatchess len pre, kote kai jon hi.

Debleskri gili 1:3

Kowa hi har i ruk, hoi tardo hi pash o pani. Ap o tchatcho tsiro wenn leskre rukengre baro. Un leskre patria atchenn senelo. Lauter, hoi job krella, djala mishto.

Debleskri gili 140:10

Kolla, kai trul mande hi, kamenn mange bibacht. Muk koi bibacht ap lende pale te djal!

Debleskri gili 92:12

Me dikau tele ap kolende, kai mange tchilatchepen kaman, un shunau i gole kol tchilatchendar, kai hadan pen ap mande.

Jesaja 27:11

Un lengre kashta wenn truk un phagenn tele. Un djuwja wenn un lenn len, te krenn le i jag. Kal menshe haiwan tchi. Doleske well koles, kai len kras, kek dji lenge, un hi lenge gar latcho.

Jesaja 61:3

Un kolla an o foro Zion, kolengre djia rowenn, hunte wenn buder gar beshdo an i jagakri tchik un rido an gone. Na-a, me dau len werklia, te krenn le pen shukar, un sungepaskro djet. Lengre djia te giwenn un atchenn buder gar phagedo. Un jon wenn kharedo: ‘Bare ruka, hoi anenn sharepen o Debleske’, un ‘Ruka, hoi o baro Dewel peske an i phub tchiwas’, te well leskro railepen diklo.

Jeremia 17:8

Kowa hi har i ruk, kai pash o pani tardo hi, un tchiwell peskre draba an o pani. Ninna te well o baro tatepen, hi les kek traash. Leskre patria atchenn senelo. Te well i bersh, kai dell kek brishin, hunte well les kek daar. Job mukell gar tele, te hidjrell lo rukengre.

Daniel 4:14

I bolepangre, kai lauter an o jak lenn, rakran kowa win. Un jon, kai wenna o Deblestar, kamenn, te well kowa jaake, te dikenn i menshe, te hi o pralstuno Debles i soor pral i rajengre themma, un job len koleste dell, koneste job kamell. Koles, kai tikno hi mank i menshende, nai tchiwell job pral lende.’

Mateo 21:19

Un har job i faigetikro ruk dikas, djas lo kote un hatsas tchi har i patria kokres ap leste. Koi penas lo ap ko ruk: “Kek tsireske wenna pale faige ap tute!” Un ap jek kopo meras kau ruk tele.

Mateo 7:19

Hako ruk, kai well kek latcho koowa dran leste, well tele dino, un an i jag witsedo.

Louka 23:31

Te krenn jon kawa i senelo kashteha, hoi krenn jon palle i phuro kashteha?”

Louka 3:9

Tumer han har ruka, kai o tower pashel tchiddo hi, te wenn le tele dino. Hako ruk, kai well kek latcho koowa baro pre, well tele dino, un an i jag witsedo.”

Johanni 15:2

Hako senelo kasht ap mande, hoi anell kek drake, tchinell job tele. Un ko kasht, hoi anell drake, krell job djudjo, te anell lo budeder drake.

Johanni 15:6

Koon atchell gar an mande, kowa well win witsedo, har kol kashta, kai tele tchinlo hi. Jon wenn khetne rodedo un an i jag tchiddo, te chatchrenn le.

Hebrearja 12:25

Denn jak, te shunenn ap o Debleste, kai ap tumende rakrella! Har job ap i phub ap i phure Israelitarja rakras, kaman le gar ap leste te shunell, un leskri choli was pral lende. Kitse budeder well o Debleskri choli pral mende, te shunah gar ap leste, kai dran o bolepen rakrella.

Hebrearja 6:8

Job dikell gar latches ap koleste, te hi lo har koi wawar phub, hoi anell subjengre burra, un wawar djungele burra win. Koi phub hi tchi moldo, un pal i tsiro well li chatchedo.