Mateo 28:9 - O Debleskro Drom 2021 (Sinte)

⁹ Ap o drom was o Jesus pash lende un penas: “Latcho diwes!” Un jon djan pash leste, peran glan leste tele, un tapran leskre pire.

O Debleskro Lab 2024 (Sinte-Manouche)

⁹ Ap o drom vas o Yezous pash lende oun penas: “Lačo dives!” Oun yon djan pash leste, peran glan leste tele, oun tapran leskre pire.

Mateo 28:9 ပူးပေါင်းရင်းမြစ်များ

Jesaja 64:5

Kanna wam halauter glan tute har jek, kai pale-tchiddo hi. Ninna o tchatcho koowa, hoi kram, hi har i ratli baja ap mende. Mer halauter wam har mule patria. Mari doosh hidjrell men krik, har i ducho mule patria krik phurdell.

Mateo 14:33

Kolla, kai an o bero his, witsran pen glan o Jesuseste tele, un penan: “Tchatchepah, tu hal o Debleskro tchawo.”

Mateo 23:7

Te djan le an o foro, kamenn le, te penenn i menshe ap lende: Latcho diwes, mo rai.

Mateo 28:10

Koi penas o Jesus ap lende: “Ma darenn! Djan pash mire phralende un penenn lenge, te djan le an o them Galilea! Un kote dikenn le man pale.”

Mateo 28:17

Un har jon les dikan kote tardo, peran le glan leste tele, ninna te patsan gar lauter, te hi job tchatchepah o Jesus.

Mateo 28:8

Un jon djan sik krik. Lengro dji his pherdo daar un bacht. Un jon nashan, te penenn le o Jesuseskre malenge kowa lauter.

Louka 1:28

Un o Gabrijel was pash late an o kheer un penas: “Latcho diwes, Maria! O Dewel hi tuha! Job dikas latches ap tute.”

Louka 24:52

Un jon sharan les, un djan bachteles pale an o foro Jerusalem.

Louka 7:38

Un joi his tardo pal o Jesuseste un rowas. Un lakre swa kran leskre pire sapenes. Un joi khossas len peskre ballentsa. Un joi tchumras leskre pire, un makas len o kutch djeteha dren.

Johanni 12:3

Un i Maria las i tushni, kai bud latcho un kutch djet dren hi, un tchoras kowa pral o Jesuseskre pire. Peskre ballentsa khossas joi leskre pire. Un an o tselo kheer his o latcho sungepen o djetestar.

Johanni 20:19

Har rati his ap kau diwes, – kowa his i kurko – his o Jesuseskre mala khetne. I darjatar kol biboldendar his lengro wudar klidedo. Ap jek kopo was o Jesus dren, un djas mashkral lende, un penas ap lende: “O Debleskri bacht tumentsa!”

Johanni 20:28

Koi penas o Thomas ap leste: “Miro rai un miro Dewel!”

2. Korintarja 13:11

Kanna, mire phrala, awenn bachteles, un awenn pale pale ap o tchatcho drom! Shunenn ap kol laba, hoi me tumenge penom. Rikrenn khetne un tchingrenn tumen gar! Un o Dewel, kai dell kamlepen un bacht an o dji, well tumentsa!

Debleskro tsiro 3:9

Shunenn, hoi me kol bengeskre menshentsa krau, kai chochenn un penenn pendar, te hi le o Debleskre menshe, un jon hi kek Debleskre menshe. Me krau, te wenn le pash tumende, te witsrenn le pen glan tumende ap i phub, un te haiwenn le, te kamau tumen o tselo djijestar.