Mateo 28:3 - O Debleskro Drom 2021 (Sinte)

³ Leskro mui chatchas har i soreli momeli. Un leskro ripen his parno har i gib.

O Debleskro Lab 2024 (Sinte-Manouche)

³ Leskro mouy rhačas har i zoreli momeli. Oun leskro ripen his parno har i gib.

Mateo 28:3 ပူးပေါင်းရင်းမြစ်များ

Debleskri gili 104:4

O ducho, hoi phurdell tel o bolepen, hi tiro bitchepaskro. Un i jag hi tiro budepaskro.

Daniel 7:9

Un me dikom har bare rajengre beshepangre pre-tchiddo wan. Un jek, kai bud phuro his, beshas pes. Leskro ripen his parno har gib. Un leskre balla ap leskro shero his parno har bakrengro bal. Un leskri beshepaskri his har i bari jag. Un i rade tel i beshepaskri his har i jag, hoi pre un tele djal.

Mateo 17:2

Un glan lengre jaka las lo i bolepaskro railepen. Leskro mui was har o kham. Un leskro ripen was bijalo har i bari momeli.

Mateo 28:4

Kol lurde, kai kote jak dan, tapran sawi daar, te peran le ap i phub, un atchan kote tchiddo, har te wans le mulo.

Markus 16:5

Un jon djan an o mulengro kheer dren. Kote dikan le i terno murshes ap i tchatchi rig beshdo, koles his trul peste i lengsto bijalo ripen. Un jon trashan.

Markus 9:3

Un leskre koola wan railes bijalo, jaake bijalo, har kek ap i phub nai thowell len bijalo.

Johanni 20:12

Kote, kai o Jesus tchiddo his, dikas joi dui bolepangren an parne ripja beshdo. Ko jek his kote, kai leskro shero tchiddo his, un ko wawar, kai leskre herja his.

Bičepangre 1:10

Har jon leske palla dikan, har job an o bolepen djas, his dui mursha an bijale ripja pash lende tardo.

Debleskro tsiro 10:1

Un me dikom i wawar sorelo bolepaskres dran o bolepen tele te well. I wolka his trul leste har i ripen. Un i brishineskro bogo his ap leskro shero. Leskro mui his har o kham, un leskre herja har dran jag.

Debleskro tsiro 18:1

Pal kowa dikom i wawar bolepaskres, kai dran o bolepen tele wella. Koles his i bari soor. Un i phub was pherdo leskro railepen.