Mateo 27:53 - O Debleskro Drom 2021 (Sinte)

⁵³ un djan dran pengre mulengre khera win. Pal kowa, har o Jesus ninna i mulendar djido was, djan le an o Debleskro foro Jerusalem. Un bud menshe dikan len kote.

O Debleskro Lab 2024 (Sinte-Manouche)

⁵³ oun djan dran pengre moulengre khera vin. Pal kova, har o Yezous ninna i moulendar djido vas, djan le an o Debleskro foro Yerusalem. Oun boud menshe dikan len kote.

Mateo 27:53 ပူးပေါင်းရင်းမြစ်များ

Nehemia 11:1

Un i pralstune pral i Israelitarja djiwan an o foro Jerusalem. Un i tsele wawar familje witsran kashta, te rodenn le jek familja dran deesh win. Un kolla te djan ninna an o Debleskro foro Jerusalem, te djiwenn le koi. Un kol enja wawar familje atchan an i wawar gaba un forja.

Jesaja 48:2

Tumer kharenn tumen pal o Debleskro foro, un rikrenn tumen ap o Debleste pral o Israel. Leskro lab hi ‘baro Dewel, rai pral o bolepen un i phub’.

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

Mateo 4:5

Pal kowa anas les o beng an o Debleskro foro. Kowa hi o foro Jerusalem. Un o beng tchiwas les ap o Debleskro baro kheer pral pre,

Debleskro tsiro 11:2

Un ko kotar phub glan o Debleskro baro kheer, kote tchip ko kasht gar pre. Ko kotar phub well kolende dino, kai kek bibolde hi. Un jon stakrenn o Debleskro foro khetne star-deesh-te-dui tchon.

Debleskro tsiro 21:2

Un me dikom o Debleskro foro, o newo Jerusalem, har was ko foro tele o Deblestar dran o bolepen. O foro his shukar kerdo har i terni tchai, kai romedinerell un shukar kerdo was peskro romeske.

Debleskro tsiro 22:19

Un te lell jek tchomone krik kal labendar, kai hi tchinlo an kau liil, palle lell o Dewel leskro chapen krik ko rukestar, hoi della o djipen. Ninna nai djal job gar an o Debleskro foro dren, pral hoi tchinom an kau liil.