Mateo 27:4 - O Debleskro Drom 2021 (Sinte)

⁴ Un job penas ap lende: “Me anom doosh ap mande. Me phukrom ap koleste, kai kek doosh ap peste anas.” Penan le: “Kowa hi gar maro koowa. Kowa hi tiro koowa.”

O Debleskro Lab 2024 (Sinte-Manouche)

⁴ Oun yob penas ap lende: “Me anom doosh ap mande. Me phoukrom ap koleste, kay kek doosh ap peste anas.” Penan le: “Kova hi gar maro koova. Kova hi tiro koova.”

Mateo 27:4 ပူးပေါင်းရင်းမြစ်များ

1. Rajengro liil 21:27

Har shunas o Ahab kal laba, tserdas lo peskri plaashka an kotja, riwas peske i gono trujel, chas tchi, un rakras buder gar. Ninna o sopaske riwas lo o gono gar win.

2. Rajengro liil 24:4

un maras bud sawen, kai kek tchilatchepen kran, un anas lengro rat pral peste. Un o tselo foro Jerusalem his pherdo rat. Kau koowa kamas o baro Dewel gar te bistrell.

Hiob 13:4

Tumer tchakrenn o tchatchepen o chochepah, han dramangre, kai tchi-moldo hi, – tumer halauter.

Hiob 16:2

Bud sau koowa shunom me. Tumare latche laba, hoi tumen mange hi, tumer halauter, krenn les mange gomme phareder!

Debleskri gili 94:21

Jon tchiwenn pen khetne, te anenn le doosh ap koleste pre, kai an o tchatchepen tardo hi, un denn koles i phagi, koles kek doosh hi, te well lo maredo.

2. Mose 12:31

Un o Farao mukas an kaja rat o Moses un o Arones gole te dell un penas ap lende: “Sik, mukenn kau them, tumer un i wawar Israelitarja! Djan tumenge mire menshendar krik! Djan un mangenn tumaro baro Debles an, jaake har tumer kaman.

2. Mose 9:27

Kote bitchras o Farao pash o Mose un o Aron, te wenn le, un penas ap lende: “Kau kopo anom doosh ap mande. O baro Debles hi tchatches. Man un mire menshen hi gar tchatcho.

Gosewe laba 12:8

Kones gosewo koowa an o shero hi, kowa well sharedo. Kones dinelo koowa an o shero hi, ap koleste dikenn le tele.

Jeremia 26:15

Djinenn! Te marenn man, marenn tumer jekes, kai kek doosh ap leste hi, un anenn miro rat ap tumende un ap kau foro un kolende, kai dren djiwenn. Tchatchepah, o baro Dewel bitchras man pash tumende, te penap kawa lauter glan tumare kanda.”

Jona 1:14

Kote dan le ap o baro Debleste gole un penan: “Ach, baro Dewel, ma muk men te tassell dran kau mursheste. Ma muk leskro rat pral mende te well! Tu, baro Dewel, kral, hoi an tire jaka mishto hi.”

Mateo 27:19

Har o Pilato ap o tchatchepaskro beshepaskro beshdo his, te rakrell lo o tchatchepen pral leste win, mukas leskri romni leske te penell: “Ko mursh anas kek doosh ap peste. Muk les te djal! Taissar rati his man i tchilatchi suni, un man his bare duka dran leste.”

Mateo 27:54

Ko pralstuno lurdo un kol wawar, kai khetne leha ap o Jesuseste jak dan, kolla dikan, te was i phub trisslemen, un hoi lauter koi djas. Koi tapras len i bari daar. Un jon penan: “Kau mursh his tchatchepah o Debleskro tchawo.”

Louka 23:22

Un o Pilato putchas lendar o triinto kopo: “Hawo tchilatcho koowa kras job? Jaake har me kowa dikau, kras job tchi, te hunte well job maredo. Me dau les dawa, un mukau les te djal.”

Louka 23:41

Kawa hi mari phagi koleske, hoi kram. Mer anah tchatchepah doosh ap mende. Kawa mursh kras kek tchilatchepen.”

Louka 23:47

Har ko pralstuno lurdo dikas, hoi koi djas, sharas lo o Debles un penas: “Tchatchepah, kawa his i latcho mursh.”

Johanni 19:7

“Pal maro biboldengro tchatchepen hunte well lo mulo dino,” penan i bibolde ap o Pilato. “Job penas, kai hi lo o Debleskro tchawo.”

Bičepangre 13:28

Ninna te hatsan le kek doosh ap leste, te nai maran le les, penan le o Pilateske, te dell lo les ap o trushel.

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.

1. Timoteo 4:2

Kolla, kai anenn len o tchatcho dromestar tele, hi chochene, kai penenn pendar, te haiwenn le o tchatchepen. Un jon djinenn buder gar, hoi mishto un tchatcho hi. Ninna haiwenn le gar, hawo tchilatcho koowa jon krenna.

Tito 1:16

Jon penenn, te prindjrenn le o Debles. An lauter, hoi jon krenna, sikrenn le, kai jon les gar prindjrenna. Jon hi infam an o Debleskre jaka, un kamenn gar ap leste te shunell. Jaake hi lauter, hoi jon krenna, tchi moldo.

Hebrearja 7:26

O Jesus hi o baro rashai, kai hunte well men. Job hi latcho glan o Debleskre jaka. Kek tchilatchepen, witar kek doosh hi ap leste. Na-a, job hi gar jaake har mer tchilatche menshe ham, kai ham pale-tchiddo glan o Debleste. Un o Dewel kras les bareder har hako wawar an o bolepen.

1. Petro 1:19

Job plaissras peskro kutch rateha, hoi job ratas, har meras lo ap o trushel. O Jesus Kristo his har i bakro, hoi maredo was o Debleske. Ap leste his kek doosh un kek tchilatchepen.

1. Johanni 3:12

Mer hunte was gar har o Kain. Kowa his o bengestar un maras peskro phrales. Hoske maras lo les? Leskro phraal kras, hoi latcho his. Un o Kain kras, hoi tchilatcho his. Doleske maras o Kain peskro phrales.

Debleskro tsiro 11:10

I menshe ap i phub hi bachtelo, un giwenna un khelenna. Un jek bitchrell o wawareske shukar koowa. Jaake bachtelo hi le, te hi kol dui Debleskre rakepangre mulo, kai dukran kolen, kai ap i phub djiwenna.

1. Samuel 15:24

Koi penas o Saul ap o Samuel: “Me lom doosh ap mande, har shunom gar ap o baro Debleste, un krom gar, hoi tu penal. Me darom i menshendar un shunom ap lende.

1. Samuel 15:30

“Me lom doosh ap mande”, penas o Saul pale. “Ninna te hi jaake, mangau tut, hade man glan i phurende mire menshendar un glan o Israel, un dja mantsa pale, te nai sharap tiro baro Debles.”

1. Samuel 19:5

Job dikas gar ap peskro djipen, har djas lo koi un kuras pes o Filistareha un das les mulo. Jaake te las o baro Dewel o tselo Israel dran i wasta i Filistarendar. Un tu dikal kowa un hals bachtelo. Hoske kameh tu doosh ap tute te anell un i rat jekestar, koles kek doosh ap peste hi? Hoske kameh tu o Davides mulo te dell tchitcheske?”