Mateo 27:32 - O Debleskro Drom 2021 (Sinte)

³² Har jon dran o foro win djan, dikan le i murshes dran o foro Kirene. Leskro lab his Simon. Koles tapran le i sorjah, un kran, te hidjrell lo o Jesuseskro trushel.

O Debleskro Lab 2024 (Sinte-Manouche)

³² Har yon dran o foro vin djan, dikan le i morshes dran o foro Kirene. Leskro lab his Simon. Koles tapran le i zoryah, oun kran, te hidjrell lo o Yezouseskro troushel.

Mateo 27:32 ပူးပေါင်းရင်းမြစ်များ

1. Rajengro liil 21:10

Palle beshenn dui murshen, kai tchi moldo hi, pash leste. Kolla te rakrenn, har te penans le o tchatchepen glan lauterende: ‘Nabot, tu praassal o Debles un o baro rajes.’ Palle anenn les dran o foro win un witsrenn les i barrentsa mulo!”

1. Rajengro liil 21:13

Palle wan kol dui tchi-molde, un beshan pen wergel leste, un anan tchomone pre ap leste un penan glan i tsele menshende: “O Nabot praassas o Debles un o baro rajes.” Palle was lo dran o foro anlo, un jon witsran ap leste barra, jaake meras lo.

3. Mose 4:12

kowa lauter hidjrell lo win, krik dran koi platsa, kai i menshe hi. Un anell kowa ap i djudji platsa, kote kai i jagakri tchik win tchoredo well. Kote chatchrell lo lauter an i jag dran kasht.

3. Mose 4:21

Kowa, hoi kau gurumestar pral atchas, anell job win, krik dran koi platsa, kai i menshe hi, un chatchrell les jaake har job kowa chatchras, hoi ko gurumestar pral atchas, hoi job peskri doshake maras. Jaake hunte well i gurumeha kerdo, hoi maredo well, te well i doosh i tsele Israelendar krik lino.

3. Mose 4:3

Te hi kowa o pralstuno rashai, kai rikras pes gar ap o Debleskro lab, un anas jaake doosh ap i tsele Israelitarjen, palle lell lo i terno gurum, hoi gar nasselo hi, un anell les o baro Debleske, te well leskri doosh, hoi lo ap peste anas, krik lino.

Mateo 16:24

Palle penas o Jesus ap peskre malende: Koon ap miro drom mantsa djala, kowa hunte bistrell, hoi leske kokres mishto hi, un hunte lell peskro trushel ap peste, un djal mantsa.

Mateo 5:41

Un te kamell jek tutar, te djas tu jek kotar drom leha, jaake dja leha dui kope jaake dur ap o drom!

Markus 15:21

Ap o drom tapran le i murshes i sorjah, te hidjrell lo o Jesuseskro trushel. Leskro lab hi Simon, un job his dran ko foro Kirene. Leskre tchawe hi o Alexandro un o Rufo. O Simon budras win ap i kotar phub un his ap o drom pale.

Louka 23:26

Un har jon o Jesuses krik anan, te well job ap o trushel dino, tapran le i murshes ap o drom. Kowa budras win ap i kotar phub un his kanna ap o drom khere. Leskro lab hi Simon, un job his dran ko foro Kirene. Ap koleste tchiwan jon o trushel, te hidjrell lo kowa o Jesuseske palla.

Johanni 19:17

Un job hidjras peskro trushel, un djas dran ko foro win ap ko kotar them, hoi kharella muleskro shero. Kowa kharella ap o biboldengro rakepen Golgata.

Bičepangre 11:20

Mashkral kol patslende his ninna mursha dran Ciprus un Kirene. Kolla wan an o foro Antiochia, un penan ninna kolenge, kai kek bibolde hi, o latcho lab o rai Jesusestar.

Bičepangre 13:1

Mashkral i patslende an o foro Antiochia his Debleskre rakepangre un sikepangre. Kolla his o Barnabas un o Simon, ap koleste penan le Kalo, ninna o Lucio dran o foro Kirene, un o Manaen. Kowa his i maal o baro rajestar Herodes Antipas. Un o Saulo his ninna mank lende.

Bičepangre 6:9

Kote wan bibolde pash leste. Kolla wan dran bud biboldengre kangria. Jon his Libertarja, mursha dran i forja Kirene un Alexandria, un dran i themma Cilicia un Asia. Un jon rakran o Stefaneha un tchingran pen leha.

Bičepangre 7:58

tradan les dran o foro win, un witsran barrentsa ap leste. Un kolla, kai witsran i barra, riwan pengre koola win, un i terno mursh, kai kharas Saulo, das ap lende jak.