Mateo 27:2 - O Debleskro Drom 2021 (Sinte)

² Un jon pandan les, un anan les pash o themeskro rajeste. Leskro lab his Pilato. Job his i Remari. An leskre wasta dan le o Jesuses.

O Debleskro Lab 2024 (Sinte-Manouche)

² Oun yon pandan les, oun anan les pash o themeskro rayeste. Leskro lab his Pilato. Yob his i Remari. An leskre vasta dan le o Yezouses.

Mateo 27:2 ပူးပေါင်းရင်းမြစ်များ

1. Mose 22:9

Jaake wan le ap koi platsa, hoi o Dewel leske penas. Kote kras o Abraham i chatchepaskri o Debleske, tchiwas ko kasht koi pre, las peskro tchawes, pandas les un tchiwas les ap ko kasht pral pre.

Mateo 20:19

Jon denn les an i wasta kolendar, kai kek bibolde hi. Un kolla praassenn les, denn les dawa i tchupnijah, un denn les ap o trushel, te merell lo. Pal triin diwessa krell o Dewel les pale djido.”

Mateo 28:14

O themeskro rai, te shunell lo kowa, palle penah mer leske, te anan tumer an ko koowa kek doosh ap tumende. Jaake hunte trashenn tumer gar lestar.”

Louka 13:1

An ko tsiro wan menshe pash o Jesuseste, un penan leske kol murshendar dran o them Galilea, kai an o Debleskro baro kheer viechen o Debleske maran. Un o Pilato maras kol menshen. Un o menshengro rat un o viechengro rat was lauter khetne.

Louka 20:20

Jon lan o Jesuses an o jak. Un jon bitchran murshen, kai kran, har te wans le latcho. Un kolla putchan bud koowa lestar, te dikenn le, hoi job penals, jaake te nai taprenn le les an leskro rakepen, un te nai denn le les an i Remarjengre wasta.

Louka 23:1

Un lauter stan pre, un anan o Jesuses pash o Pilateste.

Louka 23:12

Un ap ko diwes wan o Herodes un o Pilato mala. Glan ko diwes his jon chojedo jek ap i wawareste.

Louka 3:1

His ap ko tsiro, kai o Tiberio an o foro Rom deesh-te-pantch bersha baro rai his. Un o Pontio Pilato his o rai pral o them Judea. Un o Herodes his o rai pral o them Galilea. Un peskro phraal Filipo his o rai pral i themma Iturea un Trakonitis. Un o Lisanio his o rai pral o them Abilene.

Johanni 18:12

Un i lurde pengro pralstuneha un i biboldengre kliste tapran o Jesuses un pandan les.

Johanni 18:24

O Hannas anas les pandlo pash ko baro rashajeste Kajafas.

Johanni 18:28

Kanna anan le o Jesuses dran o Kajafeskro kheer win, un anan les an o baro kheer o themeskro rajestar, kai i Remari his. His taissarlake. I bibolde djan gar leha an ko baro kheer dren, te wenn le gar pale-tchiddo. Jon kaman te nai chan le ko chapen ap ko baro diwes, kai kharella Passa.

Bičepangre 12:6

An i rat glan ko diwes, kai kamas o Herodes les win anell, te dell lo les i phagi, sowas o Petro mashkral dui lurdende. Job his pandlo dui sasterne shellentsa, un dui lurde dan jak glan o wudar.

Bičepangre 21:33

Un ko pralstuno lurdo djas pash o Pauleste, tapras les, mukas les dui sasterne shellentsa te pandell, un putchas halauterendar: “Koon hi kowa? Un hoi kras kowa?”

Bičepangre 22:25

Har jon les pandan, te denn le les i tchupnijah, penas o Paulo ap ko baro lurdeste, kai kote pashel tardo hi: “Nai denn tumer jekes i tchupnijah, kai hi i Remari, un was gomme gar glan i tchatchepangre anlo?”

Bičepangre 22:29

Un kolla, kai kaman les dawa te dell, djan penge sik. Un ko pralstuno daras, har shunas lo, kai hi o Paulo i Remari, un te mukas lo i Remares te pandell.

Bičepangre 24:27

Har dui bersha trujel his, was o Festo Porcio an o foro Cesarea, un kras kanna koi budi, hoi o Felix glan leste kras. O Felix kamas tchomone te krell, hoi his mishto an i biboldengre jaka. Doleske mukas lo o Paules an o stilepen.

Bičepangre 28:20

Kawa kamom tumenge te penell. Doleske dom tumen gole, te wenn pash mande. Mer bibolde dikah ap ko diwes, kai o Dewel koles bitchrella, kai anell o Israel dran i bibacht win. Ap koleste patsau me. Doleske hom kanna pandlo kol shellentsa.”

Bičepangre 3:13

Na-a! O Dewel o Abrahamestar, un o Isaakestar un o Jakobestar, ko Dewel mare dadendar sikras tumende kate, hawi bari soor un railepen job peskro budepaskres, o Jesuses, das. Koles dan tumer an o Pilateskre wasta, un dan les buchoste, har o Pilato kamas les te djal mukell.

Bičepangre 4:27

Tchatchepah, jon wan lauter an kau foro khetne: O Pilato, o Herodes, i Remarja, un i tsele bibolde dran bud themma. Jon hi chojemen ap tiro budepaskro Jesus, kai tutar was. Koles rodal tu win, maro Dewel, te well lo baro rai.

Bičepangre 9:2

un mangas kolestar lila, te nai djal lo an i biboldengre kangria an o foro Damaskus, te nai taprell job kote kolen, murshen har djuwjen, kai ap o Jesuseskro drom djana, te anell lo len an o foro Jerusalem.

1. Timoteo 6:13

Me penau tuke glan o Debleste, kai krell lauter djido, un glan o Jesus Kristo, kai penas o tchatchepen glan o Pontio Pilato:

2. Timoteo 2:9

Koleske lau duka ap mande. Jon pandan man an o stilepen, har te woms i marepaskro. Ninna te pandan le man an o stilepen, nai pandenn jon gar o Debleskro lab.

Hebrearja 13:3

Ma bistrenn kolen, kai hi an o stilepen. Denn lende kowa, hoi len hunte well djipaske, jaake har te wans tumer kolla, kai stildo hi! Awenn ninna kolenge koi, kai wan palla lino un lan dawa. Awenn lenge jaake koi, har wans tumer kolla, kai wan palla lino un lan dawa.

Čačepangre 15:12

Jon penan ap leste: “Mer ham kai, te pandas tut, un te das tut an i wasta i Filistarendar.” Un o Simson penas ap lende: “Denn tumen sowel, te perenn gar tumer pral mande un denn man temerl.”