Mateo 26:61 - O Debleskro Drom 2021 (Sinte)

⁶¹ un penan: “Kau mursh penas, te nai phagell lo o Debleskro baro kheer tele, un te nai tchiwell lo les an triin diwessa pale pre.”

O Debleskro Lab 2024 (Sinte-Manouche)

⁶¹ oun penan: “Kava morsh penas, te nay phagell lo o Debleskro baro kheer tele, oun te nay čivell lo les an triin divessa pale pre.”

Mateo 26:61 ပူးပေါင်းရင်းမြစ်များ

1. Mose 19:9

Jon dan gole: “Dja tuke! Tu hal i wi-themari un kameh tut rai pral mende te krell. Kanna shun, mer kamah tuha djungleder koowa te krell har kolentsa, kai pash tute an o kheer hi.” Un jon djan ap o Lot pengri tseli sorjah, un kaman o wudar pre te phagell.

1. Rajengro liil 22:27

un pen lenge: ‘Kawa penell o baro rai: Tchiwenn koles an o stilepen, un denn les gar bud maro te chal, un gar bud pani te pijell, bis te wau me sasto dran o kurepen pale.’”

2. Rajengro liil 9:11

Un har o Jehu win djas pash kol menshende leskro rajestar, putchan le lestar: “Hi tchomone? Hoske was ko dinelo pash tute?” “Tchi”, penas job. “Tumer prindjrenn kol murshes, kowa rakrell dinelo koowa.”

Jesaja 49:7

O baro Dewel, kowa, kai o Israel dran o tchilatchepen win lell, un kokres leskro Dewel hi, job penell koleske, kai i menshe tele dikenn ap leste, un koles i menshe dran bud themma gar kamenna, un lengre raja lestar pengro budepaskro krenn, ap koleste penell o baro Dewel: Bare raja dikenn tut, un stenn pre glan tute. Un pralstune dikenn tut un witsrenn pen ap i phub glan tute, Jon dikan, kai rikrau pash tute, me, o Israeleskro Dewel, kai tut win rodom.

Jesaja 53:3

I menshe dikan tele ap leste, un tchiwan les ap i rig. I mursh pherde duka un nasslepen his lo. I grecho his lo lenge, glan koleste jon pengro shero krik rissran. Un menge his lo tchi-moldo.

Mateo 12:24

Har i Farisarja kowa shunan, penan le: “O pralstuno beng das les i soor. Dran kowa nai tradell job i bengen win.”

Mateo 26:62

Un o baro rashai stas pre un putchas o Jesusestar: “Peneh tu tchi ap kowa, hoi jon ap tute pre anan?”

Mateo 26:71

Un job djas win pash o baro wudar glan ko kheer. Kote dikas les i wawar budepaskretsa. Un koja penas ap kolende, kai kote tardo hi: “Kowa hi ninna jek kolendar, kai his o Jesuseha dran Nazaret khetne.”

Mateo 27:40

Un jon penan ap o Jesuseste: “Tu kamal o Debleskro baro kheer tele te phagell, un an triin diwessa pale pre te tchiwell. Tu te hal o Debleskro tchawo, kre tuke, hoi kral i wawarenge un ab kau trushelestar tele!”

Mateo 27:5

Koi witsras lo kol trijanda rupene beme an o Debleskro baro kheer, nashas lendar, tchiwas i dori trul peskri meen, un tassras pes.

Markus 14:58

“Mer shunam, har job penas: Me phagau kau Debleskro baro kheer tele, hoi i menshe pengre wastentsa kran. Un an triin diwessa krau i wawar Debleskro baro kheer, hoi kek menshe pengre wastentsa kran.”

Markus 15:29

Un kolla, kai kote pashel wan, sikran i gushteha ap leste, un praassan les, un penan: “Tu kamal o Debleskro baro kheer tele te phagell, un an triin diwessa pale pre te tchiwell.

Louka 23:2

Un jon anan bud koowa ap leste pre, un penan: “Kau mursh kras mare menshen diwjo. Job penas, te das mer o baro rajeste an o foro Rom buder kek lowe. Un job penas ninna, kai hi lo o Kristo, ko baro rai, kolestar o Dewel penas, te well job.”

Johanni 9:29

Mer djinah, kai o Dewel o Moseha rakras. Konestar kawa wella, djinah mer gar.”

Bičepangre 17:18

Mank lende his ninna sikle mursha, kai kharan Stoikarja un Epikurarja. Kolla tchingran leha. Har rakras o Paulo pral o Jesuseste, un penas, kai kras o Dewel o Jesuses i mulendar djido, penan le: “Hoi kamell ko dinelo rakepaskro te penell?” Wawar penan: “Job rakrell pral wawar deblende, kolen mer gar prindjrah.”

Bičepangre 18:13

un penan koleske: “O Mose sikras men, har mer hunte mangas o Debles an. Un kanna well kau mursh un penell menge, te mangas mer o Debles wawartchandes an.”

Bičepangre 22:22

Har kol tsele menshe o Pauleskre laba shunan, dan le lauter gole: “Anenn les krik un denn les mulo!”