Mateo 26:53 - O Debleskro Drom 2021 (Sinte)

⁵³ Me nai mangoms miro dadestar an o bolepen, te bitchrell lo mange budeder har efta-deesh-te-dui serja (72.000) bolepangren, te wenn le ap miri rig.

O Debleskro Lab 2024 (Sinte-Manouche)

⁵³ Me nay mangoms miro dadestar an o bolepen, te bičrell lo mange boudeder har efta-deesh-te-douy zerya (72.000) bolepangren, te venn le ap miri rig.

Mateo 26:53 ပူးပေါင်းရင်းမြစ်များ

2. Rajengro liil 6:17

Un o Elisa rakras o Debleha un penas: “Baro Dewel, kre leskre jaka pre, te dikell lo!” Koi kras o baro Dewel ko budepaskreske i jaka pre. Un job dikas, kai hi koi berga pherde jagengre graja un jagengre wurdja trul o Elisa.

Daniel 7:10

Un i lengsti jag das lestar karje win. Un leske budran serja kope serja. Un deesh-serja kope deesh-serja his glan leste tardo. Un i tchatchepangre raja beshan pen, un i lila wan pre kerdo.

Mateo 25:31

Un o Jesus penas: Ap ko diwes, kai well o Mensheskro Tchawo an peskro tselo railepen, un leha wenna i tsele bolepangre, palle hi lo o rai pral halauter, un rakrell o tchatchepen win pral i tsele menshende ap i phub.

Mateo 4:11

Koi djas peske o beng. Un bolepangre wan pash o Jesuseste, un his leske koi.

Markus 5:15

un dikan koles kote beshdo, kolestar kol bud benga win wan. Job his an-rido un buder gar diwjo. Har jon kowa dikan, was i traash ap lende.

Markus 5:9

Un o Jesus putchas lestar: “Har khareh tu?” Koi penas lo: “Mer ham bud. Doleske kharau Legioni.”

Louka 8:30

Un o Jesus putchas lestar: “Har khareh tu?” Penas lo: “Legioni.” Ko lab sikrella, te his bud benga an leste.

Johanni 10:18

Kek lell miro djipen mandar. Dran mande well kowa, kai dau miro djipen. Kowa hi an miro wast, te dap miro djipen. Un kowa hi an miro wast, te lap les pale. Jaake krau, hoi miro dad mange penas.”

Johanni 18:36

Koi penas o Jesus: “Miro them un i menshe, kolengro rai me hom hi gar kai phubjatar. Te wals miro them kai phubjatar, un ninna i menshe, kolengro rai me hom, palle kurans pen mire budepangre i biboldentsa, te perap me gar an kolengre wasta. Me penau tuke: Miro them un mire menshe, kolengro rai me hom, hi gar kai phubjatar.”

2. Tessalonikarja 1:7

Tumer, kai wenn kanna palla lino, tumen dell lo i bari bacht. Kowa dell lo tumen mentsa khetne ap ko diwes, kai well maro rai Jesus pale dran o bolepen, un lauter dikenn les. Leskre sorele bolepangre wenn leha,

Judas 1:14

Glan i rah tsiro penas pral lende o Henoch, kowa his o eftato dad pal o Adam: Dikenn, o Dewel, maro rai, well dran o bolepen. Un bud serja bolepangre hi pash leste.