Mateo 26:41 - O Debleskro Drom 2021 (Sinte)

⁴¹ Ma sowenn dren! Mangenn o Deblestar, te perenn gar miro dromestar tele! Tumen kokres hi kek soor te atchenn pash mande, ninna te kamell kowa tumaro dji.”

O Debleskro Lab 2024 (Sinte-Manouche)

⁴¹ Ma sovenn dren! Mangenn o Deblestar, te perenn gar miro dromestar tele! T'men kokres hi kek zoor te ačenn pash mande, ninna te kamell kova t'maro dji.”

Mateo 26:41 ပူးပေါင်းရင်းမြစ်များ

Debleskri gili 119:1

Har bachtelo hi kolla, kai jaake djiwenna, te hunte tchingrell o Dewel gar lentsa, kolla, kai ap o baro Debleskro drom djana.

Debleskri gili 119:115

Djan pale mandar, tumer, hoi krenn o tchilatchepen! Me rikrau ap i laba miro Deblestar.

Debleskri gili 119:117

Hade man pre, te nai taprell man kek, un me kamau hako tsiro te krell, hoi mandar kameh.

Debleskri gili 119:32

Miro dji hi dur pre, te krap lauter jaake har tu mandar kameh.

Mateo 24:42

Rikrenn tumare jaka pre! Tumer djinenn gar ko diwes, kai tumaro rai pale wella.

Mateo 25:13

Doleske penau me tumenge: Rikrenn tumare jaka pre! Tumer djinenn gar ko diwes, kai o rai pale wella!

Mateo 26:38

Koi penas lo ap lende: “Miro dji rowella, un mange hi jaake har te merap. Atchenn kate un sowenn gar dren!”

Mateo 6:13

Ma muk men tiro dromestar tele te djal! Le men dran o bengeskro wast win!

Markus 14:38

Ma sowenn dren! Mangenn o Deblestar, te perenn gar miro dromestar tele! Tumen kokres hi kek soor, te atchenn pash mande, ninna te kamell kowa tumaro dji.”

Louka 11:4

Un biste maro tchilatchepen, hoi mer kram! Un ninna mer bistrah o tchilatchepen, hoi i wawar ap mende kran. Ma muk men tiro dromestar tele te djal!”

Louka 21:36

Denn jak hako tsiro! Mangenn o Deblestar, te wenn tumer sorelo an o patsepen tardo, un wenn mishto win dran ko tchilatcho tsiro, hoi wella! Jaake hunte trashenn tumer gar o Menshengro Tchawestar, te well lo pale.”

Louka 22:40

Un har jon pash i djeteskri berga wan, penas lo ap lende: “Mangenn o Deblestar, te nai anell tumen tchi o Debleskro dromestar tele!”

Louka 22:46

penas lo ap lende: “Hoske sowenn tumer? Stenn pre un mangenn o Deblestar, te nai anell tumen tchi o Debleskro dromestar tele!”

Louka 8:13

Ko kotar phub, hoi hi pherde barra, hi har o dji kol menshendar, kai shunenn o Debleskro lab, un lenn les bachteles pre. O lab well gar sorelo an lengre djia. I tikno tsiro patsenn le. Un te well pharo tsiro ap lende, witsrenn le pengro patsepen ap i rig.

Remarja 8:3

O Moseskre laba nai dan ko djipen gar. I menshe nai kran kowa gar, hoi an o Moseskre lila tchinlo hi. Ko tchilatchepen, hoi an lende his, mukas len gar te krell, hoi o Dewel lendar kamas. Doleske penas o Dewel: “O tchilatchepen hunte merell.” Un job bitchras peskro tchawes, te well lo i mensho har mer, kai tchilatcho ham. Job las maro tchilatchepen ap peste un meras. Un jaake meras o tchilatchepen leha un nashras peskri soor pral mende.

1. Korintarja 10:13

Della sawo koowa, hoi kamell tumen o Debleskro dromestar tele te anell. Dikenn, sawo koowa was ninna ap wawar menshende. Te well pharo koowa ap tumende, dell o Dewel tumen koi soor, te nai hidjrenn kowa. Job hatsell i drom, te wenn pale kote win.

1. Korintarja 16:13

Denn garda, te atchenn an o patsepen! Ma trashenn! Atchenn soreles!

1. Korintarja 9:27

Un me dau jak ap mande, te wap o rai pral miro mass. Me kamau gar te penap i menshenge, hoi jon hunte krenna, un me kokres krau les gar.

Galatarja 5:24

Kolla, kai djiwenn o Jesus Kristeha, kolla anan ko tsele tchilatcho koowa, hoi jon kran, pash o Jesuseste. Un kanna penenn le ‘na-a’ ap o djungelo koowa, hoi kamell an lengro dji te well.

Efesarja 6:18

Rakrenn hako tsiro o Debleha! Mangenn lestar kowa, hoi o Debleskro Ducho an tumare djia tchiwella! Ma mukenn tele te mangell les i tsele patslenge!

1. Petro 4:7

Ko tsiro wella sik, kai tchi atchella, hoi kanna koi hi. Doleske denn garda, har tumer djiwenna, te rikrell tumen tchi pale, te rakrenn o Debleha!

1. Petro 5:8

Denn garda, un awenn gar khino! O beng kamell tumen te marell. Un job djal trujel har i diwji bari margodja, hoi hi lat bok, un rodella, kones joi nai chal pre.

2. Petro 2:9

O Dewel, maro rai, haiwell garda te dell ap kolende, kai les kamenna, te perenn le gar o tchatcho dromestar tele. Job haiwell ninna kol tchilatchen pandlo te rikrell, te lenn le pengri phagi ap ko diwes, kai well o tchatchepen wi-rakedo pral i tsele menshende.

Debleskro tsiro 16:15

Un i triin benga anan len khetne an i them, hoi kharella ap hebretikes: Harmagedon. Kanna shunenn, hoi o Jesus Kristo penella! Job penella: “Me wau har i tchorepaskro. Bachtelo hi kowa, kai jak della, un gar sowella, un leskre koola ap leste hi, jaake te hi lo gar nango un ladjella.”

Debleskro tsiro 3:10

Tumer rikran ko lab, hoi tumenge penom, un wan gar khino an o patsepen ap mande. Doleske rikrau mire wasta pral tumende an ko pharo tsiro, kai i bibacht wella pral i tsele menshende ap kai phub, te well diklo, hoi an lengre djia hi.