Mateo 26:29 - O Debleskro Drom 2021 (Sinte)

²⁹ Un me penau tumenge: Me pijau buder gar i mool, bis te well ko diwes, kai me pijau newi mool tumentsa khetne pash miro dadeste an o bolepen.”

O Debleskro Lab 2024 (Sinte-Manouche)

²⁹ Oun me penau t'menge: Me piyau bouder gar i mool, bis te vell ko dives, kay me piyau nevi mool t'mentsa khetne pash miro dadeste an o bolepen.”

Mateo 26:29 ပူးပေါင်းရင်းမြစ်များ

Debleskro tsiro 7:17

O terno bakro, hoi mashkral o Debleskro beshepaskro hi, kowa dell jak ap lende, har i bakrengro rai ap peskre bakre jak della, un anell len pash o pani, hoi o djipen della. Un o Dewel khossell hake swa ap lengre jaka tele.

Hebrearja 12:2

Te dikas ap o Jesus Kristeste! Kowa anas men ap o Debleskro drom, un djal glan mende, bis te wah pash leste. O Jesus Kristo meras ap o trushel. Ninna te his kowa i ladj leske, las lo kau merepen ap peste. Job djinas, pal kowa well i bari bacht ap leste. Un kanna hi lo beshdo ap o Debleskri tchatchi rig.

Markus 14:25

Tchatchepah, me penau tumenge: Me pijau buder gar i mool, bis te well ko diwes, kai hi o Dewel o rai pral halauter. Palle pijau newi mool pash leste an o bolepen.”

Debleskri gili 40:3

Job hadas man win dran i grufta, dran o merepen un i tchik, un tchiwas mire pire ap i baro bar, te wap soreles tardo.

Bičepangre 10:41

Job mukas pes gar i tsele menshendar te dikell. Na-a. Men rodas o Dewel win, te dikas les. Un har job i mulendar djido was, cham un pijam mer leha. Kowa penah i menshenge, un kowa hi tchatcho.

Johanni 17:13

Kanna wau me pash tute. Kowa rakrau lauter jaake rah, har hom me ap kai phub, te well koi bacht an lengre djia jaake bari, bareder djal gar.

Mateo 13:43

Palle hi kolla, kai kran, hoi lengro dad an o bolepen kamas, har i bari momeli an leskro railo them. Mukenn kowa an tumaro shero trujel te djal!

Debleskro tsiro 14:3

Un jon giwenn i newi gili glan o rajeskro beshepaskro, un glan kol star sorele bolepangre un glan kol tchatchepangre phurende. Un kek nai giwas koi gili, har kokres kol jek-sheel-te-star-deesh-te-star serja (144.000) menshe. O terno bakro plaissras lenge peskro rateha, te lell lo len i phubjatar win, un te anell lo len khetne o Debleske.

Louka 15:32

Mer hunte was bachtelo. Tiro phraal his mulo un was djido. Job his nashedo un hatsas pale khere.

Louka 12:32

Ma darenn! Kate han tumer gar bud un gar an-diklo. O Dewel, kai hi tumaro dad an o bolepen, kowa kamella, te lenn tumer leskro brawlepen un railepen.

Jesaja 53:11

Job las jaake bud daar un duka ap peste, doleske dikell job ninna i momeli, un leskro dji well tchalo. Miro budepaskro hi tardo an o tchatchepen. Un dran kowa lauter, hoi ap leste was, nai tchiwell job ninna bud menshen an o tchatchepen. Un lengri doosh lell job ap peste.

Johanni 15:11

Kowa penom me tumenge, te well miri bacht an tumende jaake baro, har djal gar bareder.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Mateo 18:20

Un kote, kai dui, triin menshe khetne wenna an miro lab, kote hom me mashkral lende.

Mateo 16:28

Tchatchepah, me penau tumenge: Mashkral tumende hi sawe menshe, kai merenn gar, bis te dikenn le o Menshengro Tchawes, har job o baro rai hi.

Zakarie 9:17

Awa, har railo un shukar well kowa! I tchawe wenn sorele terne mursha un djuwja, jaake bud djob un mool hi koi.

Zefanja 3:17

Tumaro baro Dewel hi pash tumende, job hi sorelo un hi ap tumari rig. Leskro dji giwell pral tumende, un job hi tumenge latcho. Tumari doosh lell lo tumendar krik an peskro baro kamlepen, un job dell gole i bachtjatar pral tumende,

Debleskri gili 104:15

i mool, hoi o mensheskro dji bachteles krella, o djet, hoi leskro mui shukar krella, un o maro, hoi o menshes soreles krella.

Debleskri gili 4:7

Bud penenna, koon mukell men latchepen dikell? Tu, baro Dewel, muk tiro latchepen har i momeli pral mende pre te djal!

Johanni 16:22

Kanna rowell tumaro dji. Un me penau tumenge kanna: Me wau pale pash tumende. Un tumer wenn bachtelo. Un koi bacht nai lell tumendar kek krik.

Mateo 25:34

Un palle penell o baro rai ap kolende, kai ap leskri tchatchi rig tardo hi: Ap tumende well i bacht miro dadestar an o bolepen. Awenn un djiwenn mantsa khetne an miri harmenatsjona. Kowa kamas o Dewel jaake rah har o bolepen un i phub koi hi.

Jesaja 25:6

Kate ap i berga Zion mukell o baro Dewel, ko rai pral o bolepen un i phub, i menshenge an i tsele themma i latcho chapen glan te tchiwell; i chapen thullo masseha un latchi phuri mool, awa, wi-rodedo latcho mass un wi-rodedi phuri mool.

Kamlepaskri gili 5:1

Me wau an miri baar, hejo, miri pirni. Un lau mire sungepaskre rukengre, kashta un patria. Un chau miro gudlo gwin, un pijau miri mool un miro thud. Chan, mala, un pijenn! Un wenn mate an tumaro kamlepen!

Mateo 26:28

Kai mool hi miro rat, hoi me ratau budenge, te lap lengri doosh lendar. Jaake krau i drom, kai o Dewel un i menshe mala wenna.

Mateo 26:30

Un palle giwan le o Debleske i gili, un djan win pash o djeteskri berga.