Mateo 26:18 - O Debleskro Drom 2021 (Sinte)

¹⁸ Koi penas job lenge, pash hawo mursheste an o foro Jerusalem jon hunte djan. “Koleske penenn”, penas job, “maro sikepaskro penell tuke: Miro tsiro hi kanna kai. Pash tute kamau te chal o chapen mire malentsa.”

O Debleskro Lab 2024 (Sinte-Manouche)

¹⁸ Koy penas yob lenge, pash havo morsheste an o foro Yerusalem yon hounte djan. “Koleske penenn”, penas yob, “maro sikepaskro penell touke: Miro tsiro hi kanna kay. Pash toute kamau te rhal o rhapen mire malentsa.”

Mateo 26:18 ပူးပေါင်းရင်းမြစ်များ

Mateo 21:3

Jon te putchenn tumendar, hoi tumer lentsa kamenn te krell, palle penenn lenge: Hi maro rajeske, te beshell job koi pre. Un jon denn len tumende.”

Mateo 23:10

Ma mukenn tumen te kharell: Baro sikepaskro! Jek baro sikepaskro hi tumen. Kowa hi o Kristo.

Mateo 23:8

Tumenge penau me: Ma mukenn tumen te kharell: Mo rai! Tumer han halauter phrala. Jek kokres hi tumaro rai.

Mateo 26:19

Un o Jesuseskre mala djan kote, un kran les jaake, har job kowa penas. Un jon kran o chapen.

Mateo 26:2

“Tumer djinenna, an dui diwessa wenn kol bare diwessa, kai Passa kharenna. Un o Menshengro Tchawes well an i wasta kolendar dino, kai les ap o trushel denna, te merell lo.”

Mateo 26:49

Un sik djas lo pash o Jesuseste un penas ap leste: “Latcho diwes, mo rai!” un tchumras les.

Markus 5:35

Har job jaake rakras, wan mursha dran o kheer kolestar, kai o pralstuno pral i biboldengri kangri hi, un penan leske: “Tiri tchai meras. Tu hunte mangess o rajes buder gar.”

Louka 22:53

Hako diwes homs pash tumende an o Debleskro baro kheer, un tumer tapran man gar. Kanna hi tumaro tsiro. Kanna hi o benges penepaske.”

Johanni 11:28

Un har joi kowa penas, djas joi pash peskri phenjate un penas tchorchanes ap late: “O sikepaskro hi koi un dell tut gole.”

Johanni 12:23

O Jesus penas ap lende: “Ko tsiro hi kanna kai, kai o Dewel sikrell o Menshengro Tchaweskro railepen.

Johanni 13:1

His o diwes glan kol bare diwessa, kai kharenna Passa. O Jesus djinas, kai leskro tsiro was, te mukell lo i phub, te djal lo pale pash peskro dadeste. O tselo tsiro kamas lo kolen o djijestar, kai leskre his. Un job mukas gar tele, te kamell lo len.

Johanni 17:1

Pal kol laba dikas o Jesus pre an o bolepen un penas: “Tata, o tsiro hi kai. Sike, hawo railepen un hawi soor tu tiro tchaweste dal, te sikrell job ninna tiro railepen un tiri soor!

Johanni 20:16

“Maria!” penas o Jesus. Koi rissras pes li trujel, un penas ap hebretikes: “Rabuni!” Kowa kharella Sikepaskro.

Johanni 7:30

Koi kaman jon les te taprell. Un kek nai hadas o wast ap leste. O tsiro his leske kanna gar koi, kai well job tapedo.

Johanni 7:6

Koi penas o Jesus ap lende: “O tsiro hi mange kanna gar kai, te djap kote. Tumer nai djan hako tsiro koi.

Johanni 7:8

Djan tumer ap o festo! Me djau gar peha. O tsiro hi mange kanna gar kai.”