Mateo 26:13 - O Debleskro Drom 2021 (Sinte)

¹³ Tchatchepah, me penau tumenge: Ap i tseli phub, kai mire laba i menshenge penlo wenna, koi well ninna penlo, hoi koja djuwel mange kras. Joi well gar bistedo.”

O Debleskro Lab 2024 (Sinte-Manouche)

¹³ Čačepah, me penau t'menge: Ap i tseli phoub, kay mire laba i menshenge penlo venna, koy vell ninna penlo, hoy koya djouvel mange kras. Yoy vell gar bistedo.”

Mateo 26:13 ပူးပေါင်းရင်းမြစ်များ

Debleskri gili 112:6

Job atchell soreles tardo hako tsireske. Kowa, kai an o tchatchepen tardo hi, well an kek tsiro bistedo.

Jesaja 52:9

Giwenn khetne i bachtjatar, tumer dran o khetne phagedo foro Jerusalem! O baro Dewel las pes peskre menshenge an, un krell o foro Jerusalem newes.

Mateo 24:14

Ap i tseli phub well i menshenge ko latcho lab penlo, kai o Dewel kamell len dran o tchilatchepen te lell un kamell lengro rai te well. I menshe an hake themma hunte shunenn ko lab. Un palle well ko tsiro, kai hi o Dewel o rai pral lauterende.

Mateo 28:19

Doleske djan pash i menshende an hake themma, un penenn lenge mire laba, te patsenn le ap mande! Taufrenn len ap o lab o dadestar, o tchawestar un o Debleskro Ducho!

Markus 13:10

Glan ko tsiro, kai i phub paash djala, hunte well o latcho lab mandar penlo an i tsele themma.

Markus 14:9

Tchatchepah, me penau tumenge: Ap i tseli phub, kai penenn le o latcho lab mandar i menshenge, koi well ninna penlo, hoi koi djuwel mange kras. Joi wella gar bistedo.”

Markus 16:15

Un job penas ap lende: “Djan pash i tsele menshende ap i phub un sikrenn hakeneste miro drom!”

Louka 24:47

Un an peskro lab hunte well i menshenge an hake themma penlo, te mukenn le pengro tchilatcho drom, un djan ap o Debleskro drom, jaake kai lell o Dewel lengri doosh lendar krik. Penenn kowa i menshenge an o foro Jerusalem, un palle an i wawar themma!

Bičepangre 10:4

Koles his daar, har job dikas les, un penas ap leste: “Hoi kameh tu mandar, rai?” Un kowa penas ap leste: “O Dewel shunas, har tu les an-mangal. Un job dikas ko latchepen, hoi tu kral i tchorwelenge. Un job bistras kowa gar.

Remarja 10:18

Kanna putchau tumendar: Shunan i bibolde ko lab gar? Awa! Jon shunan kowa lauter. Jaake hi tchinlo an o Debleskro lab: Ap i tseli phub shunan le ko rakepen. An i tsele themma was ko lab penlo.

Remarja 15:19

Un job sikras peskri soor, har kras o Debleskro Ducho baro koowa, hoi kek wawar nai krella. Jaake penom o latcho lab o Jesus Kristestar an o tselo them trul o foro Jerusalem bis an o them Illirikum.

2. Korintarja 10:18

Kowa mensho kras peskri budi mishto, kones maro rai Jesus sharell. Un gar kowa kras peskri budi mishto, kai pes kokres sharell.

Kolossarja 1:23

Jek koowa hunte krenn tumer: Atchenn ap o Jesuseskro drom! Patsenn soreles ap leste! Mukenn gar tele, te dikenn ap kowa, hoi tumen hi pash o Debleste! Rikrenn soreles ap leskro latcho lab, hoi tumenge penlo was! Ko lab was penlo ap i tseli phub. Ninna me, o Paulo, hunte penap ko lab i menshenge. Kowa hi miri budi.

Kolossarja 1:6

Kau latcho lab was gar tumenge kokres penlo. Na-a, kau lab well ap i tseli phub penlo. Un bud un budeder menshe wenna patsle. Jaake hi ninna pash tumende: Tumer shunan ko latcho lab, un haiwan tchatchepah, kai hi o Dewel latches ap tumende.

1. Timoteo 2:6

Job das peskro djipen i tsele menshenge. Jaake sikras o Dewel an o tchatcho tsiro, kai kamell lo, te well hako mensho win lino dran o tchilatchepen un o merepen.

Hebrearja 6:10

O Dewel hi latcho un tchatcho, un bistrell gar tumaro kamlepen ap leste, har budran i patslenge, un krenn kowa gomme kanna dureder.

Debleskro tsiro 14:6

Un me dikom i wawar bolepaskres dur pral ap o bolepen. Kowa hunte penas i menshenge o latcho lab, hoi atchella un gar pre-herella. Job penas les i tsele menshenge, hoi ap i phub djiwenna, haki natsjona, haki harmenatsjona, hako rakepen, un an hake themma.

1. Samuel 2:30

Doleske penell o baro Dewel, kai o Israeleskro Dewel hi: Tchatchepah, me penom, te wenn i mursha dran tiro kheer un dran tiro dadeskro kheer hako tsireske rashaja glan mande. Kanna penau, kowa kamau buder gar. Me krau kolen baro, kai man bares krenna. Un kowa, kai ap mande tchi della, ap koleste well witar tchi dino.