Mateo 24:11 - O Debleskro Drom 2021 (Sinte)

¹¹ Ninna wenna bud chochene rakepangre un penenna, te hi le bitchedo o Deblestar. Kolla anenn bud menshen o tchatcho dromestar tele.

O Debleskro Lab 2024 (Sinte-Manouche)

¹¹ Ninna venna boud rhorhene rakepangre oun penenna, te hi le bičedo o Deblestar. Kolla anenn boud menshen o čačo dromestar tele.

Mateo 24:11 ပူးပေါင်းရင်းမြစ်များ

Mateo 24:12

O tchilatchepen well jaake baro ap i phub, te denn bud patsle pengro kamlepen i wawarenge pre.

Mateo 24:24

Bud chochene mursha penenn ap tumende: Me hom ko baro rai, kolestar o Dewel penas, te well job. Un chochene rakepangre penenna: Me hom o Debleskro bitchedo. Un jon krenna baro un sorelo koowa, hoi i mensho nashte krell gar dran peskri soor. Kowa krenn le, te anenn le i menshen o tchatcho dromestar tele. Te djals kowa, anans le ninna kolen o Debleskro dromestar tele, kolen o Dewel peske win rodas.

Mateo 24:5

Bud mursha wenna un penenna: Me hom o Kristo, ko baro rai, kolestar o Dewel penas, te well job! Un bud menshe patsenn ap lengro chochepen.

Mateo 7:15

Denn jak, te patsenn gar kol chochene rakepangren, kai penenn, te wans le o Deblestar bitchedo! Jon krenn, har te wans le tumare phrala. An lengro dji hi le diwje djukle, kai marenna.

Markus 13:22

Chochene mursha wenna un penenna ap tumende: Me hom o Kristo. Un i chochene rakepangre penenna: Me wom o Deblestar bitchedo. Un jon krenna baro un sorelo koowa, hoi i mensho nashte krell gar dran peskri soor. Te djals kowa, anans le kolen o Debleskro dromestar tele, kolen o Dewel peske win rodas.

Bičepangre 20:30

Ninna dran tumende wenn mursha, kai penenn i patslenge chochene laba, hoi gar o Deblestar wella. Un jon tserdenn i patslen ap pengri rig.

1. Timoteo 4:1

O Debleskro Ducho penell menge, te perenn i menshe o Debleskro dromestar tele an ko tsiro, hoi wella. Jon shunenn ap o chochepen, un ap kowa, hoi wella o bengestar.

2. Petro 2:1

Glan i rah tsiro his chochene rakepangre an o them Israel, kai kran, har te bitchras len o Dewel. Jaake wenna ninna mashkral tumende chochene sikepangre, kai sikrenn tumen i chocheno drom, kai anell tumen krik o Deblestar. Kol sikepangre denn o Jesuses, maro rajes, buchoste, kai plaissras peskro rateha lenge, te lell lo len dran o tchilatchepen win. Jon nashenn an pengri bibacht.

1. Johanni 2:18

Tchowale, mer djiwah an ko tsiro, kai i phub buder gar rah atchella. Un tumer shunan, kai ko chocheno wella, kai hadell pes pral o Jesus Kristeste. Shunenn, bud chochene hi kanna kai, kai hadenn pen pral o Jesus Kristeste. Ap kowa dikah mer, kai i phub buder gar rah atchella.

1. Johanni 2:26

Kawa tchinom tumenge, te mukenn tumen gar o Debleskro dromestar tele te anell.

1. Johanni 4:1

Latche phrala un phenja, ma patsenn hakenes, koon penella, te hi les o Debleskro Ducho! Dikenn ap leskro rakepen, te djinenn tumer, te well kowa tchatchepah o Deblestar! Bud chochene rakepangre nashenn ap i phub trujel. Kolla penenna i menshenge, te well lengro rakepen o Deblestar. Kowa hi gar tchatcho.

Judas 1:4

Me shunom, hi menshe koi, hoi tchorchanes mank tumende wan. Kolla kamenn o Deblestar tchi djinell. Jon penenn, te hi o Dewel latcho, un te nai krenn le lauter, hoi jon kamenna. Jaake djiwenn le i wi-ladjedo djipen, un denn maro rajes, o Jesus Kristes, buchoste. Kowa kokres hi maro rai. Glan i rah tsiro hi tchinlo, te lenn jon pengri phagi.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.