Mateo 22:12 - O Debleskro Drom 2021 (Sinte)

¹² Un job penas ap leste: Miro maal, tut hi kek bijabeskro ripen ap tute, te nai djah tu ap i bijab. Hoi kreh tu kate? Un kowa nashte penas leske tchi.

O Debleskro Lab 2024 (Sinte-Manouche)

¹² Oun yob penas ap leste: Miro maal, tout hi kek biyabeskro ripen ap toute, te nay djah tou ap i biyab. Hoy kreh tou kate? Oun kova nashte penas leske či.

Mateo 22:12 ပူးပေါင်းရင်းမြစ်များ

Hiob 5:16

Jaake lell o tchorwelo pale newi soor an peskro dji, un o tchilatchepen hunte rikrell peskro mui.

Debleskri gili 107:42

Kowa dikenn kolla, kai o tchatcho drom djan, un hi bachteles, un i tchilatchenge well o mui pandlo.

Jeremia 2:23

Har nai peneh tu: Me krom man gar pale-tchiddo? Me nashom gar kol deblenge palla, hoi kharenn Baal. Dik ap tute, hoi tu kreh an i tala! Ma biste, har djiwal! Har i khamela, kai hi bipandlo, nasheh tu trujel,

Jeremia 2:26

Har i tchorepaskro hunte ladjell peske, te well job tapedo, jaake hunte ladjenn penge kol menshe an o them Israel, ninna kol bare raja, un pralstune un rashaja un Debleskre rakepangre,

Mateo 20:13

Koi penas ko rai ap jekeste lendar: Miro maal, me chochrom tut gar. Tu kral mantsa win, te budress mange, un te leh jek rupeni bema mandar.

Mateo 26:50

Penas o Jesus: “Mo maal, hoske wal tu?” Un palle wan kol wawar mursha, tapran o Jesuses, un pandan les.

Mateo 5:20

Un me penau tumenge: Tumer nai djiwenn gar o Debleha khetne an o bolepen, te krenn tumer gar, hoi o Dewel kamella. Un tumer hunte krenn kowa feteder, har i biboldengre tchatchepangre un i Farisarja kowa krenna.

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.

1. Korintarja 4:5

Dran kowa penau, ma penenn jekestar: Kowa krell peskri budi gar mishto. Kanna hi gar o tchatcho tsiro, te rakrenn jaake. Ap ko diwes, kai well maro rai Jesus pale, sikrell lo halauteren, hoi kanna khatedo hi. Un lauter, hoi an o dji dren hi, well palle diklo. Un palle well hakeno sharedo o Deblestar pal koi budi, hoi job kras.

Tito 3:11

Tu djiness, sawo mensho djas o tchatcho dromestar tele, un kamell gar pale ap o tchatcho drom te well. Jaake sikrell lo, kai job mukas o Debles.

1. Samuel 2:9

O baro Dewel rikrell kolen ap o tchatcho drom, kai leskre hi. Un kolla, kai kamenn lestar tchi te djinell, perenn an o tamlepen un merenn. Kek mensho well pestar sorelo.