Mateo 20:6 - O Debleskro Drom 2021 (Sinte)

⁶ Har pantchenge his, djas lo pale an ko foro, dikas pale wawaren koi trujel tardo, un penas ap lende: Hoske han tumer koi tardo, un budrenn gar?

O Debleskro Lab 2024 (Sinte-Manouche)

⁶ Har pančenge his, djas lo pale an ko foro, dikas pale vavaren koy trouyel tardo, oun penas ap lende: Hoske han t'mer koy tardo, oun boudrenn gar?

Mateo 20:6 ပူးပေါင်းရင်းမြစ်များ

Gosewe laba 19:15

Kowa, kai kamell gar te budrell, well khino. Mukell lo peskre wasta an i gali tchiddo, well ko tsiro, kai hunte bokell lo.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

Ezekiel 16:49

Koi doosh tiri phenjatar Sodom his kaja: Joi his pre-phurdo. Lat his budeder har doha chapen un djiwas pengre tchentsa i shukar djipen. Kol tchorwelenge un kolenge, kai tele rikede wan, wan le gar ap i rig.

Mateo 20:5

Har o paash diwes trujel his, djas lo pale an o foro dren, hatsas wawaren, kai hi len kek budi, un bitchras len ninna ap peskro kotar them. Ninna har trinenge his, kras job kowa jaake.

Mateo 20:7

Penan le: Kek das men i budi. Koi penas job: Djan ap miro kotar them, un budrenn mange kote!

Mateo 20:9

Koi wan kolla glan leste, kai an i rat wan, un lan jek rupeni bema lestar. Un lauter, kai pal lende wan, lan ninna jek rupeni bema lestar.

Johanni 9:4

Jaake rah har diwes hi, kras mer, hoi o Dewel menge penas, kowa, kai bitchras man. I rati wella: Koi nai krell kek i budi.

Bičepangre 17:21

I tsele menshe an o foro Athen, ninna kol wi-themarja, kai djiwenn pash lende, kolen his tchi wawar an o shero, har te shunenn le i newo koowa, un te rakrenn le pral kowa.

Hebrearja 6:12

Ma awenn khino, te krenn o Debleskri budi! Awenn jaake har kolla, kai atchan soreles an o patsepen, un lan kowa, hoi o Dewel lenge penas.