Mateo 20:34 - O Debleskro Drom 2021 (Sinte)

³⁴ Un o Jesuseske djas kowa phares an o dji. Un job tchiwas peskre wasta ap lengre jaka. Un ap jek kopo dikan le pale. Un jon djan leha.

O Debleskro Lab 2024 (Sinte-Manouche)

³⁴ Oun o Yezouseske djas kova phares an o dji. Oun yob čivas peskre vasta ap lengre yaka. Oun ap yek kopo dikan le pale. Oun yon djan leha.

Mateo 20:34 ပူးပေါင်းရင်းမြစ်များ

Debleskri gili 119:67

Har djom tiro dromestar tele, dal tu man i phagi. Kanna rikrau tiro lab.

Debleskri gili 119:71

His mishto mange, te dal man i phagi, te shunap ap tute un krau hoi tu mandar kameh.

Debleskri gili 145:8

Latches hi o baro Dewel un krell i menshenge peskro dji pre. Job well gar sik chojedo. Un leskro kamlepen hi baro.

Mateo 14:14

Un har o Jesus dran o bero djas, dikas lo kal bud menshen, un les khaitan le. Un job kras kolen sasto, kai mashkral lende nasselo hi.

Mateo 15:32

Un o Jesus das peskre malen pash peste gole, un penas ap lende: “Man khaitenn kal menshe. Jon hi kanna triin diwessa pash mande, un len hi tchi te chal. Len hi buder kek soor. Dran kowa kamau len gar khere te bitchrell, te perenn le gar ap o drom khetne.”

Mateo 20:33

“Rai!” penan le, “mer mangah tut: Kre mare jaka sasto, te dikas nai pale!”

Mateo 21:1

Ap o drom an o foro Jerusalem wan le an o gab Betfage, kai pash o djeteskri berga tchiddo hi. Un kote penas o Jesus ap dujende peskre malendar:

Mateo 8:15

Un job tapras lakro wast, un ko nasslepen djas latar. Un joi stas pre, un anas lenge i chapen.

Mateo 9:29

Palle tchiwas lo peskro wast ap lengre jaka, un penas: “Jaake har tumer patsan, jaake han tumer kanna sasto.”

Mateo 9:36

Un har job kol bud menshen dikas, khaitan le les. Jon his leske har bakre, kai hi len kek bakrengro, kai ap lende garda della. Jon his khino, un len his buder kek soor an lende.

Markus 7:33

Un job las kol murshes ap i rig, krik kol bud menshendar, un tchiwas peskre gushte an leskre kanda, un tchiwas tchunger ap leskro tchip.

Louka 18:43

Un job dikas nai pale, djas o Jesuseha, un sharas o Debles. Un halauter, kai kowa dikan, sharan o Debles ninna.

Louka 22:51

Koi penas o Jesus: “Muk tele! Kanna hi doha!” Un job tchiwas peskro wast ap o kand ko murshestar, un kras les sasto.

Louka 7:13

Un o Jesus dikas lat, un leskro dji dukas. Un job penas ap late: “Ma rob!”

Bičepangre 26:18

Tu kress lenge i jaka pre, te wenn jon dran o tamlepen pash i momeli, te less len dran o bengeskro wast win, un te aness len pash o Debleste. Te patsenn le ap mande, palle lell o Dewel lengri doosh lendar krik. Un jon wenn o Debleskre tchawe, un djiwenn leha an o bolepen khetne lauterentsa, kai Debleskre tchawe hi.

Hebrearja 2:17

Doleske hunte was o Jesus an lauter jaake, har leskre phrala, te well les i baro dji lenge, un te well lo lenge i tchatcho baro rashai glan o Debleste, te mangell lo leskre menshenge, te lell job i doosh lendar krik.

1. Petro 3:8

Ap tumende lauterende penau: Rikrenn khetne! Hakenes te well i dji o wawareske! Tumer lauter han phrala un phenja. Awenn latches jek ap o wawareste! Ma krenn tumen bares!