Mateo 20:12 - O Debleskro Drom 2021 (Sinte)

¹² Kolla, kai an i rat wan, budran i tikno tsiro. Tu dal len jaake bud lowe har men. Tu djineh, te budram mer o tselo diwes. Un o kham chatchas soreles ap mende.

O Debleskro Lab 2024 (Sinte-Manouche)

¹² Kolla, kay an i rat van, boudran i tikno tsiro. Tou dal len yaake boud love har men. Tou djineh, te boudram mer o tselo dives. Oun o kham rhačas zoreles ap mende.

Mateo 20:12 ပူးပေါင်းရင်းမြစ်များ

Jona 4:8

Un har o kham ap o bolepen tardo his, mukas o baro Dewel i tato phurdepen dran o mulo them te well, un o kham das jaake tchurje ap o Joneskro shero, te nashras lo peskri soor. Un job kamas te merell un penas: “Miro merepen hi mange mishto, budeder har te djiwap!”

Maleachi 1:13

Un tumer penenn: ‘Dikenn, hawi budi hi men koleha! Ko well menge dran o nak win.’ Tumer anenn mange viechen, kai hi tchoredo, bango un nasselo. Penap me koi pre: ‘Kowa hi shukar, hoi tumer mange krenn’, penell o baro Dewel.

Maleachi 3:14

Tumer penenn: ‘Dineles hi, te das maro djipen an o Debleskro wast. Hoi anell menge kanna, te rikrah leskre laba, un mangah men tele glan o baro Debleste, ko rajeste pral o bolepen un i phub?

Mateo 20:11

Koi tchingran le ap ko rajeste, un penan:

Louka 12:55

Un te phurdell i sorelo ducho dran ko tato mulo them, palle penenn tumer: Kanna well tato. Un tumaro hi tchatcho.

Remarja 3:27

Koon nai sharell pes kanna? Kowa, kai rikras pes ap kol laba, hoi penenna, har te djiwas mer? Na-a, les hi tchi, te sharell lo pes. Kowa hi tchatcho glan o Debleste, kai ap o Jesus Kristeste patsella.

Remarja 3:30

Job hi ko jek Dewel. Kowa krell kolen tchatcho, kai ap o Jesus Kristeste patsenna: i bibolden har kolen, kai kek bibolde hi.

1. Korintarja 4:11

An kau tselo tsiro hi men bok un trush. Un an-ripaske hi men witar tchi. Mer chah dawa. Un men hi kek isema, kai nai atchah.

Efesarja 3:6

Job sikras len, te nai wenn ninna kolla o Debleskre tchawe, kai kek bibolde hi, te djiwenn le leha khetne. O latcho lab o Jesus Kristestar hi ninna lenge, jaake har o Dewel glan i rah tsiro penas.

Jakobo 1:11

O kham djal pre un chatchrell o senlepen. Un koi bluma perell tele, un nashrell peskro shukapen. Jaake har koi bluma, jaake merella ninna ko brawelo ap peskro drom.