Mateo 2:7 - O Debleskro Drom 2021 (Sinte)

⁷ Palle mukas o Herodes kol gosewe murshen tchorchanes pash peste te anell, te putchell lo lendar, kaana ko bolepaskri momeli diklo was.

O Debleskro Lab 2024 (Sinte-Manouche)

⁷ Palle moukas o Herodes kol goseve morshen čorrhanes pash peste te anell, te poučell lo lendar, kaana ko bolepaskri momeli diklo vas.

Mateo 2:7 ပူးပေါင်းရင်းမြစ်များ

Debleskri gili 55:21

O phukepaskro djal ap peskro maleste pre un rikrell gar peskri sowel, hoi das lo leste glan o Debleste.

2. Mose 1:10

Mer hunte hatsas i drom, te wenn jon gar gomme budeder. Te phagals i baro kurepen win, nai dans pen jon ap i wawar rig, un mer hunte kurams men lentsa, un jon djans dran ko them win.”

4. Mose 24:17

Me dikau jekes. Kowa hi kanna gar koi. Dural dikau les. Dran o Jakob well jek, kai djal pre har i bolepaskri momeli. Dran o Israel well i baro rai, un dell i Moabarja khetne. Un kol murshenge, kai wenna pal o Set, dell lo ap o shero.

Mateo 2:1

Ap ko tsiro, har was o Jesus an o foro Betlehem an o them Judea boldo, his o Herodes o baro rai pral o them. Koi wan gosewe mursha dran o them, kai o kham pre djala, un djan an o foro Jerusalem. Jon putchan i menshendar an o foro Jerusalem:

Mateo 2:16

I gosewe mursha djan ap i wawar drom an pengro them, un wan gar pash o Herodeste pale. Har job kowa haiwas, was i bari choli ap leste. Un job bitchras lurden an o foro Betlehem un an i gaba trujel, te marenn le kol tsele mursh tchawen, kai dui bersha un terneder hi. Kol dui bersha his ko tsiro, kai i gosewe mursha leske penan, te was o tchawo boldo bis ko diwes.

Mateo 2:8

Un job penas lenge: Djan an o foro Betlehem un rodenn ko ternepen! Un te hatsan les, penenn les mange, te nai wap me ninna, te mangap les an.

Bičepangre 24:22

O Felix, kai bud djinas ko newo dromestar, tchiwas o tselo koowa ap o wawar diwes, un penas: “Te well ko pralstuno lurdo Lisias pash mende, palle penau me, hoi me krau o Pauleha.”

Debleskro tsiro 12:15

Un ko sap kras peskro mui pre, un tchungras bud sorelo pani pal koi djuwjate win, te tassell li an ko pani.

1. Samuel 18:21

Un o Saul penas: “Me kamau lat leste te dell. Palle hi man tchomone an o wast, koleha nai tradau les an i wasta i Filistarendar.” Un o Saul penas ap o Davideste: “Kau diwes wess tu o duito kopo miri tchakro rom.”