Mateo 2:6 - O Debleskro Drom 2021 (Sinte)

⁶ Tu, o foro Betlehem, hoi an o them Judea tchiddo hi, tut hi i baro lab mashkral i tsele forja an o them Judea. Dran tute wella ko baro rai, kai ap mire menshende, o Israel, garda della, jaake har i bakrengro rai garda della ap peskre bakre.”

O Debleskro Lab 2024 (Sinte-Manouche)

⁶ Tou, o foro Betlehem, hoy an o them Youdea čiddo hi, tout hi i baro lab mashkral i tsele forya an o them Youdea. Dran toute vella ko baro ray, kay ap mire menshende, o Israel, garda della, yaake har i bakrengro ray garda della ap peskre bakre.”

Mateo 2:6 ပူးပေါင်းရင်းမြစ်များ

1. Mose 49:10

Hako tsiro well o baro rai dran o kheer Juda, un jek leskre menshendar rikrell o rajeskro kasht an o wast jaake rah, bis te well kowa, kai tchatchepah o baro rai hi. Ap koleste shunenn i natsjone ap i phub.

2. Samuel 5:2

Glan i rah tsiro har o Saul baro rai pral mende his, anal tu o Israel an o kurepen un pale khere. Un o baro Dewel penas tuke ninna: ‘Tu dess jak ap mire menshende Israel, un tu wess o rai pral o Israel.’”

1. Familjakro liil 5:2

O sorleder mank peskre phrala his o Juda. Doleske was jek dran o kheer Juda o baro rai pral Israel, ninna te his o Josefes o tchatchepen, hoi i phureder tchaweske hi.

Esra 2:21

dran o foro Betlehem: 123 (jek-sheel-te-biish-te-triin);

Jesaja 40:11

Job dell jak ap lende har i bakrengro dell jak ap peskre bakre un dell len te chal, un lell i terne bakren an peskre mussja, un hidjrell len an peskri baja. Un kolla, kai len terne hi, lenge djal lo latches trujel.

Micha 5:2

Jek tsiro dell o baro Dewel peskre menshen an i wasta wawar menshendar, bis te well ko diwes, kai anell i djuwel ko tchawes ab i phub. Palle wenn leskre phrala, kai pral atchan, pale an pengro them pash i wawar Israelitarja.

4. Mose 24:19

Dran o Jakob well kowa, koles penepaske hi, un marell ninna kolen, kai pral atchan an lengre forja.

Mateo 2:1

Ap ko tsiro, har was o Jesus an o foro Betlehem an o them Judea boldo, his o Herodes o baro rai pral o them. Koi wan gosewe mursha dran o them, kai o kham pre djala, un djan an o foro Jerusalem. Jon putchan i menshendar an o foro Jerusalem:

Mateo 28:18

Un o Jesus djas pash lende un penas ap lende: “O baro Dewel das man i soor pral o bolepen un pral i phub.

Johanni 21:16

I duito kopo putchas o Jesus lestar: “Simon, tu, o Johanneskro tchawo, kameh tu man o djijestar?” “Awa, rai!” penas job. “Tu djineh, kai me kamau tut o djijestar.” “De garda ap mire bakre!” penas o Jesus ap leste.

Johanni 7:42

O Debleskro lab penella, ko baro rai, kai well o Deblestar, kowa hi o Davideskre menshendar, un well an o foro Betlehem boldo har o David.”

Efesarja 1:22

O Dewel das halauter an leskre wasta, un kras, te was o Jesus Kristo o pralstuno pral i patslende.

Kolossarja 1:18

Job hi o pralstuno pral i tsele patslende. Har o Dewel les i mulendar djido kras, das lo les o newo djipen glan hako wawareste, koles o Dewel newes krella. Jaake kras o Dewel, kai hi o Jesus Kristo o pralstuno pral halauter, hoi koi hi.

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Debleskro tsiro 2:27

Job anell len i sasterno wasteha un dell lauteren paash, kai gar ap leste shunenna, jaake har tchare paash dino wenna.

Debleskro tsiro 7:17

O terno bakro, hoi mashkral o Debleskro beshepaskro hi, kowa dell jak ap lende, har i bakrengro rai ap peskre bakre jak della, un anell len pash o pani, hoi o djipen della. Un o Dewel khossell hake swa ap lengre jaka tele.