Mateo 2:23 - O Debleskro Drom 2021 (Sinte)

²³ Un kote djiwas lo an i foro, hoi kharella Nazaret. Un jaake was kowa tchatcho, hoi o Debleskre rakepangre glan i rah tsiro penan: Jon denn les Nazaretari gole.

O Debleskro Lab 2024 (Sinte-Manouche)

²³ Oun kote djivas lo an i foro, hoy kharella Nazaret. Oun yaake vas kova čačo, hoy o Debleskre rakepangre glan i rah tsiro penan: Yon denn les Nazaretari gole.

Mateo 2:23 ပူးပေါင်းရင်းမြစ်များ

4. Mose 6:13

Kowa hi ko lab, hoi penell koleske, kai hi i tsireske o Debleske koi, hoi te krell lo: Te hi ko tsiro trujel, kai das job pes sowel, hunte well lo pash o wudar glan o Debleskro plachteno kheer anlo.

Mateo 1:22

Kowa lauter was jaake, te well ko lab tchatcho, hoi o Dewel ap peskro rakepaskro penas:

Mateo 21:11

Un kol bud menshe, kai leha djan, penan lenge: “Kawa hi o Debleskro rakepaskro, o Jesus, kai was dran o foro Nazaret, hoi an o them Galilea tchiddo hi.”

Mateo 26:71

Un job djas win pash o baro wudar glan ko kheer. Kote dikas les i wawar budepaskretsa. Un koja penas ap kolende, kai kote tardo hi: “Kowa hi ninna jek kolendar, kai his o Jesuseha dran Nazaret khetne.”

Markus 1:24

“Hoi kameh tu mendar, Jesus dran Nazaret? Wal tu, te maress men? Me djinau, koon tu hal: Tu weh o Deblestar.”

Markus 1:9

His an kol diwessa, kai was o Jesus dran o foro Nazaret, hoi an o them Galilea tchiddo hi, un mukas pes o Johannestar an o pani Jordan te taufrell.

Louka 1:26

Ap ko tsiro har i Elisabet o shobto tchon an wawar koowa his, bitchras o Dewel o bolepaskres, o Gabrijeles, pash i terni tchate. Lakro lab his Maria. Joi djiwas an o foro Nazaret. Kowa hi i foro an o them Galilea. Un kolakro pirno kharas Josef. O Josef his o Davideskre menshendar.

Louka 18:37

Koi penan le: “O Jesus dran Nazaret djal kote.”

Louka 2:39

Un har i Maria un o Josef lauter jaake kran, har an o Debleskro lab tchinlo his, djan le pale an pengro foro Nazaret, hoi an o them Galilea hi.

Johanni 18:5

“O Jesuses dran Nazaret,” penan jon ap leste. “Me hom kowa!” penas o Jesus. O Judas, ko phukepaskro, his pash lende tardo.

Johanni 18:7

Pale putchas o Jesus lendar: “Kones rodenn tumer?” “O Jesuses dran Nazaret,” penan jon.

Johanni 19:19

O Pilato tchinas ap i kotar kasht: O Jesus dran Nazaret, o baro rai pral i biboldende. Ko kotar kasht was pral ap o trushel dino.

Bičepangre 2:22

Murshale dran Israel, shunenn kal laba, hoi penau tumenge! O Dewel bitchras ko murshes, o Jesuses dran Nazaret, pash tumende. Kowa kras baro un sorelo koowa mank tumende, hoi kek wawar nai krella. Jaake sikras o Dewel, kai o Jesus lestar was. Tumer djinenn kowa, un dikan kowa lauter.

Bičepangre 24:5

Mer djinah, kai kau mursh tchilatcho hi, un kai job tchingepen krella mashkral kol tsele biboldende, kai ap i tseli phub djiwenna. Job hi i pralstuno rakepaskro kolendar, kai patsenna ap o Jesus dran Nazaret.

Čačepangre 13:5

Ko tchawes, kai leh, well i mursh, kai o Debleske hi peskro tselo djipen fun ko diwes, kai well lo ap i phub. Leskre balla wenn gar tchinlo. Un job lell o Israel win dran i wasta i Filistarendar.”

1. Samuel 1:11

un das pes sowel un penas: “Tu, baro Dewel un rai pral o bolepen un i phub, tu te dikeh kanna tiri tchorweli budepaskretsa an, un bistreh lat gar, un deh tiri budepaskretsat i mursh tchawes, palle dau me les tute o tselo tsiro, hoi job djiwella. Un kek tchuri well ap leskre balla, hoi tchinals len tele.”