Mateo 2:18 - O Debleskro Drom 2021 (Sinte)

¹⁸ Bari gole un bud ropen shunan le an o gab Rama. I Rachel rowella pral peskre tchawende, un kamell kekestar latche laba te shunell. Lakre tchawe hi buder gar koi.

O Debleskro Lab 2024 (Sinte-Manouche)

¹⁸ Bari gole oun boud ropen shounan le an o gab Rama. I Rachel rovella pral peskre čavende, oun kamell kekestar lače laba te shounell. Lakre čave hi bouder gar koy.

Mateo 2:18 ပူးပေါင်းရင်းမြစ်များ

1. Mose 37:30

Un job was pale pash peskre phralende un penas: “Ko tchawo hi buder gar koi. Hoi krap me kanna?”

1. Mose 42:36

Un lengro dad, o Jakob, penas ap lende: “Tumer tchoran mire tchawen mandar: O Josef hi buder gar koi. Un o Simeon hi buder gar koi. Un o Benjamines kamenn tumer ninna mandar te lell. Kowa lauter well ap mande!”

Hiob 14:10

Merell i mursh, hi lo buder gar. Kek ducho atchell an leste. Kai hi lo?

Jeremia 31:15

Kowa penell o baro Dewel: I gole un sorelo ropen well shunlo an o foro Rama: I Rachel rowell pral peskre tchawen: Jon hi mulo. Un joi kamell kek shukar laba te shunell.

Jeremia 4:31

Me shunau i gole, har i djuwjatar, kai lell o ersto kopo i ternepen. Kaja hi koi gole o forestar Zion, kai taprell pal ducho, un peskre wasta pre hadell, un gole dell: Me hom nashedo! Kolla wenna un denn man mulo!

Ezekiel 2:10

Un job kras les glan mande pre. Un laba his ap kol dui rigja tchinlo: ropangre gilja un ropaskri gole un dukedi gole.

Mateo 2:17

Koi was kowa tchatcho, hoi o Debleskro rakepaskro, o Jeremia, penas:

Louka 8:52

Un halauter rowan, un dan pengre wasta pral o shero khetne. Un job penas ap lende: “Ma rowenn! Joi hi gar muli. Joi sowella.”

Debleskro tsiro 8:13

Un me dikom dur pral ap o bolepen i baro tchirkles, un shunom, har job gole das: Bibacht, bibacht, bibacht! Te phurdenn i wawar triin bolepangre an pengre phurdepangren, palle wella i bari bibacht ap kolende, kai ap i phub djiwenna.