Mateo 19:8 - O Debleskro Drom 2021 (Sinte)

⁸ Penas lo ap lende: “Tumaro dji hi dran bar, kai o Debleskro lab gar dren djal. Doleske tchinas o Mose, kai nai mukenn tumer tumari romjat. Ap ko tsiro, kai o Dewel i murshes un i djuwjat kras, his kowa gar jaake.

O Debleskro Lab 2024 (Sinte-Manouche)

⁸ Penas lo ap lende: “T'maro dji hi dran bar, kay o Debleskro lab gar dren djal. Doleske činas o Mose, kay nay moukenn t'mer t'mari romyat. Ap ko tsiro, kay o Devel i morshes oun i djouvyat kras, his kova gar yaake.

Mateo 19:8 ပူးပေါင်းရင်းမြစ်များ

1. Mose 2:24

Doleske mukella i rom peskro dades un peskri dat un djala peskri romjah. Un jon wenna jek.

1. Mose 7:7

Un o Noah djas an o panjeskro kheer. Khetne leha djan leskre tchawe, leskri romni un leskre tchawengre romja, te tassenn le gar.

Debleskri gili 95:8

Ma pandenn tumare djia, har tumare phure kran ap i platsa Meriba un Massa an o mulo tato them.

Jeremia 6:16

O baro Dewel penas lenge: Atchenn tardo ap ko drom, kai tumer djan! Dikenn un putchenn pal i phure dromma! Hatsenn win, hawo drom anell tumenge latchepen! Un djan kau drom! Palle well shukapen an tumare djia. Jon penan: Kowa kamah mer gar te krell.

Zakarie 7:12

Lengre djia kran le har bar, te shunenn le gar ap mire laba, hoi sikrenn har te djan le miro drom. Kal laba penan lenge mire rakepangre, kai djiwan glan bud bersha. Doleske was miri bari choli ap lende.

Mateo 19:7

Penan le ap leste: “Te hi kowa jaake, hoske tchinas o Mose an peskro liil: Te kamell i mursh peskri romjat te mukell, palle hunte dell lo lat i liil, kai tchinlo hi, kai job mukas lat?”

Mateo 19:9

Me penau tumenge: Te hi jekes i romni, kai chochras les gar i wawar mursheha, un job mukell lat, un romedinerell i wawar djuwjat, kowa anell doosh ap peste, te las lo i wawar romjat.”

Mateo 3:15

Koi penas o Jesus ap leste: “Muk kowa kanna jaake te well! Hi mishto menge, te kras kowa lauter, hoi o Dewel mendar kamella.” Un o Johanni kras, hoi o Jesus leske penas,

Mateo 8:31

Un kol benga mangan les: “Tu te tradeh men dran kol murshende win, palle muk men an kol balende dren te djal!”

Markus 10:5

O Jesus penas ap lende: “Tumaro dji hi har bar. Doleske tchinas o Mose, kai nai mukenn tumer tumari romjat.

Markus 16:14

Koi pre, har kol deesh-te-jek pash o chapen beshdo his, mukas lo pes lendar te dikell un tchingras ap lende, kai hi lengre djia har barra, un te patsan le gar kolenge, kai les dikan, har job i mulendar pre stas.

1. Korintarja 7:6

Me penau tumenge kowa, te nai krenn kowa jaake, un gar, te hunte krenn les.

1. Samuel 25:43

Glan kowa romedineras o David i Ahinoam dran o foro Jesreel. Jaake his les kanna dui romja.