Mateo 18:22 - O Debleskro Drom 2021 (Sinte)

²² Penas o Jesus ap leste: Na-a, me penau tuke, efta kope hi gar doha. Tu hunte bistress kowa efta-deesh kope un pale efta-deesh kope, jaake rah har job ap tute tchilatcho koowa krella.

O Debleskro Lab 2024 (Sinte-Manouche)

²² Penas o Yezous ap leste: Na-a, me penau touke, efta kope hi gar doha. Tou hounte bistress kova efta-deesh kope oun pale efta-deesh kope, yaake rah har yob ap toute čilačo koova krella.

Mateo 18:22 ပူးပေါင်းရင်းမြစ်များ

1. Mose 4:24

Koon o Kaines mulo della, koleskre menshendar wenna efta mulo dino. Koon man, o Lameches, mulo della, koleskre menshendar wenna 77 (efta-deesh-te-efta) menshe mulo dino.

Jesaja 55:7

Koon kamas tchi o Deblestar te djinell, kowa te djal kanna peskro tchilatcho dromestar tele! Un kowa, kai tchilatcho koowa an peskro shero hi, job te mukell sawo koowa, un well pale pash maro baro Debleste, jaake te krell job peskro dji leske pre, un lell leskri doosh krik.

Micha 7:19

Awa, tu kreh tiro dji pale menge pre un stakreh mari doosh tel tire pire. O tselo tchilatchepen, hoi kram, witsreh tu dur an o baro pani.

Mateo 18:23

Me kamau te sikrap tumende har pash kolende hi, kai djan ap o Debleskro drom. O Dewel an o bolepen hi har i baro rai. Kowa mukell peskre budepangren glan peste te anell, te lell lo lendar kol lowe, hoi jon leske khetne anan dran pengri budi.

Markus 11:25

Un te han tumer tardo un mangenn tchomone o Deblestar, bistrenn ko tchilatcho koowa, hoi i wawar ap tumende kras, te bistrell tumaro dad an o bolepen ninna ko tchilatcho koowa, hoi tumer kran.

Remarja 12:21

Ma muk o tchilatchepen o rai pral tute te well! Muk o latchepen sorleder te well har o tchilatchepen!

Efesarja 4:26

Te wenn tumer an i choli, palle denn garda, te krenn kek tchilatcho koowa! Mukenn o kham gar tele te djal pral tumari choli!

Efesarja 4:31

Awenn ap kekeste tchilatcho un chojedo! Tchingrenn ap kekeste, un praassenn kekes!

Kolossarja 3:13

te choirell pes kek sik pral o wawareste. Un bistrenn ko tchilatcho koowa, hoi i wawar ap tumende kran! Jaake har o rai, o Jesus Kristo, tumari doosh bistras, hunte krenn tumer kowa ninna.

1. Timoteo 2:8

Jaake kamau me, te mangenn i mursha o Debles an, kote, kai i patsle khetne wenna. Kal mursha hunte djiwenn pengro djipen jaake, har o Dewel kamella. Te hadenn le pengre wasta pre, te mangenn le o Debles an, palle hunte denn le jak, te well kek choli un kek tchingepen an lengre djia.