Mateo 17:4 - O Debleskro Drom 2021 (Sinte)

⁴ Koi penas o Petro ap o Jesuseste: “Rai, hi mishto, te ham mer kate. Tu te kameh, krau me triin tikne khera kate, jek tuke, jek o Moseske, un jek o Elijeske.”

O Debleskro Lab 2024 (Sinte-Manouche)

⁴ Koy penas o Petro ap o Yezouseste: “Ray, hi mishto, te ham mer kate. Tou te kameh, krau me triin tikne khera kate, yek touke, yek o Moseske, oun yek o Eliyeske.”

Mateo 17:4 ပူးပေါင်းရင်းမြစ်များ

Debleskri gili 16:11

Tu sikreh o drom, kai an o djipen anell. Pash tute hom bachtelo. Te hom kote, kai tu hal, bashrell miro dji hako tsiro.

Debleskri gili 4:6

Denn kowa o Debleste, hoi mishto un tchatcho hi! Un patsenn, te krell o baro Dewel lauter mishto!

Jesaja 33:17

Tire jaka dikenn o baro rajes an peskro tselo shukapen. Tu dikeh i buchlo them.

Zakarie 9:17

Awa, har railo un shukar well kowa! I tchawe wenn sorele terne mursha un djuwja, jaake bud djob un mool hi koi.

Mateo 17:3

Un ap jek kopo dikan le o Moses un o Elijas koi tardo, kai leha rakrenn.

Louka 9:33

Un har kol dui mursha kaman penge te djal, penas o Petro ap o Jesuseste: “Rai, hi mishto, te ham kai. Muk men triin tikne khera te krell, jek tuke, jek o Moseske, un jek o Elijeske.” Un job djinas gar, hoi rakrell lo kote.

Johanni 17:24

Tata, me kamau, te wenn kolla, kai tu man dal, pash mande, kote, kai me hom, te dikenn le miro railepen un miri soor, hoi tu man dal. Tu kamal man o djijestar, har o bolepen un i phub gar koi his.

Johanni 7:2

I tikno tsiro glan kol biboldengre bare diwessa, hoi kharenna Sukkot, penan leskre phrala ap leste: “Ma atch an o them Galilea! Dja an o them Judea, te dikenn ninna tire mala, hawo baro koowa tu kreh!

Filiparja 1:23

Awa, me djinau gar, hoi feteder hi. Ap jek rig kamaus te merap un te wap pash o Jesus Kristeste. Kowa wals mange feteder.

1. Johanni 3:2

Latche phrala un phenja, kanna ham Debleskre tchawe. Un hoi mer wah an ko tsiro, hoi wella, djinah gomme gar. Jek djinah: Ap ko tsiro, kai well o Jesus Kristo pale, dikah les har job hi, un mer wah jaake, har job hi.

Debleskro tsiro 21:23

Pral o foro hi buder kek kham un kek tchon. O Debleskro railepen hi har o kham, un o terno bakro hi i momeli o foreske.