Mateo 17:12 - O Debleskro Drom 2021 (Sinte)

¹² Tchatchepah, me penau tumenge: O Elija was pale. Jon prindjran les gar, un kran leha, hoi jon kaman. Un jaake hunte lell ninna o Mensheskro Tchawo bud duka ap peste.”

O Debleskro Lab 2024 (Sinte-Manouche)

¹² Čačepah, me penau t'menge: O Eliya vas pale. Yon prindjran les gar, oun kran leha, hoy yon kaman. Oun yaake hounte lell ninna o Mensheskro Čavo boud douka ap peste.”

Mateo 17:12 ပူးပေါင်းရင်းမြစ်များ

Mateo 11:2

Ap ko tsiro his o Johanni an o stilepen. Kote shunas lo, hoi o Jesus Kristo lauter kras. Un job bitchras peskre malen pash leste,

Mateo 16:21

Un ap ko tsiro penas o Jesus peskre malenge, te hunte djal lo an o foro Jerusalem. Un job penas lenge: “Me hunte lap bud duka ap mande. I bare rashaja, un i biboldengre phureder un tchatchepangre, kolla marenn man. Un pal triin diwessa krell man o Dewel djido.”

Mateo 17:11

Penas lo: “Kowa hi tchatcho: O Elija wella, un anell o Debleskre menshen lauter pale khetne.

Mateo 17:13

Kote haiwan leskre mala, te rakras lo o Johannestar, kowa, kai taufras i menshen.

Mateo 17:22

Un o Jesus djas peskre malentsa an o them Galilea trujel. Ap o drom penas lo ap lende: “O Mensheskro Tchawo well an i menshengre wasta dino.

Mateo 17:9

Un o Jesus djas lentsa koi berga tele, un penas soreles ap lende: “Penenn kekeske, hoi tumer dikan, jaake rah har o Mensheskro Tchawo gar i mulendar pre stas!”

Mateo 21:32

Har o Johanni pash tumende was, te sikrell lo tumende o tchatcho drom, patsan tumer leske gar. I pale-tchidde un i lubja patsan ap leskre laba. Ninna har tumer dikan, te patsan kolla ap leskre laba, mukan tumer gar tumaro tchilatcho drom un patsan leske witar gar.”

Mateo 8:20

Penas o Jesus ap leste: “I diwje djuklen hi i tchiben an i phub, kai sowenn le. Un i tchirklen hi tikne khera ap i ruka. Me, o Mensheskro Tchawo, man hi tchi, kai nai tchiwap man tele, te sowap.”

Louka 7:33

O Johanni, kowa, kai taufras i menshen, chas kek maro, un pijas kek mool. Lestar penan tumer: An koleste hi i beng.

Johanni 1:11

Job was an peskro them, un leskre menshe lan les gar pre.

Bičepangre 2:23

Tumer dan o Jesuses an i wasta kolendar, kai gar ap o Debleste patsenna. Un kolla dan les ap o trushel, un kote meras job. Un hoi tumer leha kran, kowa his jaake glan-diklo o Deblestar.

Bičepangre 4:10

Jaake hunte djinenn tumer un i tsele menshe an o them Israel: O Jesus Kristo dran Nazaret, koles tumer ap o trushel dan, kras kau murshes sasto. Kau Jesuses mukas o Dewel i mulendar pre te stell.

Bičepangre 7:52

Penenn mange: Dell jek Debleskro rakepaskro, kai lan tumare phure gar palla? Jon maran kolen, kai glan-wi penan, te well ko jek, kai hako tsiro o tchatchepen krella. Job was, un tumer phukran ap leste un maran les.