Mateo 16:18 - O Debleskro Drom 2021 (Sinte)

¹⁸ Doleske penau tuke: Tiro lab hi kanna Petro. Kowa, hoi tu kate penal, hi har i sorelo bar, ap koleste tchiwau miro kheer. Un miro kheer hi kolla, kai patsenn ap mande. Un kek nashte lell len dran mire wasta win, ninna kek merepen.

O Debleskro Lab 2024 (Sinte-Manouche)

¹⁸ Doleske penau touke: Tiro lab hi kanna Petro. Kova, hoy tou kate penal, hi har i zorelo bar, ap koleste čivau miro kheer. Oun miro kheer hi kolla, kay patsenn ap mande. Oun kek nashte lell len dran mire vasta vin, ninna kek merepen.

Mateo 16:18 ပူးပေါင်းရင်းမြစ်များ

2. Samuel 18:4

O baro rai penas ap lende: “Mishto, me krau, hoi an tumare jaka tchatcho hi.” Un o baro rai djas pash ko baro wudar, un kol tsele lurde djan win glan leste wergel, hake kopo sheel lurde khetne. Pal jek sero was i wawar sero, un jaake dureder.

Hiob 38:17

Hals tu tardo pash i wudja an o mulengro them? Un dikal tu i wudja glan koi platsa, kai hi baro kalepen.

Debleskri gili 107:18

te nai chan le buder tchi, un his budeder mulo har djido.

Debleskri gili 127:5

Bachtelo hi kowa, koles bud kolendar pash peste hi. Te well i doosh ap leste anlo, wenn le leske ap i rig, te lell lo peskro tchatchepen.

Debleskri gili 129:2

bud kope kran le mange o djipen phares. Mulo nai dan le man gar.

Debleskri gili 69:12

Har riwom i gono an, te sikrap har pharo miro dji hi, kran le i sapaskri gili pral mande.

Debleskri gili 9:13

Kowa, kai bistrell gar te dell lo kolen i phagi, kai lan i rateskri doosh ap pende. Job shunell i gole un o mangepen kolendar, kai tchorwelo un palla lino hi.

Gosewe laba 24:7

I dinelo haiwell gar gosewe laba. Kote, kai i tchatchepangre khetne wenna, nai krell lo peskro mui gar pre.

Jesaja 28:16

Doleske penell o baro Dewel, maro rai: Ap i berga Zion tchiwau i sorelo bar, ap koleste miro kheer tardo well. Sorelo un kutch hi ko bar un rikrell lauter win. Ap leste hi tardo: Koon ap mande patsell, nashell peske gar.

Jesaja 28:6

Un i tchatchepangre rajende dell lo o tchatchepen an o dji, te nai rakrenn le tchatchepah o tchatchepen win. Un kol kurepangren dell lo i soor, te nai tradenn le i lurden dran wawar themma pale dran o foro win.

Jesaja 38:10

Me penom mange: Mashkral an miro djipen hunte merap un pash i mulende hunte djap. I bersha, hoi mange hunte wans, wan mange randedo!

Jesaja 54:17

Kek charo, hoi kerdo was, te dell lo tut mulo, nai dukrell tut. Un hako kopo, kai jek tchomone ap tute pre anell, nai sikreh tu, kai job chochras. Kowa krau kolenge, kai mange budrenn. Un me sikrau, te hi jon an o tchatchepen, penell o baro Dewel.

Jona 2:6

O pani djas mange bis ap i meen. O telstunepen his trul mande, un o panjeskro khass pandas pes trul miro shero.

Mateo 10:2

Kolla hi i laba kol deesh-te-dujendar, kolen o Jesus pash i menshende bitchras: O glanstuno his o Simon, kai kharas ninna Petro, un leskro phraal Andreas, un o Jakobo un leskro phraal Johanni, – kolengro dad his o Zebedeo,

Mateo 11:23

Un tumer menshe an o foro Kapernaum, patsenn tumer, kai wenn tumer an o bolepen hadedo? Na-a! Tumer djan an o mulengro them tele. O baro koowa, hoi krom an o Debleskri soor pash tumende, te kroms kowa an o foro Sodom, palle wals ko foro gomme kau diwes.

Mateo 18:17

Te shunell lo kau kopo witar gar ap tumende, palle pen les i patslenge an i kangri. Un te shunell lo gar ap kolende, palle well lo tumenge har i mursh, kai prindjrell o Debles gar un har i pale-tchiddo.

Mateo 4:18

Un har job pash o baro pani an o them Galilea djas, dikas lo kote dui phralen: O Simon, kai kharella ninna Petro, un leskro phrales, o Andreas. Kolla his matchepangre, un witsran pengre matchengre gone an o pani, te taprenn le matchen.

Mateo 7:24

Hakeno, kai mire laba shunella un kowa krella, hoi me penau, kowa hi jaake har i gosewo mursh, kai peskro kheer ap i sorelo baro bar kras.

Johanni 1:42

Un o Andreas anas peskro phrales pash o Jesuseste. Har o Jesus koles dikas, penas lo: “Tu hal o Simon, ko Johanneskro tchawo. Tu khareh kanna Kefas.” Ko kharella baro bar.

Bičepangre 2:47

Jon sharan o Debles, un i tsele menshe dikan latches ap lende. Un hako diwes wan wawar menshe koi pashel, hoi patslo wan.

Bičepangre 20:28

Denn garda ap tumende un ap kol tsele patslende! Kolen ginas o Dewel peskro tchaweskro rateha. O Debleskro Ducho das len an tumare wasta, te denn garda ap lende. Tumer han lengre bakrengre.

Bičepangre 8:1

His mishto an o Sauleskre jaka, te maran le les. Pal ko diwes lan le i patslen soreles palla an o foro Jerusalem. Un i patsle nashan an o them Judea un an o them Samaria. I Jesuseskre bitchepangre atchan an o foro Jerusalem.

1. Korintarja 15:55

Merepen, tiri soor hi krik! Merepen, tu dukreh kekes buder!

Galatarja 2:9

Kol pralstune mank i patslende his o Jakobo, un o Kefas, un o Johanni. Har jon haiwan, kai o Dewel mange latcho hi un man koi budi das, dan jon man un o Barnabas o tchatcho wast, te dikenn halauter, kai ham mer phrala. Mer kram win, te djas mer pash kolende, kai kek bibolde hi, un jon te djan pash i biboldende.

Efesarja 3:10

Kanna dikenn i raja un i pralstune an o bolepen, har baro o Debleskro goswepen hi. Kowa dikenn le ap kowa, hoi job i patslenge kras.

Efesarja 5:32

Kawa lab sikrell men i baro tchatchepen. Me rakrau o Jesus Kristestar un kolendar, kai ap leste patsenna.

Kolossarja 1:18

Job hi o pralstuno pral i tsele patslende. Har o Dewel les i mulendar djido kras, das lo les o newo djipen glan hako wawareste, koles o Dewel newes krella. Jaake kras o Dewel, kai hi o Jesus Kristo o pralstuno pral halauter, hoi koi hi.

1. Timoteo 3:5

Hi kau mursh kek latcho rai pral peskro kheer, nai well lo witar gar i latcho rai pral i patslende, kai wenn khetne an o Debleskro lab.

Hebrearja 12:28

O Debleskro them an o bolepen, kai khere ham, atchell soreles tardo, un kote djah mer. Doleske parkras men pash o Debleste, shunas ap leste, daras lestar un kras, hoi job kamella!

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Debleskro tsiro 21:14

Un koi massuri hi tardo ap deesh-te-dui sorele barra. Ap kolende hi i laba tchinlo kol deesh-te-dujendar, kai his o terno bakreskre bitchepangre.