Mateo 15:9 - O Debleskro Drom 2021 (Sinte)

⁹ Jon te mangenn man an, hi kowa mange tchi moldo! Jon penenn i menshenge i menshengre laba un gar mire laba.

O Debleskro Lab 2024 (Sinte-Manouche)

⁹ Yon te mangenn man an, hi kova mange či moldo! Yon penenn i menshenge i menshengre laba oun gar mire laba.

Mateo 15:9 ပူးပေါင်းရင်းမြစ်များ

Debleskri gili 39:6

Miro djipen hi jaake tikno har i wast buchlo hi. Kowa hi har tchi pash tute. Har sorelo i mensho ninna tardo hi, leskro djipen hi har i ducho.

Debleskri gili 73:13

His kowa tchitcheske, kai rikrom miro dji djudjo, un anom kek doosh ap mande?

2. Mose 20:7

Ma le miro lab ‘baro Dewel’ tchitcheske an tiro mui! Me, o baro Dewel, hom tiro Dewel un dau i phagi hakenes, koon kowa krella.

Jesaja 29:13

O baro Dewel, maro rai, penas: Kal menshe sharenn man labentsa. Lengre tchipja hadenn man. Lengre djia hi dur krik mandar. Te mangenn le man an, rakrenn le palla, hoi lenge glan penlo was.

3. Mose 26:16

palle krau tumentsa jaake: Bari bibacht anau pral tumende, pharo nasslepen, hoi tumenge o djipen randell. Tumer chatchenn glan fibro, tumare jaka nai dikenn buder gar mishto, un kek soor atchell an tumende. Tchitcheske witsrenn djob win an i phub. Kolla, kai kurenn pen tumentsa, chan les pre.

3. Mose 26:20

Tumari phari budi hi tchitcheske. Ap tumari hachetikri phub well tchi bares. Un i ruka an o them hidjrenn kek rukengre.

Maleachi 3:14

Tumer penenn: ‘Dineles hi, te das maro djipen an o Debleskro wast. Hoi anell menge kanna, te rikrah leskre laba, un mangah men tele glan o baro Debleste, ko rajeste pral o bolepen un i phub?

Mateo 15:10

Un o Jesus das kol tsele menshende pash peste gole, kai kote tardo his. Un job penas ap lende: “Shunenn un haiwenn mishto, hoi me tumenge penau!

Markus 7:7

Jon te mangenn man an, hi kowa mange tchi moldo. Jon penenn i menshenge menshengre laba un gar miro lab.

1. Korintarja 15:2

Te rikrenn tumen ap o latcho lab o Jesusestar, jaake har me les tumenge penom, djan tumer gar nashedo. Te wals kowa wawartchandes, wals tumaro patsepen tchitcheske.

1. Timoteo 1:4

Pen lenge, te rodenn jon gar o tchatchepen an i parmisse, witar gar an kol bare lila, kai i phurengre laba tchinlo hi. Kowa anell tchingepen, un anell men gar ap o Debleskro drom dureder.

Tito 1:14

Pen lenge, te shunenn le gar ap i biboldengre parmisse, witar gar ap kol menshende, kai mukan o tchatcho drom un penenn i menshenge, te rikrenn le pen ap laba, hoi penenna, hoi pale-tchiddo hi un hoi gar pale-tchiddo hi.

Hebrearja 13:9

Te hi menshe koi, kai sikrenn tumen wawar dromma un kamenn tumen o Debleskro dromestar tele te anell, palle patsenn lenge gar! Har shukar hi kowa, te wenn tumer sorelo an o dji! Kowa krell o Dewel, kai hi jaake latcho ap tumende. Kolla, kai penenn tumenge, hoi te chan un hoi te chan gar, kolla nai krenn gar tumaro patsepen soreles. Lengre laba hi tchi moldo.

Jakobo 2:20

Hoske haiweh tu kowa gar? Dikeh tu gar, kai o patsepen ap o Debleste tchi molella, te kreh tu gar, hoi job kamella?

Debleskro tsiro 22:18

Lauter, kai shunenn kal laba an kau liil, hoi sikrenna, hoi wella, kolenge penau: Denn jak! Te tchiwell jek tchomone kate pashel an kau liil, pral koleste anell o Dewel koi bari bibacht, hoi an kau liil tchinlo hi.

1. Samuel 25:21

An o Davideskro dji his choli un job penas peske: “Tchatchepah dom ko tselo tsiro tchitcheske jak ap ko tselo koowa, hoi ko murshes hi an o mulo them, jaake te was kek viecho lestar krik. Un job dell man tchilatchepen pale, koleske, hoi leske latches krom.