Mateo 15:22 - O Debleskro Drom 2021 (Sinte)

²² Kote djiwas i djuwel, kai kek biboldetsa hi. Joi hi i Kanaanitetsa. Kaja was pash leste, un das ap leste gole: “Mo rai, tu Davideskro tchawo, kre tiro dji mange pre! I beng hi an miri tchate. Un kowa marell lat khetne.”

O Debleskro Lab 2024 (Sinte-Manouche)

²² Kote djivas i djouvel, kay kek biboldetsa hi. Yoy hi i Kanaanitetsa. Kaya vas pash leste, oun das ap leste gole: “Mo ray, tou Davideskro čavo, kre tiro dji mange pre! I beng hi an miri čate. Oun kova marell lat khetne.”

Mateo 15:22 ပူးပေါင်းရင်းမြစ်များ

Debleskri gili 4:1

I gili o rajeske pral i gipangre, te giwell pash o bashepen ap i dorjengri bashepaskri. O David kras kai gili.

Debleskri gili 45:12

Tu hal jaake shukar, te kamell tut o baro rai. Job hi tiro rai. Doleske dja ap i tchanga glan leste!

Debleskri gili 6:2

Baro Dewel, tu hal chojedo ap mande. Ma de man sawi bari phagi! Ma de man gar an tiri choli!

Ezekiel 3:6

Te bitchroms tut pash sawe menshende, kolen i wawar tchip hi, un kolengro rakepen tu gar haiweh, kolla shunans ap tute.

Mateo 1:1

Kawa hi o liil, hoi sikrella, koon o Jesus Kristeskre phure his. Mank lende his o David un o Abraham.

Mateo 15:23

O Jesus penas tchi ap late. Koi wan peskre mala pash leste, un penan ap leste: “Joi dell sawi bari gole pal mende. Bitche lat tutar!”

Mateo 17:15

un penas: “Rai, kre tiro dji miro tchaweske pre! Job hi jaake nasselo, har te wals lo dinelo, un job perell ap i phub. Bud kope peras lo an i jag, un bud kope peras lo an i pani.

Mateo 4:24

Un ninna an o tselo them Syria shunan le lestar. Un jon anan lauteren pash leste, kai nasselo hi. Mashkral lende his kolla, kai hi len bare duka, un kolla, kai hi an lende benga, un kolla, kai hi nasselo an pengro shero, un kolla, kai hi bango. Un job kras len sasto.

Mateo 9:27

Un o Jesus djas dureder. Un dui korele mursha djan leske palla. Kolla dan gole: “Davideskro tchawo, kre men sasto!”

Louka 17:13

un dan gole: “Jesus, latcho rai, kre tiro dji menge pre!”

Louka 18:13

Ko pale-tchiddo atchas palla tardo, un hadas gar peskro shero pre. Un job das ap peskro betch, te sikrell lo, kai leskro tchilatcho koowa khaitas les, un penas: Miro Dewel, me hom i tchilatcho mursh. Dik ap mande un ab mange latcho!”

Louka 6:18

Kolla wan lauter, te shunenn le o Jesuses te rakrell, un kaman sasto te well. Ninna lauter kolla wan sasto, kai his i beng an lende.