Mateo 15:14 - O Debleskro Drom 2021 (Sinte)

¹⁴ Mukenn le te rakrell! Jon hi korele un kamenn i korelen ap o wast te lenn. Un te lell i korelo i koreles ap o wast, perenn hake dui.”

O Debleskro Lab 2024 (Sinte-Manouche)

¹⁴ Moukenn le te rakrell! Yon hi korele oun kamenn i korelen ap o vast te lenn. Oun te lell i korelo i koreles ap o vast, perenn hake douy.”

Mateo 15:14 ပူးပေါင်းရင်းမြစ်များ

Jesaja 31:3

I Egiptarja hi menshe un kek debla. Un lengre graja hi vieche, – len hi kek debleskri soor. Ap ko tsiro, kai hadell o baro Dewel peskro wast pre, te dell lo len, perenn kolla, kai wan i wawarenge ap i rig, khetne kolentsa. Un khetne merenn le.

Jesaja 42:19

Kek hi jaake korelo har tu, miro budepaskro Israel, kek jaake kashteno har tu, miro bitchepaskro, un kek jaake korelo har tu, miro wi-rodedo budepaskro, kai mange koi hunte wals.

Jesaja 56:10

Kol mursha, kai hunte jak denn ap mire menshende, hi korelo, un jon halauter haiwenn tchi, un hi har djukle, kai kek gole denn. Jon hi koi tchiddo un dikenn suni, un kamenn te sowell.

Jesaja 9:16

Doleske nai well o Dewel gar bachtelo pral lengre terne murshende, un les nai hi kek dji kol tchawenge, kolen kek dad buder hi, ninna kol djuwjenge, kolengre romma meran. Jon halauter peran o Debleskro dromestar tele, kran tchilatcho koowa, un rakrenn pen dinlepen khetne. Pral kowa lauter mukell o Debleskri choli lendar gar tele, un leskro wast atchell pre hadedo, te dell lo len i phagi.

Jeremia 5:31

O Debleskre rakepangre rakrenn chochepen, un kol rashaja rodenn penge ko feteder win, un mire menshe kamenn kowa jaake. Hoi kamenn tumer te krell, te hi tumaro tsiro trujel?

Jeremia 6:15

Jon hunte ladjans pen ko djungelo koweha, hoi jon kran. Kowa krenn le gar. Jon ladjenn gar. Jon djinenn gar, hoi ladj hi. Doleske wenn jon maredo khetne kol wawarentsa. Te wau me, un dau len i phagi, atchell kek lendar djido, penell o baro Dewel.

Jeremia 8:12

Jon hunte ladjans koleske hoi jon kran, koweha man choiran. Kowa krenn le gar. Jon ladjenn gar. Hoi ladj hi, djinenn le gar. Doleske wenn jon maredo khetne kol wawarentsa. Te wau me, un dau len i phagi, hunte perenn le, penell o baro Dewel.

Hosea 4:17

I menshe an o them Efrajim mukan pen chochene deblentsa dren. Mu te krenn le har kamenn le!

Maleachi 2:8

Tumer rashaja nashan miro dromestar ap i wawar drom. Un bud menshe peran tumentsa miro dromestar tele. Tumer sikran lende buder gar o tchatcho drom, un phagan ko lab, hoi me i Levitarentsa win krom. Doleske penau me, o baro Dewel, ko rai pral o bolepen un i phub:

Louka 6:39

Un o Jesus penas lenge laba, kai i khatedo tchatchepen dren hi, un penas: Te lell jek korelo i wawar koreles ap o wast, palle perenn jon hake dui.

Johanni 9:39

Un o Jesus penas: “Me wom ap kai phub, te sikrap i menshen, koon i doosh ap peste anas, un koon kek doosh ap peste anas, jaake kai kolla, kai dikenn nai gar, dikenn nai. Un kolla, kai dikenn nai, kolende sikrau me, kai jon tchi dikenna.”

1. Timoteo 6:5

Sawo tchingepen djal dureder un dureder. Kolla, kai krenn kowa, hi nasselo an o shero un haiwenn buder gar, hoi o tchatchepen hi. Jon patsenna, te nashte lenn le bud lowe khetne, te krenn le, hoi o Dewel kamella.

2. Petro 2:1

Glan i rah tsiro his chochene rakepangre an o them Israel, kai kran, har te bitchras len o Dewel. Jaake wenna ninna mashkral tumende chochene sikepangre, kai sikrenn tumen i chocheno drom, kai anell tumen krik o Deblestar. Kol sikepangre denn o Jesuses, maro rajes, buchoste, kai plaissras peskro rateha lenge, te lell lo len dran o tchilatchepen win. Jon nashenn an pengri bibacht.

2. Petro 2:17

Kol menshe hi har i brunna, kai hi kek pani dren. Jon hi har o bolepen, kai dell kek brishin. Ap ko diwes, kai lenn jon pengri phagi, wenn le an i kali rat witsedo.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.

Debleskro tsiro 22:15

Win hi kolla, kai mukan o Debleskro drom, kolla, kai kran bengeskro koowa, kolla, kai lubran trujel, kolla, kai maran wawaren, kolla, kai mangan wawar koowa an har o Debles, un hakeno, kai kamell un krell o chochepen.