Mateo 15:13 - O Debleskro Drom 2021 (Sinte)

¹³ Penas lo: “Jon hi har ruka, kolen gar miro dad an o bolepen an i phub tchiwas, un jon wenna dran i phub win tserdedo.

O Debleskro Lab 2024 (Sinte-Manouche)

¹³ Penas lo: “Yon hi har rouka, kolen gar miro dad an o bolepen an i phoub čivas, oun yon venna dran i phoub vin tserdedo.

Mateo 15:13 ပူးပေါင်းရင်းမြစ်များ

Debleskri gili 92:13

Kolla, kai an o tchatchepen tardo hi, wenn sorelo har i senele palmtikre ruka. Jon well baro har i zedertikre ruka ap i berga Libanon.

Jesaja 60:21

Tire menshe hi halauter an o tchatchepen tardo. Un kau them hi lenge hako tsireske. Jon hi har i tikne ruka, hoi tchiwom an i phub, un hoi bares wan. Mire wastentsa krom len, te sikrap miro railepen.

Jesaja 61:3

Un kolla an o foro Zion, kolengre djia rowenn, hunte wenn buder gar beshdo an i jagakri tchik un rido an gone. Na-a, me dau len werklia, te krenn le pen shukar, un sungepaskro djet. Lengre djia te giwenn un atchenn buder gar phagedo. Un jon wenn kharedo: ‘Bare ruka, hoi anenn sharepen o Debleske’, un ‘Ruka, hoi o baro Dewel peske an i phub tchiwas’, te well leskro railepen diklo.

Mateo 15:12

Pal kowa wan peskre mala pash leste un penan ap leste: “Djineh tu, kai i Farisarja choiran pen, har jon tire laba shunan?”

Johanni 15:1

“Me hom ko tchatcho drakengro ruk. Un miro dad hi ko hacho, kai budrell an koi baar, kai i drakengre ruka tardo hi.

Johanni 15:2

Hako senelo kasht ap mande, hoi anell kek drake, tchinell job tele. Un ko kasht, hoi anell drake, krell job djudjo, te anell lo budeder drake.

Johanni 15:6

Koon atchell gar an mande, kowa well win witsedo, har kol kashta, kai tele tchinlo hi. Jon wenn khetne rodedo un an i jag tchiddo, te chatchrenn le.

1. Korintarja 3:9

Mer ham o Debleskre budepangre. Tumer han o Debleskri hachetikri phub. Un tumer han har i kheer, hoi o Dewel peske krella.

Judas 1:12

Kol menshenge hunte ladjenn tumen. Te wenn tumer khetne, te pijenn un te chan, palle chan jon pen thulles pash tumende un ladjenn pen gar. Jon dikenn ap pende kokres, te djal lenge kokres mishto. Jon krenn bare laba, hoi tchi moldo hi. Jon hi har ruka, ap kolende tchi baro wella, witar kek patria, un kai hi tseles mulo un wenn tele dino.