Mateo 13:57 - O Debleskro Drom 2021 (Sinte)

⁵⁷ Un jon wan chojedo ap leste, un kaman gar te patsell, kai o Dewel les bitchras. Koi penas o Jesus ap lende: “Kek Debleskro rakepaskro well kote sharedo, kai job khere hi. An i wawar forja un gaba well lo sharedo.”

O Debleskro Lab 2024 (Sinte-Manouche)

⁵⁷ Oun yon van rhoyedo ap leste, oun kaman gar te patsell, kay o Devel les bičras. Koy penas o Yezous ap lende: “Kek Debleskro rakepaskro vell kote sharedo, kay yob khere hi. An i vavar forya oun gaba vell lo sharedo.”

Mateo 13:57 ပူးပေါင်းရင်းမြစ်များ

Jesaja 49:7

O baro Dewel, kowa, kai o Israel dran o tchilatchepen win lell, un kokres leskro Dewel hi, job penell koleske, kai i menshe tele dikenn ap leste, un koles i menshe dran bud themma gar kamenna, un lengre raja lestar pengro budepaskro krenn, ap koleste penell o baro Dewel: Bare raja dikenn tut, un stenn pre glan tute. Un pralstune dikenn tut un witsrenn pen ap i phub glan tute, Jon dikan, kai rikrau pash tute, me, o Israeleskro Dewel, kai tut win rodom.

Jesaja 53:3

I menshe dikan tele ap leste, un tchiwan les ap i rig. I mursh pherde duka un nasslepen his lo. I grecho his lo lenge, glan koleste jon pengro shero krik rissran. Un menge his lo tchi-moldo.

Jesaja 8:14

Pash leste nai khatrenn tumen. Kol wawarenge an Israel un Juda hi lo har i bar, pral koleste jon perenn, awa, har i baro sorelo bar, pral koleste jon pen choirenn. Un i menshenge an Jerusalem hi lo har khatede pandle dorja, an kolende jon perenn un pen taprenn.

Mateo 11:6

Un bachtelo hi kowa, kai choirell pes gar pral mande!”

Mateo 13:58

Un jon patsan gar ap leste. Doleske kras job gar bud baro koowa an o Debleskri soor.

Markus 6:1

O Jesus djas dran ko foro win un was an peskro dadeskro foro. Un leskre mala djan leha.

Markus 6:14

Ninna o baro rai, o Herodes, shunas o Jesusestar. An o tselo them rakran le lestar. I menshe penan: “O Johanni, kowa, kai i menshen taufras, stas i mulendar pre. Doleske hi les i soor, te krell lo sawo baro koowa.”

Markus 6:3

“Hi kowa gar ko mursh, kai budrell i kashtentsa? Hi leskri dai gar i Maria? Hi leskre phrala gar o Jakobo, o Josef, o Simon, un o Judas? Un ninna leskre phenja djiwenn pash mende.” Un jon choiran pen pral leste.

Markus 6:4

O Jesus penas ap lende: “Kek Debleskro rakepaskro well kote sharedo, kai job khere hi, witar gar pash peskre menshende un an peskro kheer. An i wawar forja un gaba well lo sharedo.”

Louka 4:24

Kawa penau me tumenge: Kek Debleskro rakepaskro well kote sharedo, kai job khere hi.

Louka 7:23

Bachtelo hi kowa, kai choirell pes gar pral mande.”

Johanni 4:44

Job penas jek kopo: I Debleskro rakepaskro well gar sharedo kote, kai job khere hi.

Johanni 6:42

“Hi kowa gar o Jesus, ko Josefeskro tchawo?” penan jon. “Mer prindjrah leskro dades un leskri da. Har nai penell lo: Me wom dran o bolepen?”

Johanni 6:61

Har o Jesus lendar haiwas, kai jon pen pral leste choirenna, penas lo ap lende: “Choirell tumen kowa?