Mateo 13:52 - O Debleskro Drom 2021 (Sinte)

⁵² “Tumer dikenn,” penas lo, “hako tchatchepaskro, koon djinell o phuro biboldengro tchatchepen, un ap mande patslo was, kowa haiwell kanna o newo un o phuro koowa pral o Debleste, un nai penell kowa i menshenge.”

O Debleskro Lab 2024 (Sinte-Manouche)

⁵² “T'mer dikenn,” penas lo, “hako čačepaskro, koon djinell o phouro biboldengro čačepen, oun ap mande patslo vas, kova hayvell kanna o nevo oun o phouro koova pral o Debleste, oun nay penell kova i menshenge.”

Mateo 13:52 ပူးပေါင်းရင်းမြစ်များ

Esra 7:10

O Esra tchiwas peskre djijeskre jaka ap o Debleskro drom, te haiwell lo les bud un budeder, un te djiwell lo pal o Debleskro lab, un te sikrell lo halauterenge an o them Israel, hoi o baro Dewel lendar kamell, un har nai djiwenn le pal leskro tchatchepen.

Esra 7:21

Me, o rai Artaxerxes, penom ap halauterende, kai an o them wergel o panjestar Jordan ap i khera garda denn, kai miro brawlepen dren hi: Halauter, hoi mangell tumendar o Esra, ko rashai un sikepaskro kol labendar o bolepaskro Deblestar, kowa denn les sik;

Esra 7:6

Kau mursh Esra djas win dran o them Babilonia, te djal lo an o foro Jerusalem. Job his i sikepaskro, un djinas kol laba mishto, hoi an o Moseskre lila tchinlo hi. Kol laba das o baro Dewel peskre menshende Israel. Un har o Esra gomme an Babilonia his, rikras o baro Dewel peskre wasta pral leste, un kras, te das o baro rai o Esraes halauter, hoi job lestar mangas.

Gosewe laba 11:30

Kowa, hoi i latcho un tchatcho mensho krell, hi har i ruk, hoi o djipen dell. Ko mensho, kai gosewo hi, tserdell wawar menshen ap peskri rig.

Gosewe laba 15:7

I gosewengro rakepen sikrell i wawarende, hoi lenge mishto hi. Kowa, hoi i dinelen an o shero hi, hi tchi moldo.

Gosewe laba 18:4

I laba i gosewo menshestar hi har telstune panja, hoi nashenna an i phub un denn djipen.

Kamlepaskri gili 7:13

Taissarlake nashah menge kote, kai i drakengre ruka tardo hi, te dikas, har wenn le senelo un hidjrenn blume, un har i phabjengre ruka tikne phabja hidjrenn. Kote dau tut miro kamlepen.

Mateo 12:35

Dran i latcho mensheskro dji wella latcho koowa. Dran i tchilatcho dji wella tchilatcho koowa.

Mateo 13:51

Haiwan tumer kawa lauter? Un jon penan ap leste: “Awa.”

Mateo 13:53

Un har o Jesus i menshenge kol tsele laba penas, kai i khatedo tchatchepen dren hi, stas lo pre un djas peske.

Mateo 23:34

Shunenn, bitchrau pash tumende mire rakepangren, mire gosewe murshen, un mire tchatchepangren. Kolen denn tumer ap o trushel, marenn len, un denn len dawa an tumare kangria. Un tumer lenn len palla an hako foro.

Mateo 28:19

Doleske djan pash i menshende an hake themma, un penenn lenge mire laba, te patsenn le ap mande! Taufrenn len ap o lab o dadestar, o tchawestar un o Debleskro Ducho!

Louka 11:49

O Dewel djinas kowa. Doleske penas lo glan i rah tsiro: Me bitchrau mire rakepangren un mire bitchepangren pash lende. Un mashkral lende hi sawe mursha, kai wenn lendar maredo, un wawar wenn palla lino.

Johanni 13:34

Kowa hi newo, hoi me tumenge kanna penau: Te kamell jek o wawares o djijestar, jaake har me kamau tumen o djijestar!

2. Korintarja 6:10

Menge hi ropaske, un mer nai sanah. Mer ham tchorwelo, un krah i wawaren brawelo. Men hi tchi ap kai phub, un lauter hi menge.

Efesarja 3:4

Te drawerenn tumer miro liil, palle haiwenn, kai prindjrau kowa, hoi o Jesus Kristo menge kras.

Efesarja 3:8

Ninna te hom me o tikneder kol tsele patslendar, das lo man koi shukar budi, te djap pash kolende, kai hi kek bibolde, te penap lenge, hawo baro brawlepen o Jesus Kristes lenge hi,

Kolossarja 1:7

Kau lab penas tumenge maro kamlo phraal, o Epafras. Kowa budrella o Jesus Kristeske har mer. Job krell peskri budi mishto pash tumende.

Kolossarja 3:16

Ma mukenn tele, te rakrenn un shunenn o lab o Jesus Kristestar! Rakrenn les tumenge an o dji! Awenn gosewo koi pashel, te sikrell jek o wawareste, har te djal lo ap o Debleskro drom! Giwenn Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Awa, giwenn o Debleske, un sharenn les an tumare djia!

1. Timoteo 3:6

I phureder mank i patslende hunte well gar newes an o patsepen, te nai phurdell lo pes gar pre. Te phurdas pes lo pre, nai tserdell les o beng o Debleskro dromestar tele.

Tito 1:9

Job rikrell pes ap o Debleskro lab jaake, har kowa leske penlo was, un tchatcho hi. Palle nai rakrell lo i patslenge an o dji, te atchenn le ap o tchatcho drom. Ninna nai sikrell lo kolende, kai wawar koowa rakrenna, kai lengro gar tchatcho hi.