Mateo 13:44 - O Debleskro Drom 2021 (Sinte)

⁴⁴ Kowa, kai hatsas o drom pash o Debleste, koleske hi kowa har i kutch brawlepen, hoi an i kotar phub khatedo hi. Un i mensho hatsell les, un khatrell les pale. Un job hi jaake bachtelo koi pral, te bikrell lo lauter, hoi les hi, un ginell ko kotar phub.

O Debleskro Lab 2024 (Sinte-Manouche)

⁴⁴ Kova, kay hatsas o drom pash o Debleste, koleske hi kova har i kouč bravlepen, hoy an i kotar phoub khatedo hi. Oun i mensho hatsell les, oun khatrell les pale. Oun yob hi yaake barhtelo koy pral, te bikrell lo lauter, hoy les hi, oun ginell ko kotar phoub.

Mateo 13:44 ပူးပေါင်းရင်းမြစ်များ

Hiob 28:13

Kek mensho djinell, har bud o goswepen moldo hi. Ap i phub, kai i menshe djiwenn, well lo gar hatslo.

Gosewe laba 16:16

Hi budeder moldo te less goswepen har te less sonakai. Te haiweh, hoi mishto un gar mishto hi, hi kowa tuke feteder har rup.

Gosewe laba 17:16

Hoske hunte dals i dinelo lowe win, te nai djal lo an i sikepaskri? Leske djal tchi an leskro shero.

Gosewe laba 18:1

Koon pes i wawarendar krik rikrella, rodell, hoi peske kokres shukar hi, un kamell gar dren te dikell, hoi latcho leske wals.

Gosewe laba 23:23

Muk tuke o tchatchepen un o goswepen bud moldo te well! Muk tuke hako tsiro tchomone te penell, te haiwess lauter mishto.

Jesaja 55:1

Awenn pash o pani, tumer kolen trush hi! Un tumer, kai tumen kek lowe hi, awenn un ginenn un chan! Awenn un ginenn kek lowentsa un lenn tchitcheske mool un thud!

Mateo 13:24

Un job penas lenge pale, har kote djal, kai dell o Dewel i menshen pash peste gole, te djan le ap leskro drom. Un job penas: I hacho witsras o latcho djob ap peskro kotar them, te well ko djob baro.

Mateo 13:46

Un har job i railo un kutch bar hatsas, bikras lo lauter, hoi les his, un ginas les.

Mateo 13:47

Ap ko diwes, kai o Debleskri harmenatsjona wella, well kowa jaake har pash i matchepangre, kai witsran pengre matchengre gone an o baro pani, un tapran bare un tikne matche.

Mateo 19:21

Penas o Jesus ap leste: “Te kameh tu o tselo Debleskro kamlepen te krell, palle bike lauter, hoi tut hi! Un de kol lowe i tchorwelende! Palle hi tut i brawlepen an o bolepen. Un am un dja mantsa!”

Mateo 19:27

Koi penas o Petro ap leste: “Djineh, mer mukam lauter un djam tuha. Hoi lah mer?”

Mateo 19:29

Un hakeno, kai mukas peskro kheer, peskre phralen, peskre phenjen, peskro dades, peskri dat, peskre tchawen un peskro kotar them, te djal lo mantsa, kowa lell sheel kope pale, hoi job mukas. Un o Dewel dell les o djipen, hoi gar pre-herella.

Mateo 6:21

Kote, kai tiro brawlepen hi, kote hi ninna tiro dji.

Louka 14:33

Doleske penau tumenge: Kek tumendar nai well miro maal, te dell job gar lauter pre, hoi les hi.”

Johanni 6:35

O Jesus penas lenge: “Me hom ko maro, kai della ko djipen. Koon pash mande wella, koles well buder kek bok. Un koon ap mande patsella, koles well buder kek trush.

Remarja 15:4

Lauter kowa, hoi an o phuro tsiro an o Debleskro lab tchinlo was, was tchinlo, te las mer newi soor dran o Debleskro lab, un das maro patsepen gar pre, un dikas ap ko latchepen, hoi o Dewel men della, an ko tsiro hoi wella.

Kolossarja 2:3

Job kokres nai dell tumen o tselo goswepen, te haiwenn o Debleskro lab mishto.

Kolossarja 3:16

Ma mukenn tele, te rakrenn un shunenn o lab o Jesus Kristestar! Rakrenn les tumenge an o dji! Awenn gosewo koi pashel, te sikrell jek o wawareste, har te djal lo ap o Debleskro drom! Giwenn Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Awa, giwenn o Debleske, un sharenn les an tumare djia!

Hebrearja 10:34

Tumer rowan kolentsa, kai an o stilepen hi. Kolla, kai gar patslo his, lan tumendar kowa krik, hoi tumaro his. Un i bachtelo djijeha mukan tumer len kowa te krell. Tumer djinan, kai hi tumen i feteder brawlepen an o bolepen, hoi kek nai lell tumendar.

Debleskro tsiro 3:18

Doleske penau tumenge: Ginenn mandar sonakai, sawo sonakai, hoi an i jag thodo was, jaake te wenn tumer tchatchepah brawelo. Ginenn mandar ninna parne ripja, un riwenn kolla ap tumende, te han buder gar nango, un hunte ladjenn tumen buder gar. Un ginenn kutch djet, un makenn tumare jaka, te nai dikenn pale!