Mateo 11:5 - O Debleskro Drom 2021 (Sinte)

⁵ I korele dikenna pale un i bange nashenna pale. I nassele, kai lengro mass ap lende tele merell, kolla wenna sasto. Kolla, kai nai shunan gar, shunenna kanna. I mule wenna djido. I tchorwele shunenn o Debleskro latcho lab.

O Debleskro Lab 2024 (Sinte-Manouche)

⁵ I korele dikenna pale oun i bange nashenna pale. I nassele, kay lengro mass ap lende tele merell, kolla venna sasto. Kolla, kay nay shounan gar, shounenna kanna. I moule venna djido. I čorvele shounenn o Debleskro lačo lab.

Mateo 11:5 ပူးပေါင်းရင်းမြစ်များ

2. Rajengro liil 5:14

Koi djas job tele pash o pani Jordan un tchiwas pes tel o pani efta kope jaake har o Debleskro mursh kowa penas. Un leskro mass was pale sasto har ko mass i tikno tchawestar. Un job was sasto ap peskro tselo mass.

2. Rajengro liil 5:7

Un har o baro rai pral Israel ko liil draweras, tserdas job i koola pestar tele un penas: “Hom me o Dewel, kai nai marau un krau djido? O baro rai pral Syria bitchrell kau murshes pash mande, te krap les sasto un lap ko nasslepen ap leskro mass lestar krik. Tumer dikenn, har rodell job tchingepen mantsa!”

Debleskri gili 146:8

O baro Dewel krell, te nai dikenn i korele pale. O baro Dewel hadell kolen pale pre, kai tele dino hi. O baro Dewel kamell kolen o djijestar, kai an o tchatchepen tardo hi.

Debleskri gili 22:26

Tut kamau me te sharell, kote, kai bud khetne wenna. Glan kolende, kai tut an-mangenna, kamau me tuke te dell, hoi sowel dom.

2. Mose 4:11

Pale penas o baro Dewel ap o Moseste: “Koon krell, te nai rakrenn i menshe? Un koon krell kowa, te nai rakrell un shunell jek gar? Koon krell kowa, te nai dikenn le? Un koon krell, te nai dikell jek gar? Hom kowa gar me?

Jesaja 29:18

Ap ko diwes shunenn kolla, kai nai shunenn gar, i laba dran i liil. Un i korele nai dikenn un djiwenn buder gar an o kalepen un an i rat.

Jesaja 29:19

Un o baro Dewel krell kolen pale bachtelo, kai wan tele rikedo. Un i tchorwele giwenn i bachtjatar pral o Israeleskro Debleste.

Jesaja 43:8

An kai glan mande kol menshen, kai korele hi, ninna te hi len jaka, un kolen, kai shunenn gar, ninna te hi len kanda!

Jesaja 66:2

Me, o baro Dewel, krom miro wasteha kowa lauter, hoi koi hi. Un me dikau kamles ap koleste, kai hi tele rikedo un phagedo an peskro dji, un kai darell glan miro lab.

Zakarie 11:7

Un kol parepangre, kai ginan un bikran i bakre, dan man koi budi, te dap jak ap kol bakre, kai maredo wenn. Un me lom dui kashta: Ko jekes kharom ‘latchepen’ un ko wawar ‘harmenatsjona’. Un me dom garda ap kol bakre.

Mateo 10:8

Krenn i nasselen sasto, un krenn i mulen djido! Un kolla, kai i djungelo nasslepen ap o mass hi, kolen krenn ninna sasto! Tradenn i bengen dran i menshende win! Kai soor dom tumen tchitcheske. Doleske krenn kowa ninna tchitcheske, un lenn kek lowe lendar!

Mateo 11:4

Penas o Jesus ap lende: “Djan pash o Johanneste, un penenn leske, hoi tumer shunan un dikan:

Mateo 12:13

Un ap ko mursheste penas lo: “Hade tiro wast pre!” Un job hadas peskro wast pre. Un leskro wast was sasto, har ko wawar wast.

Mateo 21:14

Koi wan korele un bange an o Debleskro baro kheer pash o Jesuseste, un job kras len sasto.

Mateo 5:3

Bachtele hi kolla, kai djinenna, kai hi le tchorwelo glan o Debleste. Jon djiwenna o Debleha khetne an o bolepen un lenn leskro brawlepen.

Mateo 9:30

Un jon nai dikan. Un o Jesus penas soreles ap lende: “Te shunell kowa kek!”

Markus 7:37

Un kolenge, kai kowa shunan, atchas o rakepen krik, un jon penan: “O Jesus kras lauter mishto. Kolen, kai nashte shunenn gar, krell lo, te shunenn le. Un kolen, kai rakrenn nashte gar, krell lo, te rakrenn le.”

Markus 9:25

Un o Jesus dikas, kai nashan bud menshe pash leste khetne. Koi das lo ko benges trad, un penas ap leste: “Tu beng, kai rakreh un shuneh nashte gar, me penau tuke: Dja win lestar, un dja buder gar an leste dren!”

Louka 4:18

O Debleskro Ducho hi ap mande. Job rodas man win, te penap i tchorwelenge o Debleskro latcho lab. Un job bitchras man, te penap kolenge, hoi stilde hi, te wenn le dran lengro stilepen win, un kolenge, kai korelo hi, te dikenn le pale, un kolenge, kai pale-tchiddo hi, te wenn le pale erligo,

Johanni 10:25

Penas o Jesus ap lende: “Koon me hom, penom tumenge. Tumer patsenn man gar. Halauter, hoi me krau an miro dadeskro lab, kowa hunte sikrell tumende, koon me hom.

Johanni 10:38

Te krau me, hoi o dad mange penas, patsenn ap kowa, hoi me krau! Jaake dikenn un prindjrenn tumer, kai o dad an mande hi un me an leste.”

Johanni 2:23

An kol bare diwessa, kai kharenna Passa, patsan bud menshe an o foro Jerusalem ap o Jesuseste, har dikan le ko baro koowa, hoi kras lo an o Debleskri soor.

Johanni 3:2

Kowa was an i rat pash o Jesuseste, un penas: “Rai, mer djinah, kai tu hal i sikepaskro. O Dewel bitchras tut pash mende. Kek nai krell kowa, hoi tu kreh an o Debleskri soor. Ap kowa dikah mer, kai hi o Dewel tuha.”

Johanni 5:36

Man hi tchomone, hoi penell tumenge feteder o tchatchepen pral mande win har o Johanni. Kowa hi ko koowa, hoi krau, kolestar o dad mange penas, te krap kowa. Kowa sikrella, kai o dad bitchras man.

Johanni 9:7

Un job penas ap leste: “Dja pash ko pani Siloam, un thob tut koi!” Siloam kharella: O Dewel bitchras man. Koi djas job un thowas pes kote. Har job pale was, dikas lo nai.

Bičepangre 2:22

Murshale dran Israel, shunenn kal laba, hoi penau tumenge! O Dewel bitchras ko murshes, o Jesuses dran Nazaret, pash tumende. Kowa kras baro un sorelo koowa mank tumende, hoi kek wawar nai krella. Jaake sikras o Dewel, kai o Jesus lestar was. Tumer djinenn kowa, un dikan kowa lauter.

Jakobo 2:5

Shunenn, mire kamle phrala! O Dewel rodas kolen win, kai hi tchorwelo ap kai phub, te wenn le brawelo an o patsepen. Ko tsiro wella, kai djiwenn le leha khetne an o bolepen un lenn leskro brawlepen. Kowa lenna kolla, kai kamenn les o djijestar. Jaake penas les o Dewel.