Mateo 11:18 - O Debleskro Drom 2021 (Sinte)

¹⁸ O Johanni chas un pijas gar. Un jon penenna: “I beng hi an leste.”

O Debleskro Lab 2024 (Sinte-Manouche)

¹⁸ O Yohanni rhas oun piyas gar. Oun yon penenna: “I beng hi an leste.”

Mateo 11:18 ပူးပေါင်းရင်းမြစ်များ

2. Rajengro liil 9:11

Un har o Jehu win djas pash kol menshende leskro rajestar, putchan le lestar: “Hi tchomone? Hoske was ko dinelo pash tute?” “Tchi”, penas job. “Tumer prindjrenn kol murshes, kowa rakrell dinelo koowa.”

Jeremia 15:17

Me nai hom gar wawar menshentsa bachteles khetne beshdo, un sau lentsa, tu tchiwal tiro wast ap mande, un hom kokres. Tiri choli pral kal menshende was ninna an mande.

Jeremia 29:26

O baro Dewel rodas tut win, te wess o rashai pal o rashajeste Jojada. Tu wess o pralstuno an o baro Debleskro kheer, te tchiwess kol tsele narwelen pandles, kai wenna un penenn, te hi le Debleskre rakepangre, un penenn tchomone glan-wi. Tu tchiwess lengre pire an kashta un sasterne shelle trul lengri meen.

Hosea 9:7

O tsiro hi koi, kai me tumenge tumari phagi dau, un tumaro tchilatchepen ap tumare sherja pale anau. Un tumer Israelitarja haiwenn kowa! Tumer penenn: “I narwelo hi ko Debleskro rakepaskro! Ko mursh, koles o Debleskro ducho hi, rakrell dinelo koowa!” Jaake baro hi tumari doosh un tumari choli ap mande!

Mateo 10:25

Jek, kai djal an o sikepaskro kheer, koleske hi doha, te djinell lo jaake bud har peskro sikepaskro. Un i budepaskro, koleske hi doha, te haiwell lo jaake bud har peskro rai. Un te penenn le ap o rajeste pral o kheer: Beng! palle kharenn le ninna kolen jaake, kai an leskro kheer djiwenna. Doleske ma darenn lendar!

Mateo 11:17

Mer bashram tumenge. Tumer khelan gar. Mer giwam mulengre gilja. Tumer rowan gar.

Mateo 3:4

I plaashka dran viechengre balla his ap leste. Un i ledertikri dori his trul leste. Un leskro chapen his gwin un tikne stepangre, kai stenn an o senlepen trujel.

Mateo 9:34

I Farisarja penan: “O pralstuno beng das les koi soor. Doleske nai tradell job kol bengen win.”

Markus 3:22

Un i biboldengre tchatchepangre, kai wan dran o foro Jerusalem tele, penan: “O pralstuno beng hi an leste!” Un jon penan ninna: “O pralstuno beng das les i soor, te nai tradell job i bengen win.”

Louka 1:15

Un job wella bares glan o Debleskre jaka. Mool un wawar sorelo pipen pijell job gar. Un har job gomme gar boldo hi, hi lo pherdo Debleskro Ducho.

Johanni 10:20

Bud lendar penan: “I beng hi an leste un job hi dinelo. Ma shunenn ap leste!”

Johanni 7:20

“An tute hi i beng”, penan kol tsele menshe. “Koon kamell tut te marell?”

Johanni 8:48

“Hi maro gar tchatcho?” penan kol bibolde. “Tu hal i Samaritari un an tute hi o beng, jaake har mer les penam.”

Johanni 8:52

Koi penan jon: “Kanna djinah mer, kai hi an tute i beng. O Abraham meras, un o Debleskre rakepangre meran ninna. Un tu peneh: Te krell jek, hoi me kamau, kowa merell buder gar.

Bičepangre 26:24

Har o Paulo kowa rakras, te sikrell lo, kai hi kek doosh ap leste, das o Festo gole: “Paulo, tu hal dinelo! Tu hal jaake gosewo, te wal narwelo.”

1. Korintarja 9:27

Un me dau jak ap mande, te wap o rai pral miro mass. Me kamau gar te penap i menshenge, hoi jon hunte krenna, un me kokres krau les gar.