Mateo 11:10 - O Debleskro Drom 2021 (Sinte)

¹⁰ Lestar hi tchinlo an o Debleskro lab: O Dewel penas ap peskro tchaweste: Me bitchrau i murshes glan tute ap o drom, te krell lo tuke i drom, te nai wess pash i menshende.

O Debleskro Lab 2024 (Sinte-Manouche)

¹⁰ Lestar hi činlo an o Debleskro lab: O Devel penas ap peskro čaveste: Me bičrau i morshes glan toute ap o drom, te krell lo touke i drom, te nay vess pash i menshende.

Mateo 11:10 ပူးပေါင်းရင်းမြစ်များ

Jesaja 40:3

Shunenn! Koi dell jek gole: “Krenn o baro Debleske o drom an o mulo tato them, te nai well lo pash i menshende! Lenn halauter krik, hoi maro Debleske an o drom tchiddo hi!

Maleachi 3:1

O baro Dewel, ko rai pral o bolepen un i phub penell: Denn jak, me bitchrau miro bitchepaskres! Job krell glan mande o drom jaake, har mange mishto hi. Un ko rai, kolestar tumer penenn, te rodenn les, kowa well sik pash peskro kheer. Ko bitchepaskro, kai tumentsa pral kowa rakrell, hoi tumentsa win krom, ap koleste tumer tumaro tselo djijeha dikenna, job hi gar dur.

Mateo 11:11

Tchatchepah, me penau tumenge: Kek was boldo ap kai phub, kai hi bareder har o Johanni. Me penau tumenge ninna: O tikneder kolendar, kai mukenn man pengro rai te well, kowa hi bareder har o Johanni.

Mateo 11:3

un mukas lestar te putchell: “Hal tu kowa, kai hunte well? Hunte dikas mer ap i wawareste, te well lo?”

Mateo 3:3

O Johanni hi ko mursh, kolestar o Debleskro rakepaskro, o Jesaja, penas: Kote hi jek, kai an o mulo them gole della un penella: Krenn o drom o Debleske, te nai well lo pash i menshende! Lenn halauter krik, hoi o Debleske an o drom tchiddo hi.

Markus 1:2

Kowa was jaake har o Debleskro rakepaskro, o Jesaja, glan i rah tsiro an peskro liil tchinas. O Dewel penas ap peskro tchaweste: Shun, me, o Dewel, bitchrau i murshes glan tute ap o drom, te krell lo tuke i drom, te nai wess pash i menshende.

Louka 1:76

Un tu miro tchawo, tu weh ninna i Debleskro rakepaskro. Un tu djah glan o Debleste, un kreh leske i drom pre, te well lo nai pash i menshende.

Johanni 1:23

Job penas: “Me hom kowa, kai dell gole an o mulo them: Lenn halauter krik, hoi o Debleske an o drom tchiddo hi. Jaake penas kowa o Debleskro rakepaskro, o Jesaja, glan i rah tsiro.”