Mateo 10:41 - O Debleskro Drom 2021 (Sinte)

⁴¹ Koon i Debleskro rakepaskres an peskro kheer lella, un krell kowa doleske, kai kowa o Debleskro lab penella, koles dell o Dewel jaake bud brawlepen, har job peskre rakepangren della. Koon i Debleskro murshes an peskro kheer lella, un krell kowa doleske, kai kowa i Debleskro mursh hi, koles dell o Dewel jaake bud brawlepen, har job i Debleskro murshes della.

O Debleskro Lab 2024 (Sinte-Manouche)

⁴¹ Koon i Debleskro rakepaskres an peskro kheer lella, oun krell kova doleske, kay kova o Debleskro lab penella, koles dell o Devel yaake boud bravlepen, har yob peskre rakepangren della. Koon i Debleskro morshes an peskro kheer lella, oun krell kova doleske, kay kova i Debleskro morsh hi, koles dell o Devel yaake boud bravlepen, har yob i Debleskro morshes della.

Mateo 10:41 ပူးပေါင်းရင်းမြစ်များ

1. Mose 20:7

Un kanna, de koi romjat pale o romeste! Job hi i Debleskro rakepaskro. Un te mangell o Abraham tuke, atcheh tu djido. Te deh lat gar pale, hunte meress un lauter, hoi tiro hi.”

Jesaja 3:10

I bacht well ap kolende, kai an o tchatchepen tardo hi! Un lauter djal lenge mishto. Ko latcho koowa, hoi le kran, well ap lende pale.

Mateo 16:27

Me hom o Mensheskro Tchawo. Un me wau pale ap i phub an o railepen, hoi das man miro dad an o bolepen. Un mantsa wenna mire bolepangre. Un palle dikau ap hakeneste, hoi job kras. Un me dau latcho koowa kolen, kai latcho koowa kran. Un me dau i phagi kolen, kai tchilatcho koowa kran.

Mateo 25:44

Un palle penenn jon ap leste: Rai, kaana his tut bok un trush? Kaana hals tu kek mendar? Kaana his tut kek ripen? Kaana hals tu nasselo un stildo, un mer hams gar tuke koi?

Mateo 25:45

Palle penell lo ap lende: Tchatchepah, me penau tumenge: Ko latchepen, hoi tumer gar jekeske mire tchorwele phralendar kran, ko latchepen kran tumer mange ninna gar.

Mateo 6:1

Denn jak, har krenn tumer latcho koowa! Ma krenn les jaake, te dikenn i menshe kowa un sharenn tumen! Koon tumendar kowa krella, koles dell tumaro dad an o bolepen kek latchepen pale.

Mateo 6:18

te dikenn i menshe gar, kai tu bokeh o Debleske. Un o baro Dewel, kai hi tiro dad an o bolepen, djinella, hoi tu leske kreh. Job dikell tut, un dell tut o latchepen pale, hoi tu leske kral.

Mateo 6:6

Tu te rakreh o Debleha, palle dja an tiri isema, klide o wudar pal tute, un kote rake o Debleha! Un o baro Dewel, kai hi tiro dad an o bolepen, dikell tut kote. Un job dell o latchepen pale, hoi tu kral.

Mateo 7:8

Koon mangella, kowa lella. Koon rodella, kowa hatsella. Un koon ap o wudar della, koleske well pre kerdo.

Bičepangre 16:15

Un joi mukas pes peskre menshentsa te taufrell, un mangas men soreles un penas: “Te patsenn tumer, kai me ap o rajeste, o Jesuseste patsau, awenn an miro kheer un atchenn kote!” Un joi mangas men o tselo djijestar, te was mer an lakro kheer.

Remarja 16:23

O Gajo, – kowa las man an leskro kheer dren, – penell tumenge latche laba. An leskro kheer wenn i tsele patsle khetne. Ninna o Erasto, kai dell garda ap o foreskre lowe, un o Kwarto, miro latcho phraal an o patsepen, penenn tumenge latche laba.

1. Korintarja 9:17

Te kroms me kowa mandar, palle nai loms me kowa plaissedo. Me krau kowa gar mandar. O Dewel das man koi budi.

Hebrearja 6:10

O Dewel hi latcho un tchatcho, un bistrell gar tumaro kamlepen ap leste, har budran i patslenge, un krenn kowa gomme kanna dureder.

2. Johanni 1:8

Denn jak, te nashrenn gar kowa, hoi mer tumen sikram, te well tumen ninna ko tselo brawlepen, hoi o Dewel kamell tumen te dell.