Mateo 10:14 - O Debleskro Drom 2021 (Sinte)

¹⁴ Kote, kai lenn le tumen gar pre, un kamenn tumen gar te shunell, kote djan tumenge dran ko kheer un dran ko foro win! Un denn koi tchik tumare pirendar tele!

O Debleskro Lab 2024 (Sinte-Manouche)

¹⁴ Kote, kay lenn le t'men gar pre, oun kamenn t'men gar te shounell, kote djan t'menge dran ko kheer oun dran ko foro vin! Oun denn koy čik t'mare pirendar tele!

Mateo 10:14 ပူးပေါင်းရင်းမြစ်များ

Nehemia 5:13

Ninna trisslom miri baja win, un penom: “Jaake trissell o Dewel hakenes tumendar, kai rikrell gar peskro lab. O Dewel lell lestar leskro kheer un lauter, hoi les hi.” Un lauter, kai kote khetne wan, penan: “Amen!” Un jon sharan o baro Debles. Un i menshe kran pal kol laba, har jon penan.

Mateo 10:13

Un jon te lenn tumen an lengro kheer dren, palle well o Debleskri bacht ap lende. Jon te lenn tumen gar an lengro kheer dren, palle well o Debleskri bacht gar ap lende.

Mateo 18:5

Un kowa, kai lell sawo tchawo pash peste pre, kowa lell man pash peste pre.

Markus 6:11

Kote, kai lenn le tumen gar an pengro kheer dren, un kamenn gar ap tumende te shunell, kote djan dureder, un denn koi tchik tumare pirendar tele! Kowa sikrell kol menshende, kai jon tchilatcho hi.”

Markus 9:37

“Kowa, kai lell sawo tchawes pash peste pre an miro lab, kowa lell man pash peste pre. Un koon man pre lella, kowa lell o koles pre, kai bitchras man.”

Louka 9:48

un penas ap lende: “Kowa, kai lell kau tchawes pash peste pre an miro lab, kowa lell man pash peste pre. Koon man pre lella, kowa lell koles pre, kai bitchras man. Koon mashkral tumende o tikneder hi, kowa hi baro.”

Louka 9:5

Un te lenn le tumen gar an pengro kheer dren, djan tumenge dran kau foro, un denn koi tchik tumare pirendar tele! Un kowa sikrell i menshende, kai jon tchilatcho hi.”

Johanni 13:20

Tchatchepah, me penau tumenge: Koon jekes an peskro kheer lella, koles me bitchrom, kowa lell man an peskro kheer. Un koon man an peskro kheer lella, kowa lell koles an peskro kheer, kai bitchras man.”

Bičepangre 13:51

Un o Paulo un o Barnabas dan koi tchik pengre pirendar tele, te djinan kolla an ko foro, hawo djungelo koowa jon kran. Un pal kowa djan o Paulo un o Barnabas an o foro Ikonion.

Bičepangre 18:6

Jon shunan gar ap leste un praassan les. Palle das job koi tchik dran peskre koola tele, un penas ap lende: “Tumaro rat well ap tumaro shero. Man hi kek doosh. Kanna djau me pash kolende, kai kek bibolde hi.”

1. Tessalonikarja 4:8

Koon kamell kol laba gar te shunell, kowa tchiwell o Debles ap i rig, un gar i menshes. Un o Dewel hi kowa, kai das peskro Ducho an tumende.