Mateo 1:25 - O Debleskro Drom 2021 (Sinte)

²⁵ Jaake rah, har ko ternepen gar boldo was, tchiwas lo pes gar pash late. Un har o tchawo boldo was, das job les o lab Jesus.

O Debleskro Lab 2024 (Sinte-Manouche)

²⁵ Yaake rah, har ko ternepen gar boldo vas, čivas lo pes gar pash late. Oun har o čavo boldo vas, das yob les o lab Yezous.

Mateo 1:25 ပူးပေါင်းရင်းမြစ်များ

2. Samuel 6:23

Un i Michal, o Sauleskri tchai, kolat his kek ternepen an peskro tselo djipen.

1. Rajengro liil 1:4

Un kai terni tchai his bud shukar. Joi his o baro rajeske koi un his leskri budepaskretsa. O baro rai David sowas gar lah.

2. Mose 13:2

“Hako mursh tchawo, kai hi o phureder peskri datar pash i Israelitarja, ninna pash lengre viechende, dess tu mange. Kowa hi miro.”

2. Mose 22:29

Jaake kress ninna tire grumjentsa un tire bakrentsa un busjentsa. Efta diwessa atchenn le pash pengri date. Un ap o ochtato diwes dess len mande.

Mateo 1:21

Un joi lella i tchawes. Tu deh les o lab Jesus. Job lella i doosh peskre menshendar ap peste.

Mateo 1:24

Un o Josef stas pre, un kras jaake, har o Debleskro bolepaskro leske penas. Un job las i Mariat pash peste.

Louka 1:31

Shun, tu weh an wawar koowa, un leh i tchawes. Koles dess tu o lab Jesus.

Louka 2:21

Har ochta diwessa trujel his, un o ternepen ap o mass tchinlo was, dan le les o lab Jesus. Kau lab penas o bolepaskro i Mariake, har joi gomme gar an wawar koowa his.

Louka 2:7

Un lat was i tchawo. Un joi tchiwas pherne trul leste, un tchiwas les kote dren, kai o chapen i viechenge dren tchiddo wella. An i kertchima his lenge kek tchiben.

Remarja 8:29

Har rodas lo len win, his an leskro dji, te wenn le jaake har peskro tchawo. Kowa te well o phureder mank bud phralende un phenjende.