Mateo 1:20 - O Debleskro Drom 2021 (Sinte)

²⁰ Har leske kowa an o shero trujel djas, was o Debleskro bolepaskro pash leste an i suni, un penas: “Josef, tu Davideskro tchawo, ma traash, te less i Mariat pash tute, te romedineress lat! O ternepen was dran o Debleskro Ducho an late.

O Debleskro Lab 2024 (Sinte-Manouche)

²⁰ Har leske kova an o shero trouyel djas, vas o Debleskro bolepaskro pash leste an i souni, oun penas: “Yosef, tou Davideskro čavo, ma traash, te less i Mariat pash toute, te romedineress lat! O ternepen vas dran o Debleskro Dourho an late.

Mateo 1:20 ပူးပေါင်းရင်းမြစ်များ

1. Mose 31:11

Un o Debleskro bolepaskro penas ap mande an i suni: ‘Jakob!’ Penom: ‘Ake hom.’

1. Mose 46:3

Un o Dewel penas: “Me hom o Dewel, ko Dewel tiro dadestar. Ma traash te djas an o them Egiptia! Koi krau me, te wess o dad i bari natsjona.

1. Rajengro liil 17:13

Kote penas o Elija lake: “Ma traash! Dja koi un kre, har tu penal! De jak, te kress mange i tikno maro, un an les mange win. Un palle kre o maro tuke un tiro tchaweske!

1. Rajengro liil 3:5

Kote an o foro Gibeon mukas pes o baro Dewel o Salomeske an i suni te dikell an i rati. Un o Dewel penas: “Tu nai putcheh man, hoi kameh mandar.”

Debleskri gili 119:125

Tiro budepaskro hom me. Muk man tire laba te haiwell, hoi menge sikrenn, har te djiwas.

Debleskri gili 143:8

Ap i tsalla muk man tiro latchepen te shunell. Me dikau ap tute. Sike man hawo drom me hunte djap. Miro dji nashell pal tute.

Debleskri gili 94:19

Har his mange ropaske, rakral tu latches ap miro dji, un kral les pale soreles.

Gosewe laba 12:5

O Debleskre menshe kamenn o tchatchepen te krell. Tchilatche menshen hi tchi an o shero har chochepen.

Jesaja 26:3

Baro Dewel, tu rikreh tire wasta pral kolende, kai mukenn pen gar tutar krik te tserdell, un deh len shukapen an o dji. Ap tute rikrenn le pen.

Jesaja 30:21

Te kamenn ap i tchatchi oder ap i serwi rig leskro dromestar tele te djal, palle shunenn tumare kanda i rakepen, hoi pal tumende rakrell: Kawa hi o drom, kowa djan!

Jesaja 51:7

Shunenn, hoi penau, tumer, kai prindjrenn o tchatchepen, tumer menshe, kai kamenn miro drom te djal. Ma darenn glan ko praassepen, koleha i menshe tumen praassenn! Ma darenn glan lengro baro mui!

Jesaja 7:13

Kote pre penas o Jesaja: “Shunenn, tumer, kai wenna o Davideskre tchawendar! Hi tumenge gar doha, te krenn menshen khino? Krenn kanna ninna miro Debles khino?

Jesaja 7:2

Un har o baro rajeske pral Juda penlo was, kai tchiwan i Syrarja pengre plachtene khera pre an o Efrajimeskro them, kote trissas lo i trashatar. Un ninna i tsele menshe an Juda trissan jaake har i ruka an i wesha trissenn, te phurdell i sorelo ducho.

Jeremia 31:22

Har rah kameh te nashess trujel, tu, miri tchai, kai mukal miro drom? O baro Dewel krell tchomone newes ap i phub: I romni hi pash peskro romeste.

Jeremia 33:26

jaake tchiwau me gar mire menshen pale, kai wenna pal o David, kowa, kai mange koi his, un pal o Jakobeskre wawar tchawende. Dran o Davideskro kheer lau jekes, kai well o baro rai pral i menshende, kai wenna pal o Abraham, o Isaak un o Jakob. Me krau te well mire menshenge halauter pale mishto. Un me krau miro dji lenge pre.

Jeremia 40:9

Un o Gedalja das pes glan lende sowel un penas: Ma trashenn i lurdendar dran Babilonia! Mukenn len pral tumende o rai te well! Atchenn kate an o them un budrenn o baro rajeske dran o them Babilonia! Palle djal tumenge mishto.

4. Mose 12:6

Un job penas: “Shunenn mire laba! Te bitchrau me jekes pash tumende, kai penell tumenge mire laba, sikrau leste tchomone an i dikepen un rakrau leha an sunja.

Mateo 1:18

Un jaake his kowa, har o Jesus Kristo boldo was. Leskri dai his i Maria. Lakro pirno his o Josef. Har jon gomme gar romedino his, was i Maria wawartchandes dran o Debleskro Ducho.

Mateo 2:12

Un an i suni penas o Dewel lenge, te djan le gar pash o Herodeste pale. Jaake djan le penge, te wenn le ap i wawar drom an pengro them pale.

Mateo 2:13

Un har jon penge djan, was o Debleskro bolepaskro pash o Josefeste an i suni, un penas ap leste: “Ste pre! Le o ternepas un leskri dat, un naash an o them Egiptia! O Herodes mukell o ternepas te rodell, te marell lo les. Atch koi, bis te penau me les tuke, te wess pale!”

Mateo 2:19

An ko tsiro, har o Josef an o them Egiptia his, meras o Herodes. Koi was o Debleskro bolepaskro pash leste an i suni,

Mateo 2:22

Ap o drom shunas lo, te hi o Archelao kanna o baro rai pral o them Judea. Kowa his o Herodeskro tchawo. Doleske trashas o Josef, te djal lo kote pale. Un o Dewel penas leske an i suni, kai te djal. Un job djas an o them Galilea.

Mateo 27:19

Har o Pilato ap o tchatchepaskro beshepaskro beshdo his, te rakrell lo o tchatchepen pral leste win, mukas leskri romni leske te penell: “Ko mursh anas kek doosh ap peste. Muk les te djal! Taissar rati his man i tchilatchi suni, un man his bare duka dran leste.”

Mateo 28:5

Un o bolepaskro penas ap kol djuwjende: “Ma darenn! Me djinau, te rodenn tumer o Jesuses, kai ap o trushel dino was.

Louka 1:19

O bolepaskro penas ap leste: “Me hom o Gabrijel, un me hom glan o Debleste tardo. O Dewel bitchras man pash tute, te penap tuke kowa.

Louka 2:4

Un o Josef djas peskri pirnjah, i Maria, dran o foro Nazaret, hoi an o them Galilea tchiddo hi. Un jon djan an o foro Betlehem an o them Judea, te mukenn le kote pengre laba pre te tchinell. An ko foro his o baro rai David glan i rah tsiro boldo. Un o Josef his o Davideskre menshendar. I Maria his ap ko tsiro an wawar koowa.

Bičepangre 5:19

An i rati was i bolepaskro o Deblestar un kras kol wudja an o stilepen pre, un anas len win, un penas ap lende:

Debleskro tsiro 19:7

Te was bachtelo, te giwas un stas, un les sharas! O tsiro hi kanna kai, te romedinerell o terno bakro. Un leskri pirni kras pes shukar, te djal li leha.”

Čačepangre 13:3

Un o bolepaskro o baro Deblestar mukas pes latar te dikell un penas ap late: “Tu djineh, te nai leh kek tchawen. Kanna djiness, tu weh wawartchandes un leh i mursh tchawes.