Mateo 1:1 - O Debleskro Drom 2021 (Sinte)

¹ Kawa hi o liil, hoi sikrella, koon o Jesus Kristeskre phure his. Mank lende his o David un o Abraham.

O Debleskro Lab 2024 (Sinte-Manouche)

¹ Kava hi o liil, hoy sikrella, koon o Yezous Kristeskre phoure his. Mank lende his o David oun o Abraham.

Mateo 1:1 ပူးပေါင်းရင်းမြစ်များ

1. Mose 12:3

Kolla kai penenna, te well tut bud bacht, ap kolende tchiwau miri bacht. Un kolla, kai penenna, te well tut bibacht, ap kolende anau ninna bibacht. Koi bacht, hoi me tut dau, djal dureder ap i tsele menshende, kai ap i phub hi.”

1. Mose 2:4

Kowa hi ko liil, kai tchinlo hi, har o bolepen un i phub kerdo wan.

1. Mose 22:18

Tu kral, hoi me tuke penom. Doleske djal koi bacht, hoi dau tire menshende, dureder ap i tsele natsjone, kai ap i phub hi.”

1. Mose 5:1

Kowa hi ko liil, kai i laba tchinlo hi kol menshendar, kai wan pal o Adam. Ap ko diwes, har o Dewel o menshes kras, kras les lo jaake har job hi.

Debleskri gili 132:11

O baro Dewel das o Davideste i sowel, un job lell koi sowel gar pale. Un job penas: Me rodau jekes tire tchawendar win, te well lo baro rai pal tute.

Debleskri gili 89:3

Kowa hi hoi me penau: Hako tsireske atchell leskro latchepen, jaake rah har dell o bolepen, rikrell job peskro lab.

Debleskri gili 89:36

Jek kopo dom me man sowel, un chochau o Davides gar: Jaake har tchatcho hi, kai hom o Dewel, jaake hi tchatcho,

Jesaja 11:1

Jaake har well i tikno newo kasht dran i tele dino ruk, un i newo tikno ruk mank leskre draba win, jaake well i newo baro rai dran o Davideskro kheer.

Jesaja 53:8

Job was stildo un glan i tchatchepangre anlo un krik lino, te well lo maredo. Un kek nai rakrell leskre tchawendar, kai pal leste wenna. I doshake mire menshendar was job win tserdedo dran o them, kai i djide djiwenn.

Jeremia 23:5

Ko diwes wella, penell o baro Dewel, kai mukau dran o Davideskri familja i mursh bares te well. Kowa hi an o tchatchepen tardo. Job well i latcho baro rai, un rikrell pes ap o Debleskro tchatchepen, un krell hoi mishto un tchatcho hi an o them.

Jeremia 33:26

jaake tchiwau me gar mire menshen pale, kai wenna pal o David, kowa, kai mange koi his, un pal o Jakobeskre wawar tchawende. Dran o Davideskro kheer lau jekes, kai well o baro rai pral i menshende, kai wenna pal o Abraham, o Isaak un o Jakob. Me krau te well mire menshenge halauter pale mishto. Un me krau miro dji lenge pre.

Amos 9:11

O baro Dewel penell: Ap ko diwes krau o Davideskro kheer newes, kowa hoi kanna khetne peredo hi. Kote, kai lo paash hi, krau les tseles. Kote, kai barra win phagedo hi, tchiwau len pale pre. Me krau les jaake har lo glan bud tsiro his.

Zakarie 12:8

An ko tsiro rikrell o baro Dewel peskre wasta pral i menshende an o foro Jerusalem. Un i menshe kote sikrenn pen jaake sorelo, te hi i bango jaake sorelo har o David his. Un i menshe dran o Davideskro kheer djan glan lende, har te djals o Debleskro bolepaskro glan lende.

Mateo 1:18

Un jaake his kowa, har o Jesus Kristo boldo was. Leskri dai his i Maria. Lakro pirno his o Josef. Har jon gomme gar romedino his, was i Maria wawartchandes dran o Debleskro Ducho.

Mateo 1:2

O Abrahameskro tchawo his o Isaak. Leskro tchawo his o Jakob. Koleskre tchawe his o Juda un leskre phrala.

Mateo 15:22

Kote djiwas i djuwel, kai kek biboldetsa hi. Joi hi i Kanaanitetsa. Kaja was pash leste, un das ap leste gole: “Mo rai, tu Davideskro tchawo, kre tiro dji mange pre! I beng hi an miri tchate. Un kowa marell lat khetne.”

Mateo 3:16

un taufras o Jesuses. Har o Jesus dran o pani pral djas, djas o bolepen pre. Un job dikas o Debleskro Ducho har i parno tchirklo ap peste tele te well.

Mateo 9:27

Un o Jesus djas dureder. Un dui korele mursha djan leske palla. Kolla dan gole: “Davideskro tchawo, kre men sasto!”

Louka 1:33

Un job atchell baro rai pral o Jakobeskre menshende hako tsiro. Un les hi penepaske pral lauter un hakeneste. Kowa atchell jaake hako tsireske.”

Johanni 7:42

O Debleskro lab penella, ko baro rai, kai well o Deblestar, kowa hi o Davideskre menshendar, un well an o foro Betlehem boldo har o David.”

Bičepangre 2:30

O David his i Debleskro rakepaskro, kai nai dikas glan-wi, hoi wella. O David djinas, hoi o Dewel leske penas, te well jek pal leste, hoi well o baro rai. Un kowa wella leskre menshendar. O Dewel das pes sowel, te well kowa jaake.

Remarja 1:3

Ko drom hi o Debleskro tchawo. Kowa was i mensho un was o Davideskre menshendar. Job was ninna o Deblestar. O Dewel sikras i bari sorjah, te hi lo leskro tchawo, har kras lo les i mulendar djido. Kowa hi o Jesus Kristo, maro rai.

Remarja 4:13

Glan rah tsiro das o Dewel o Abrahames peskro lab, te lenn leskre tchawe i tseli phub. Ap ko tsiro penas o Dewel leske gar: Tu te kreh lauter, hoi tutar kamau, palle leh tu kowa halauter. Na-a. Job penas leske: Tu patsal ap mande, doleske hal tchatcho glan mande.

Remarja 9:5

Lengre phure hi o Abraham, o Isaak un o Jakob. Ninna o Jesus Kristo was i Israelitari, har was lo boldo. Sharas o Debles pral kowa lauter hako tsireske. Amen!

Galatarja 3:16

Jaake hi kowa o labeha, hoi o Dewel o Abrahameste das. O Dewel penas ap o Abrahameste, te dell lo peskri bacht un soor ap leste un ap leskro tchaweste, kai wella pal leste. Kate rakrell o Dewel jek tchawestar. Job rakrell gar kol bud tchawendar, kai wenna pal o Abraham. Ko jek tchawo hi o Jesus Kristo.

1. Timoteo 2:5

Hi jek Dewel i tsele menshenge. Un hi jek rakepaskro, kai anell o Debles un i menshen khetne. Kowa hi ko mensho Jesus Kristo.

2. Timoteo 2:8

Rike an tiro shero o Jesus Kristes! Koles las o Dewel dran i mulende win, un kras les djido. Job his o Davideskre menshendar. Jaake penau kowa i menshenge.

Debleskro tsiro 22:16

Me, o Jesus, bitchrom miro bolepaskres pash tumende, te penell lo kau koowa i patslenge. Me hom o Davideskro tchawo. Me hom koi raili bolepaskri momeli, hoi djal pre taissarlake ap o bolepen.”