Markus 7:4 - O Debleskro Drom 2021 (Sinte)

⁴ Te wenn jon dran o foro an lengro kheer pale, thowenn le pen, un palle nai chan le. Un jon rikrenn pen ap bud wawar koowa, un thowenn i khore, i pirja un i sasterne tchare jaake, har lengre phure lenge penan.

O Evangelio Jezus Kristusester pala Markus 1912 (Sinte)

⁴ Nina chana len či, ta vejena api nikeleste, ta thodenpen len sikerder. Ta keake dela kome buteder vaver pedenge ta rikerenlen, kava ho muraden pen o phuriende drin: o thodopen i korenge i čarenge ta i čivenenge.

O Debleskro Lab 2024 (Sinte-Manouche)

⁴ Te venn yon dran o foro an lengro kheer pale, thovenn le pen, oun palle nay rhan le. Oun yon rikrenn pen ap boud vavar koova, oun thovenn i khore, i pirya oun i sasterne čare yaake, har lengre phoure lenge penan.

Markus 7:4 ပူးပေါင်းရင်းမြစ်များ

Debleskri gili 26:6

Me thowau mire wasta, te sikrap, kai hi kek doosh ap mande, un djau kote, kai wenn vieche tuke chatchedo,

Jesaja 1:16

Thowenn tumen, krenn tumen djudjo! Anenn tumaro tchilatcho koowa, hoi kran, dran mire jaka krik. Mukenn o tchilatchepen!

Jeremia 35:5

Un me tchiwom glan kol murshende dran o kheer Rechab khore pherdi mool, ninna tchare, te nai pijenn le, un penom: Pijenn mool!

Jeremia 4:14

Jerusalem, te kameh win lino te well, palle thob tiro tchilatchepen tiro djijestar tele! Har rah kameh tu ko tchilatchepen an tiro shero te rikrell?

Mateo 23:25

Tumer tchatchepangre un Farisarja! Kowa, hoi tumer krenna, ko hi gar mishto! Tumaro patsepen hi chochepen! Tumer thowenn i khore un tchare kokres wrijal. Tumer han har i tcharo, hoi win djudjo hi un dren djungelo. An tumare djia han boklo un tchilatcho.

Mateo 23:26

Tu Farisari, tu hal korelo. Kre tiro dji djudjo! Palle well tuke o tselo wawar koowa ninna djudjo.

Mateo 27:24

Har o Pilato dikas, te nai krell lo tchi, un te wenn le diwjeder, las lo pani, thowas peskre wasta glan i tsele menshende, un penas: “Me anau kek doosh ap mande, te well lo maredo. Koi doosh well ap tumende.”

Markus 7:8

Tumer krenn, hoi i menshe tumenge penan un gar, hoi o Dewel tumenge penas.”

Johanni 2:6

An ko kheer his shob panjeskre khore dran bar. I bibolde hunte thowan pengre wasta kote, jaake har kowa pash i bibolde hi. An hako khoro djas sheel-te-biish litarja dren.

Johanni 3:25

Jek diwes tchingras i biboldo kolentsa, kai djan o Johanneske palla, pral kowa, har kolla, kai pal o biboldengro tchatchepen pale-tchiddo hi, nai wenn pale erligo.

Hebrearja 9:10

Ninna rikrenn pen i menshe ap laba, kai penenna, hoi te chan le gar, un hoi te pijenn le gar, un har te thowenn le pen. Kol laba hi menshengre laba. Kowa lauter his mishto jaake rah, har sikras len o Dewel gomme gar o feteder drom, te nai wenn jon pash leste.

Jakobo 4:8

Awenn pash o Debleste! Jaake well job ninna pash tumende. Ap tumende, kai kran tchilatcho koowa, penau me: Krenn tumare wasta djudjo! Ap tumende, kai djan ap dui dromma, penau me: Mukenn ko tchilatcho drom, un djan ap o Debleskro drom!

1. Johanni 1:7

Mer te djiwah khetne o Debleha an o tchatchepen, jaake har o Dewel an o tchatchepen tardo hi, palle nai ham mer ninna lauter khetne an o tchatchepen. Un o rat leskro tchawestar thowell mari tseli doosh mendar tele.